మిల్లెట్స్ ఎవరు తినకూడదు..?

మిల్లెట్స్ ఆరోగ్యానికి చాలా మంచిది అనే విషయం స్పెషల్ గా చెప్పాల్సిన అవసరం లేదు. ఈ మధ్యకాలంలో చాలా మంది  నార్మల్ రైస్ ని పక్కన పెట్టి మరీ, ప్రతి ఆహారంలో మిల్లెట్స్ ని భాగం చేసుకుంటున్నారు. అయితే.. కొందరు మాత్రం  మిల్లెట్స్ ని  అస్సలు తినకూడదట. ఎవరు తినకూడదో తెలుసుకుందాం..    

మిల్లెట్స్ ని ఈ మధ్యకాలంలో ఎక్కువగా తమ డైట్ లో భాగం చేసుకుంటున్నారు. ఎందుకంటే.. మిల్లెట్స్ లో పోషకాలు చాలా ఎక్కువగా ఉంటాయి. మన శరీరంలో అవయవాలు సరిగా పని చేయడానికి కూడా బాగా సహాయపడతాయి. వీటిలో ఉండే బీటా కెరోటిన్ మన రోగనిరోధక శక్తిని పెంచడానికి సహాయం  చేస్తుంది. ఈ మిల్లెట్స్ సులభంగా జీర్ణం అవుతాయి. కేలరీలు తక్కువగా ఉంటాయి కాబట్టి, బరువు తగ్గాలి అనుకునేవారికి చాలా బాగా సహాయపడతాయి.

చిరుధాన్యాల దుష్ప్రభావాలు

అంతేనా.. షుగర్ పేషెంట్స్ కి కూడా మిల్లెట్స్ చాలా మేలు చేస్తాయి. రక్తంలో షుగర్ లెవల్స్ ని కంట్రోల్ చేయడంలో సహాయం చేస్తాయి. గుండె ఆరోగ్యాన్ని కాపాడతాయి. వృద్ధాప్యం దరి చేరకుండా సహాయం చేస్తాయి. ఇన్ని ప్రయోజనాలు ఉన్న ఈ మిల్లెట్స్ ని కొందరు మాత్రం అస్సలు తినకూడదట. మరి, ఎవరు తినకూడదో ఇప్పుడు తెలుసుకుందాం..

మిల్లెట్స్ లో  ఐరన్, కాల్షియం, జింక్ వంటి ఖనిజాలు పుష్కలంగా ఉంటాయి. అయితే, ఎక్కువగా తీసుకుంటే ఖనిజాల లోపం ఏర్పడవచ్చు. మరి చిరుధాన్యాలు ఎవరు తినకూడదు? వాటి దుష్ప్రభావాలు ఏమిటి?

చిరుధాన్యాలు తినకూడని వారు ఎవరు?

థైరాయిడ్ సమస్య ఉన్నవారు

హైపర్ థైరాయిడిజం ఉన్నవారు మిల్లెట్స్  తినకూడదు. చిరుధాన్యాలలోని సి-గ్లైకోసిల్ ఫ్లేవోన్లు థైరాయిడ్ సమస్యలను కలిగిస్తాయి.

పోషకాహార లోపం ఉన్నవారు

మిల్లెట్స్ లో  టానిన్లు ఉంటాయి, ఇవి కాల్షియం, జింక్ వంటి పోషకాల శోషణకు ఆటంకం కలిగిస్తాయి. కాబట్టి, వండే ముందు మిల్లెట్స్ నానబెట్టాలి.

జీర్ణ సమస్యలు ఉన్నవారు

జీర్ణ సమస్యలు ఉన్నవారు చిరుధాన్యాలు తినకూడదు. చిరుధాన్యాలలో ఫైబర్ ఎక్కువగా ఉండటం వల్ల గ్యాస్, అతిసారం వంటి సమస్యలు వస్తాయి.

ఈ సమస్యను నివారించడానికి, ఎక్కువ నీరు త్రాగాలి. జీర్ణక్రియను మెరుగుపరచడానికి చిరుధాన్యాలను నానబెట్టి లేదా మొలకెత్తి తినవచ్చు.

చిరుధాన్యాల దుష్ప్రభావాలను నివారించడానికి చిట్కాలు

చిరుధాన్యాలను కొద్దికొద్దిగా తినండి
ఎక్కువగా తినకండి
చిరుధాన్యాలను సరిగ్గా వండుకోవాలి
నానబెట్టిన లేదా మొలకెత్తిన చిరుధాన్యాలు తినడం మంచిది
ఎక్కువ నీరు త్రాగాలి
రెండు లేదా అంతకంటే ఎక్కువ రకాల చిరుధాన్యాలను కలిపి తినకూడదు
నాణ్యమైన చిరుధాన్యాలను కొనాలి.