Papaya Tree: ఇదేం లాజిక్కు?.. బొప్పాయి చెట్టుకు మేకులు కొడితే గంపలకొద్దీ కాయలు కాస్తాయా?

Papaya Tree: బొప్పాయి చెట్టుకు మేకులు కొడితే నిజంగానే కాయాలా కాస్తాయా? అలా అయితే తోటలు వేసినవాళ్లకు పంట దిగుబడి రావాలి కదా? ఇది కేవలం గుడ్డి నమ్మకమేనా? లేక దీనికి ఏమైనా శాస్త్రీయ ఆధారాలేమైనా ఉన్నాయా? 

Image Credit : our own

ఇదేం లాజిక్కు

 బొప్పాయి చెట్టుకు మేకులు కొడితే నిజంగానే కాయాలా కాస్తాయా? అలా అయితే తోటలు వేసినవాళ్లకు పంట దిగుబడి రావాలి కదా? ఇది కేవలం గుడ్డి నమ్మకమేనా? లేక దీనికి ఏమైనా శాస్త్రీయ ఆధారాలేమైనా ఉన్నాయా?
మీ ఇంట్లో బొప్పాయి చెట్టుకు మూడు నాలుగు నెలలైనా కాయలు కాయట్లేదా? అయితే, దాని కాండానికి మేకు కొట్టాలనే ఆలోచన వస్తోందా? పల్లెటూర్లలో చాలామంది నమ్ముతారు, పాటిస్తారు కూడా. బొప్పాయి కాండానికి ఇనుప మేకు కొడితే తొందరగా కాయలు కాస్తాయని నమ్ముతారు. కానీ, ఇందులో నిజమెంత?

Image Credit : pinterest

బొప్పాయిలో ఫలసాయం కోసం సాంప్రదాయ నమ్మకం

చాలామంది రైతులు బొప్పాయి చెట్టుకు కాయలు కాయకపోతే, దాని కాండానికి ఇనుప మేకు కొడతారు. ఇలా చేయడం వల్ల చెట్టుకు షాక్ తగిలి, ఆ ఒత్తిడిలో త్వరగా పూత, కాతకు వస్తుందని వాళ్లు నమ్ముతారు. మేకులోని ఐరన్ చెట్టుకు అంది, వేగంగా పెరిగి కాయలు కాస్తుందని కూడా కొందరు అంటారు. మరి సైన్స్ ఏమంటుందో చూద్దాం.

Image Credit : Getty

శాస్త్రీయ వాస్తవం ఏంటి?

బొప్పాయి చెట్టుకు మేకు కొడితే తొందరగా కాయలు కాస్తాయనడానికి ఎలాంటి శాస్త్రీయ ఆధారాలు లేవు. చెట్టు కాయలు కాయడం అనేది దాని రకం, పోషణ, ఎండ, ఉష్ణోగ్రత, నీటిపై పూర్తిగా ఆధారపడి ఉంటుంది. మేకు కొట్టడం వల్ల కాండానికి గాయమై, ఫంగల్ లేదా బ్యాక్టీరియా ఇన్ఫెక్షన్ వచ్చే ప్రమాదం పెరుగుతుంది. కొన్నిసార్లు ఇది చెట్టు పెరుగుదలను కూడా దెబ్బతీస్తుంది. మరి కాయలు త్వరగా కాయాలంటే ఏం చేయాలో తెలుసుకుందాం.

Image Credit : Getty

బొప్పాయి చెట్టుకు కాయలు త్వరగా కాయాలంటే ఏం చేయాలి?

బొప్పాయి చెట్టుకు కాయలు తొందరగా, ఎక్కువగా కాయాలంటే, దానికి రోజూ కనీసం 6 నుంచి 8 గంటల ఎండ తగలాలి. ఆవు పేడ, వర్మీకంపోస్ట్, పొటాష్ వంటి ఎరువులు వాడితే చెట్టు ఎదుగుదలకు సహాయపడుతుంది. మొక్క నాటేటప్పుడే నాణ్యమైన విత్తనాలు లేదా మొక్కను ఎంచుకోవాలి. దీనివల్ల చెట్టు తొందరగా పెరిగి, కాయలు కూడా త్వరగా కాసే అవకాశం పెరుగుతుంది.

Image Credit : Getty

బొప్పాయి సాగు చిట్కాలు

బొప్పాయి చెట్టుకు మేకు కొట్టమని చాలామంది మీకు సలహా ఇవ్వొచ్చు, కానీ మీరు అలా చేయకండి. దానివల్ల చెట్టుకు నష్టం జరిగే అవకాశం ఉంది. సరైన తోటపని పద్ధతులు పాటిస్తేనే చెట్టు నుంచి ఎక్కువ ఫలసాయం పొందవచ్చు.