టేస్టీ టేస్టీ తందూరీ ఎగ్స్.. ట్రై చేయండి..

First Published Jun 11, 2021, 4:49 PM IST

తందూరీ ఎగ్ మంచి రుచికరమైన వంటకం... దీన్ని బిర్యానీతో కలిసి తినొచ్చు. మసాలా ఎగ్స్ లా కూడా తినొచ్చు. కెచప్ లతో తినొచ్చు, చేయాల్సిందల్లా..ఎగ్స్ ఉడకబెట్టడం, వాటిని మేరినేట్ చేసి.. గ్రిల్ చేయడమే..

వీటిని పెరుగుతో కలిపిన మసాలాతో కోటింగ్ చేయడం వల్ల దీని రుచి మరింత పెరుగుతుంది.

తందూరీ ఎగ్ తయారీకి కావాల్సిన పదార్థాలు

4 ఉడకబెట్టిన గుడ్డు
రుచికి తగినంత ఉప్పు
1/2 టీస్పూన్ కారం
1 టేబుల్ స్పూన్ నిమ్మ రసం
1/2 టీస్పూన్ చాట్ మసాలా

4 టేబుల్ స్పూన్లు పెరుగు
1 టీస్పూన్ తందూరి మసాలా
2 టేబుల్ స్పూన్ల శనగ పిండి
1 టేబుల్ స్పూన్ ఆవ నూనె
2 టేబుల్ స్పూన్ల కొత్తిమీర

తందూరీ ఎగ్ తయారు చేసే విధానం..

ముందుగా ఒక గిన్నెలో శనగపిండి, పెరుగు, నిమ్మరసం, కారం, తందూరి మసాలా ఉప్పు వేసి బాగా కలపండి.

తర్వాత ఉడికించిన గుడ్లను సగం లేదా నాలుగు భాగాలుగా కట్ చేసి ముందు తయారు చేసుకున్న మసాలా మిశ్రమంతో కోటింగ్ చేయండి.

ఇక ఇప్పుడు తందూరీ లేదా గ్రిల్ పాన్ లో ఒక టేబుల్ స్పూన్ ఆవాల నూనె వేడి చేయాలి. ఇప్పుడు పాన్లో మెరినేట్ చేసిన గుడ్లు వేసి బంగారు గోధుమ రంగు వచ్చేవరకు రెండు వైపులా వేయించాలి.