ఫోన్ పోతే టెన్షన్ వద్దు మామా..! CEIRతో ఈజీగా కనిపెట్టేయొచ్చు!!
ఈరోజుల్లో ఫోన్ ప్రతి ఒక్కరికీ అత్యవసరం అయ్యింది. కేవలం సమాచారం ఇచ్చిపుచ్చుకోవడానికే కాదు.. బ్యాంకింగ్ లావాదేవీలు, ఇతర అవసరాలకూ ఫోన్ నే ఉపయోగించడం సాధారణం అయ్యింది. అంత ముఖ్యమైన ఫోన్ ఎక్కడ పడిపోతే, ఎవరైనా దొంగిలిస్తే మనకు గుండె దడగానే ఉంటుంది. అయితే ఈసారి మీ ఫోన్ పోతే మాత్రం ఎక్కువగా టెన్షన్ పడకండి. CEIR పోర్టల్ ద్వారా ఎలా వెనక్కి తెచ్చుకోవాలో తెలుసుకోండి.
- FB
- TW
- Linkdin
Follow Us
 "తేలికగా రికవరీ")
తేలికగా రికవరీ
మీ మొబైల్‌ను ఎవరైనా దొంగిలిస్తే, మీరే ఈజీగా వెతకవచ్చు...
"అయ్యో నా ఫోన్ పోయిందే!" - ఈ మాట, ఈ రోజు చాలా ఇళ్లల్లో, వీధుల్లో, ఎందుకు పోలీస్ స్టేషన్లలో కూడా వినిపిస్తుంది. చేతిలో ఉండే స్మార్ట్‌ఫోన్ జస్ట్ ఒక వస్తువు కాదు, అది మన బ్యాంక్ అకౌంట్, ఫ్రెండ్స్, రిలేటివ్స్, ఆఫీస్, ఎంటర్‌టైన్‌మెంట్ అన్నీ కలిపిన ఒక చిన్న ప్రపంచం. అలాంటి ఫోన్ పోతే, అయ్యో రామా అని బాధపడటం తప్ప ఏం చేయలేం. కానీ CEIRతో తేలికగా వెనక్కి తీసుకోవడం సాధ్యమే.
CEIR - ఒక డిజిటల్ కాపలాదారు!
CEIR అంటే 'సెంట్రల్ ఎక్విప్‌మెంట్ ఐడెంటిటీ రిజిస్టర్'. ఇది ఇండియన్ గవర్నమెంట్ టెలికమ్యూనికేషన్ డిపార్ట్‌మెంట్ ద్వారా రూపొందించారు. పోయిన లేదా దొంగిలించబడిన మొబైల్‌లను వెనక్కి తీసుకురావడానికి, మొబైల్ దొంగతనం ఆపడానికి చేసిన ఒక డిజిటల్ కాపలాదారు అని చెప్పవచ్చు.
IMEI - మొబైల్ ఆధార్ నంబర్!
ప్రతి మొబైల్‌కు 15 అంకెల IMEI (International Mobile Equipment Identity) నంబర్ ఉంటుంది. ఇది మొబైల్ ఆధార్ నంబర్ లాంటిది. ఈ నంబర్ ఉంటేనే CEIR పోర్టల్‌లో కంప్లైంట్ ఇవ్వడానికి తేలిక అవుతుంది.
IMEI నంబర్ ఎలా కనుక్కోవాలి?
మొబైల్ తీసుకున్న బాక్స్ మీద ఒక స్టిక్కర్ మీద ఉంటుంది.
మొబైల్ బ్యాటరీ ఉండే చోట ఒక స్టిక్కర్ మీద ఉంటుంది. మొబైల్ మీ దగ్గర ఉంటే *#06# అని డయల్ చేస్తే స్క్రీన్ మీద కనిపిస్తుంది.
CEIR పోర్టల్ ద్వారా కంప్లైంట్ ఇవ్వడం ఎలా?
- పోలీస్ కంప్లైంట్: మొదటిగా, దగ్గరలోని పోలీస్ స్టేషన్‌లో మొబైల్ పోయిందని కంప్లైంట్ ఇవ్వాలి. FIR కాపీ తీసుకోవడం మర్చిపోకండి.
- CEIR పోర్టల్: CEIR పోర్టల్ యొక్క అధికారిక వెబ్‌సైట్‌కి వెళ్ళండి.
- డీటెయిల్స్ నింపడం: పోయిన మొబైల్ యొక్క IMEI నంబర్, పోయిన సిమ్ కార్డ్ నంబర్, పోలీస్ కంప్లైంట్ డీటెయిల్స్ మరియు మీ డీటెయిల్స్ ను సరిగ్గా నింపండి.
- OTP వెరిఫికేషన్: మీ మొబైల్ నంబర్‌కి వచ్చే OTPని ఎంటర్ చేసి మీ రిక్వెస్ట్‌ను వెరిఫై చేయండి.
- కన్ఫర్మేషన్: మీ కంప్లైంట్ సక్సెస్ ఫుల్ గా రిజిస్టర్ అయ్యాక, ఒక రెఫరెన్స్ ఐడి వస్తుంది. దానిని జాగ్రత్తగా పెట్టుకోండి.
CEIR పోర్టల్ మ్యాజిక్!
CEIR పోర్టల్‌లో కంప్లైంట్ ఇచ్చిన వెంటనే, మీ మొబైల్ ఇండియాలో ఏ నెట్‌వర్క్‌లోనూ యూస్ చేయడానికి వీలులేకుండా బ్లాక్ అవుతుంది. దీనివల్ల దొంగిలించబడిన మొబైల్‌ను అమ్మడానికి అవ్వదు. దొంగలకు ఇది పెద్ద తలనొప్పి అవుతుంది.
మొబైల్ దొరికితే?
మొబైల్ దొరికితే, అదే రెఫరెన్స్ ఐడిని యూస్ చేసి CEIR పోర్టల్ నుండి బ్లాక్ తీసి మొబైల్ యూస్ చేయవచ్చు.
ఇకపై పోయిన మొబైల్ గురించి టెన్షన్ పడకండి. CEIR పోర్టల్ మీకు హెల్ప్ చేస్తుంది! ఇది ఒక కొత్త టెక్నాలజీ. దీన్ని సరిగ్గా ఉపయోగిస్తే, చాలా మొబైల్స్ వెనక్కి పొందవచ్చు.
