కూరలో పులుపు ఎక్కువైతే ఏం చేయాలి?

అనుకోకుండా కూరల్లో ఉప్పు ఎక్కువైనట్టే కొన్ని కొన్ని సార్లు పులుపు కూడా ఎక్కువ అవుతుంటుంది. అయితే కొన్ని సింపుల్ చిట్కాలతో కూరల్లో పులుపును సులువుగా తగ్గించొచ్చు. అదెలాగో ఇప్పుడు తెలుసుకుందాం పదండి. 

పనులు ఎక్కువగా ఉన్నా.. అనుకోకుండాఇంటికి చుట్టాలు వస్తున్నారన్నా.. ఆడవాళ్లు హాడావుడిగా వంటలు చేస్తుంటారు. ఈ హడావుడి వల్ల కూరల్లో పులుపు ఎక్కువగా అవుతుంటుంది. కానీ దీనివల్ల మీ ముడ్, గంటల తరబడి మీరు చేసిన శ్రమ మొత్తం వేస్ట్ అవుతుంది. నిజానికి  ఇలాంటి వంటింట్లో తరచుగా జరుగుతుంటాయి. కానీ దీనివల్ల వంటలన్నీ వేస్ట్ అవుతుంటాయి. ఇది ఆడవాళ్లను చాలా బాధపెడుతుంటుంది. అందుకే కూరల్లో పులుపు ఎక్కువైనప్పుడు దాన్ని ఎలా తగ్గించుకోవాలో ఇప్పుడు తెలుసుకుందాం పదండి. 

కూరల్లో పులుపు తగ్గాలంటే ఏం చేయాలి?

బెల్లం వాడాలి

బెల్లంతో తీపి వంటకాలను చేస్తాం. ఇది అందరికీ తెలుసు. కానీ ఈ బెల్లంతో కూరల్లో పులుపును బ్యాలెన్స్ చేయొచ్చు తెలుసా? బెల్లం తీపి పులుపును సమతుల్యం చేయడమే కాకుండా కూరల్ని మరింత టేస్టీగా, కొత్తరుచిని ఇస్తుంది. కూరల గ్రేవీలో పులుపును నార్మల్ చేయడానికి దానిలో 2 టీస్పూన్ల బెల్లాన్ని వేసి బాగా కలపండి. కానీ ఎక్కువగా మాత్రం వేయకండి. లేదంటే కూరల టేస్ట్ తీయగా, డిఫరెంట్ గా అవుతుంది. 

పాల మీగడ

అవును పాల మీగడ కూడా వంటల్లో పులుపును తగ్గించడానికి బాగా సహాయపడుతుంది. కూరలో పులుపు పెరిగితే ఈ క్రీమ్ వెంటనే తగ్గిస్తుంది. ఇందుకోసం మీరు చేయాల్సిందల్లా కూర గ్రేవీకి 1 టీస్పూన్ క్రీమ్ ను వేసి బాగా కలపండి. దీన్ని చిన్న మంటపై ఉడికించండి. దీంతో క్రీమ్ గ్రేవీతో బాగా కలిసిపోతుంది. 

ఉడికించిన బంగాళాదుంపలు

ఉడికించిన బంగాళాదుంపలతో కూడా కూరల్లో పులుపును తగ్గించుకోవచ్చు. ఈ చిట్కాను పాటించడానికి మీరు చేయాల్సిందల్లా గ్రేవీలో సగం ఉడికించిన బంగాళాదుంప ముక్కలను వేసి బాగా కలిపి కొద్దిసేపు ఉడికించండి. ఈ బంగాళాదుంపలు కూరల్లో ఉడికిన తర్వాత వాటిని గ్రేవీ నుంచి తీసేయొచ్చు కూడా. 

బేకింగ్ సోడా

బేకింగ్ సోడాను వంటల్లో వాడుతుంటాం. కానీ దీన్ని ఉపయోగించి పులుపును తగ్గించుకోవచ్చన్న ముచ్చట ఎవ్వరికీ తెలియదు. అయితే దీన్ని ఉపయోగించి ఎక్కువైన పులుపును సులువుగా తగ్గించుకోవచ్చు.  కూరగ్రేవీలో చిటికెడు బేకింగ్ సోడా వేయండి. కానీ ఎక్కువగా మాత్రం వేయకండి. లేదంటే కూర రుచి చెడిపోతుంది. కూరలో పులుపును తగ్గించడానికి 1/4 టీస్పూన్ బేకింగ్ సోడా అయితే సరిపోతుంది. సోడా వేసిన తర్వాత కూరను కొద్దిసేపు ఉడికించాలి.