పుచ్చకాయ మధుమేహులకు మంచిదా? చెడ్డదా?

ఎండాకాలంలో పండ్లను తింటే ఆరోగ్యానికి ఎంతో మేలు జరుగుతుంది. ముఖ్యంగా హైడ్రేటింగ్ పండ్లను ఈ సీజన్ లో ఖచ్చితంగా తినాలి. ఇలాంటి వాటిలో పుచ్చకాయ ఒకటి. పుచ్చకాయలో వాటర్ కంటెంట్ ఎక్కువగా ఉంటుంది. అయితే ఈ తీపి పండు మధుమేహ వ్యాధిగ్రస్తులకు మంచిదా? చెడ్డదా? పుచ్చకాయను తింటే రక్తంలో చక్కెర స్థాయిలు పెరుగుతాయా? పుచ్చకాయపై ఉన్న సందేహాలను ఇప్పుడు తెలుసుకుందాం..

పుచ్చకాయ ఆరోగ్య ప్రయోజనాలు

పుచ్చకాయ మంచి పోషకమైన పండు. ఇది ఎన్నో ఆరోగ్య ప్రయోజనాలను కలిగిస్తుంది. ఇది ఎక్కువ మొత్తంలో నీటిని కలిగి ఉన్నందుకు ఇది మనం హైడ్రేటెడ్ గా ఉండటానికి గొప్ప మార్గం.
 

గుండె ఆరోగ్యం

పుచ్చకాయలోని లైకోపీన్, సిట్రులైన్ మంటను తగ్గిస్తుంది. రక్తపోటును కూడా తగ్గిస్తుతంది. దీంతో గుండెపోటు వచ్చే ప్రమాదం పెరుగుతుంది. పుచ్చకాయ గుండె ఆరోగ్యాన్ని మెరుగుపరచడానికి సహాయపడుతుంది. 
 

యాంటీ ఆక్సిడెంట్లు

పుచ్చకాయ విటమిన్ సి, లైకోపీన్ తో సహా యాంటీ ఆక్సిడెంట్లకు మంచి మూలం. ఇది సెల్యులార్ నష్టం నుంచి రక్షించడానికి, దీర్ఘకాలిక వ్యాధులను నివారించడానికి సహాయపడుతుంది.
 

జీర్ణ ఆరోగ్యం

కడుపు సమస్యలు ఉన్నవారికి కూడా పుచ్చకాయ ఎంతో మేలు చేస్తుంది. పుచ్చకాయలో ఫైబర్ పుష్కలంగా ఉంటుంది. ఈ ఫైబర్ జీర్ణక్రియకు ఎంతో సహాయపడుతుంది.  
 

చర్మ ఆరోగ్యం

పుచ్చకాయలో వాటర్ కంటెంట్ ఎక్కువగా ఉంటుంది. దీనిలో విటమిన్ సి చర్మాన్ని హైడ్రేట్ గా ఉంచడానికి, మొత్తం రూపాన్ని మెరుగుపరచడానికి సహాయపడుతుంది.
 

వ్యాయామం రికవరీ

పుచ్చకాయలో కనిపించే అమైనో ఆమ్లం సిట్రులైన్ కండరాల నొప్పిని తగ్గించడానికి, తీవ్రమైన వ్యాయామం తర్వాత కండరాల పునరుద్ధరణను మెరుగుపరచడానికి సహాయపడుతుంది.
 

పుచ్చకాయ మధుమేహ వ్యాధిగ్రస్తులకు ఆరోగ్యకరమైనదా?

రక్తంలో చక్కెర స్థాయిలు ఎక్కువగా ఉన్నవారు చక్కెరలు ఎక్కువగా ఉన్న ఆహారాలను తినకూడదు. అయితే ఈ పండును మధుమేహులు ఎలాంటి భయం లేకుండా తినొచ్చు. ఇది తీపి పండే. కానీ దీనిలో గ్లైసెమిక్ ఇండెక్స్ తక్కువగా ఉంటుంది. కాబట్టి డయాబెటిస్ ఉన్నవారు పుచ్చకాయను సురక్షితంగా తినొచ్చు. కానీ ఎక్కువగా అస్సలు తినకూడదు. డయాబెటిస్ ఉన్నవారు పుచ్చకాయను తిన్న తర్వాత రక్తంలో చక్కెర స్థాయిలను చెక్ చేయాలి. 

మధుమేహ వ్యాధిగ్రస్తులకు స్ట్రాబెర్రీలు, కోరిందకాయలు, బ్లూబెర్రీలు, బ్లాక్ బెర్రీలు వంటి బెర్రీలు మంచి మేలు చేస్తాయి. వీటిలో చక్కెర తక్కువగా, ఫైబర్ ఎక్కువగా ఉంటుంది. ఇది డయాబెటిస్ ఉన్నవారికి  మంచి మేలు చేస్తుంది.  బెర్రీ పండ్లలో కేలరీలు కూడా తక్కువగా ఉంటాయి. అలాగే ఫైబర్, విటమిన్లు, ఖనిజాలు ఎక్కువగా ఉంటాయి. అవి యాంటీఆక్సిడెంట్ల కు మంచి మూలం. ఇవి రక్తంలో చక్కెర స్థాయిలను నియంత్రించేందుకు సహాయపడతాయి. కివిలో కేలరీలు తక్కువగా ఉంటాయి. ఫైబర్, విటమిన్ సి, పొటాషియం ఎక్కువగా ఉంటాయి. జీర్ణక్రియను మెరుగుపరచడానికి, మొత్తం ఆరోగ్యాన్ని మెరుగుపర్చడానికి సహాయపడే ఎంజైమ్లు కూడా దీనిలో ఉంటాయి.