- Home
- Sports
- Football
- FIFA World Cup 2026: గోల్డెన్ బూట్ రేస్లో దూసుకుపోతున్న కైలియన్ ఎంబాపే.. మెస్సీకి షాక్
FIFA World Cup 2026: గోల్డెన్ బూట్ రేస్లో దూసుకుపోతున్న కైలియన్ ఎంబాపే.. మెస్సీకి షాక్
FIFA World Cup 2026: ఫీఫా వరల్డ్ కప్ 2026 గోల్డెన్ బూట్ రేస్ ఆసక్తికరంగా మారింది. లియోనెల్ మెస్సీని దాటి కైలియన్ ఎంబాపే టాప్లోకి దూసుకెళ్లగా, హాలాండ్ కూడా గట్టి పోటీ ఇస్తున్నాడు.
ఫుట్బాల్ హిస్టరీలోనే బిగ్గెస్ట్ వార్
ఫీఫా వరల్డ్ కప్ 2026లో గోల్డెన్ బూట్ రేస్ చాలా ఇంట్రెస్టింగ్గా మారింది. మైదానంలో స్టార్ ప్లేయర్స్ అంతా రెచ్చిపోతున్నారు. ఇప్పుడు నౌకౌట్ రౌండ్ కూడా స్టార్ట్ అయింది. దీంతో టాప్ స్కోరర్లు గోల్స్ వేటను స్పీడప్ చేశారు. మిగతా ప్లేయర్ల కంటే చాలా ముందుకు దూసుకెళ్తున్నారు. ఈ రేస్లో ప్రతి గోల్తో సీన్ మారిపోతోంది.
వరల్డ్ కప్లో అందరికంటే ఎక్కువ గోల్స్ చేసిన ప్లేయర్కు ఈ ప్రెస్టీజియస్ గోల్డెన్ బూట్ అవార్డు ఇస్తారు. అయితే, ఇద్దరు లేదా అంతకంటే ఎక్కువ మంది ప్లేయర్లు ఒకే సంఖ్యలో గోల్స్ చేస్తే విజేతను ఎలా తేలుస్తారో తెలుసా? అప్పుడు అసిస్ట్ అంటే గోల్ చేయడంలో హెల్ప్ చేయడం ఆధారంగా టైబ్రేకర్ ద్వారా విన్నర్ను డిసైడ్ చేస్తారు.
మెస్సీని దాటేసిన ఎంబాపే
ఫ్రాన్స్ స్టార్ ప్లేయర్ కిలియన్ ఎంబాపే ప్రస్తుతం ఫుల్ ఫామ్లో ఉన్నాడు. సెనెగల్, ఇరాక్ మ్యాచ్లలో రెండేసి గోల్స్ కొట్టిన ఎంబాపే, రీసెంట్గా స్వీడన్తో జరిగిన రౌండ్ ఆఫ్ 32 మ్యాచ్లోనూ మరో రెండు గోల్స్ చేసి దుమ్మురేపాడు. ప్రస్తుతం గోల్స్ సంఖ్యలో మెస్సీతో సమానంగా ఉన్నప్పటికీ, రెండు అసిస్ట్ల సాయంతో ఎంబాపే గోల్డెన్ బూట్ రేస్లో నంబర్ వన్ ప్లేస్లో నిలిచాడు.
మరి లియోనెల్ మెస్సీ మళ్లీ నంబర్ వన్ పొజిషన్కు రాగలడా అనేది ఇప్పుడు మిలియన్ డాలర్ల ప్రశ్న. మెస్సీ గత శనివారం రాత్రి గ్రూప్ స్టేజ్ ఎండ్లో బాక్స్ వెలుపలి నుండి అదిరిపోయే ఫ్రీ కిక్ కొట్టి తన గోల్స్ సంఖ్యను పెంచాడు. అల్జీరియాపై హాట్రిక్, ఆస్ట్రియాపై రెండు గోల్స్ తర్వాత ఈ టోర్నమెంట్లో ఇది మెస్సీకి ఆరో గోల్. శుక్రవారం కేప్ వర్దెతో జరిగే మ్యాచ్లో మెస్సీకి మళ్లీ లీడ్ సాధించే ఛాన్స్ ఉంది.
ప్రమాదంలో మెస్సీ ఆల్టైమ్ రికార్డ్
ఈ వరల్డ్ కప్ గ్రూప్ స్టేజ్ ముగిసే సమయానికి నలుగురు లేదా అంతకంటే ఎక్కువ గోల్స్ చేసిన ప్లేయర్స్ కేవలం ఐదుగురు మాత్రమే ఉన్నారు. స్వీడన్పై జరిగిన మ్యాచ్లో ఎంబాపే కేవలం ఫ్రాన్స్ను లాస్ట్ 16 రౌండ్కు చేర్చడమే కాదు, వరల్డ్ కప్ నాకౌట్ రౌండ్స్లో అత్యధికంగా 10 గోల్స్ చేసిన సరికొత్త రికార్డును క్రియేట్ చేశాడు. ఎంబాపే కెరీర్లో ఇప్పటివరకు వరల్డ్ కప్లో మొత్తం 18 గోల్స్ అయ్యాయి. మెస్సీ పేరిట ఉన్న 19 గోల్స్ ఆల్టైమ్ రికార్డుకు ఎంబాపే కేవలం ఒక్క గోల్ దూరంలో మాత్రమే ఉన్నాడు.
తగ్గేదేలే అంటున్న ఎర్లింగ్ హాలాండ్
నార్వే స్టార్ స్ట్రైకర్ ఎర్లింగ్ హాలాండ్ కూడా ఈ రేస్లో గట్టి పోటీ ఇస్తున్నాడు. ఐవరీ కోస్ట్తో జరిగిన రౌండ్ ఆఫ్ 32 మ్యాచ్లో హాలాండ్ ఒక సూపర్ గోల్ చేశాడు. దీంతో ఇప్పుడు అతను ఆడిన 3 మ్యాచ్ల్లో 5 గోల్స్ పూర్తి చేసుకున్నాడు. హాలాండ్ ఇంతకుముందు ఇరాక్తో జరిగిన గ్రూప్ రౌండ్ ఫస్ట్ మ్యాచ్లో రెండు, సెనెగల్పై రెండు గోల్స్ కొట్టాడు. ప్రస్తుతం గోల్డెన్ బూట్ రేస్లో హాలాండ్ థర్డ్ ప్లేస్లో ఉన్నాడు. వీరితో పాటు ఫ్రాన్స్కు చెందిన ఉస్మాన్ డెంబెలే, బ్రెజిల్ స్టార్ వినీషియస్ జూనియర్ కూడా తలా 4 గోల్స్తో రేస్లో నిలిచారు.
