belly fat ఇవి తింటే చాలు.. బొజ్జ ఆటోమేటిగ్గా కరిగిపోతుంది!

ఊబకాయం, పెద్ద బొజ్జ  ఇప్పుడు చాలామంది ఎదుర్కొంటున్న సమస్య.  బొజ్జ చుట్టూ కొవ్వు ఏర్పడితే తగ్గించుకోవడం ఎంతో కష్టం. ఈ సమస్య రాకుండా ఉండాలంటే.. వ్యాయామం ఎంత ముఖ్యమో, తినే ఆహారం కూడా అంతే ముఖ్యం. కఠినమైన డైట్‌లు కాకుండా, కొవ్వు కరిగించే ఆహారాలను మీ డైట్‌లో చేర్చుకుంటే సహజంగా బరువు తగ్గొచ్చు.

బెల్లీ ఫ్యాట్ కరిగించండిలా..

గుడ్లు ప్రోటీన్‌కి మంచి మూలం. కండరాలు పెరగడానికి, కొవ్వు తగ్గడానికి ఇవి సహాయపడతాయి. ఆకలిని కూడా కంట్రోల్ చేస్తాయి. వీటిని రోజూ మితంగా తీసుకుంటూ ఉండాలి.

చిత్రానికి కృతజ్ఞతలు: గెట్టి - స్టాక్ ఇమేజ్

బాదం, వాల్‌నట్స్, చియా విత్తనాలు ఆరోగ్యకరమైన కొవ్వులు, ఫైబర్ కలిగి ఉంటాయి. ఆకలిని తగ్గిస్తాయి, బరువు తగ్గడానికి సహాయపడతాయి. 

క్వినోవా, బ్రౌన్ రైస్ వంటి తృణధాన్యాలు బ్లడ్ షుగర్‌ను కంట్రోల్ చేస్తాయి, కొవ్వు నిల్వ ఉండకుండా చేస్తాయి. ఫైబర్ కారణంగా కడుపు నిండినట్లు ఉంచుతుంది. మితంగా తింటుంటాం.

పాలకూర, కాలే వంటి ఆకుకూరలు శరీరంలోని టాక్సిన్స్‌ను బయటకు పంపిస్తాయి, ఉబ్బరాన్ని తగ్గిస్తాయి, అతిగా తినకుండా మనల్ని కాపాడతాయి.

అవకాడోలు బ్లడ్ షుగర్ లెవెల్స్‌ను కంట్రోల్ చేస్తాయి, బొజ్జ కొవ్వును తగ్గిస్తాయి. ఎక్కువసేపు కడుపు నిండినట్లు ఉంచుతాయి. దీంతో సహజంగానే ఆహారం తక్కువగా తింటుంటాం.

స్ట్రాబెర్రీలు, బ్లూబెర్రీలు బ్లడ్ షుగర్ లెవెల్స్‌ను కంట్రోల్ చేస్తాయి, తినాలనే కోరికను తగ్గిస్తాయి. తీపి తినాలనే కోరికను తీరుస్తాయి.

రోజుకో ఆపిల్ అనారోగ్యాన్ని దూరంగా ఉంచుతుంది అనే విషయం తెలిసిందే. ఆపిల్ సైడర్ వెనిగర్ ఆకలిని తగ్గిస్తుంది, బ్లడ్ షుగర్ లెవెల్స్‌ను స్థిరంగా ఉంచుతుంది. జీర్ణక్రియకు ఇవి కూడా మంచివి.

గ్రీక్ యోగర్ట్‌లో ప్రోటీన్, ప్రోబయోటిక్స్ ఎక్కువ. ఇది జీర్ణక్రియకు సహాయపడుతుంది, గట్ హెల్త్‌ను కాపాడుతుంది. వీలైనంత ఎక్కువగా వీటిని తీసుకుంటుండాలి.

సాల్మన్, మాకేరెల్ చేపల్లో ఒమేగా-3 ఫ్యాటీ యాసిడ్స్ ఎక్కువ. ఇవి వాపును తగ్గిస్తాయి, కొవ్వును కరిగిస్తాయి. మెదడు చురుగ్గా ఉండేలా చేస్తాయి.

గ్రీన్ టీలో యాంటీఆక్సిడెంట్లు ఉంటాయి, ఇవి కొవ్వును కరిగించడానికి సహాయపడతాయి. బెల్లీ ఫ్యాట్ ఉన్నవాళ్లు రోజుకు ఒకటి లేదా రెండు కప్పులు తాగితే మంచిది.