డ్రై ఫ్రూట్స్ తింటే బరువు పెరుగుతారా..? ఏది నిజం..?

డ్రై ఫ్రూట్స్ ఆరోగ్యానికి చాలా మంచిది. ఈ విషయం చిన్న పిల్లలని అడిగినా చెప్పేస్తారు. అందుకే, ప్రతిరోజూ డ్రై ఫ్రూట్స్ ని ఆహారంలో భాగం చేసుకోవాలని నిపుణులు కూడా మనకు సూచిస్తూ ఉంటారు. కానీ, ఇదే డ్రై ఫ్రూట్స్ కారణంగా మనం అనేక అనారోగ్య సమస్యలు ఎదుర్కొంటామని మీకు తెలుసా?  నమ్మసక్యంగా లేకపోయినా ఇది నిజం. అతిగా డ్రై ఫ్రూట్స్ తినడం వల్ల అనేక సమస్యలు వస్తాయట. ఆ సమస్యలు ఏంటి..? అసలు ఎంత మొత్తంలో మనం డ్రై  ఫ్రూట్స్ తీసుకోవాలి.. ఇలాంటి విషయాలు ఈ రోజు తెలుసుకుందాం..
 

అతి సర్వత్రా వర్జయేత్ అనే సామేత మీరు ఎప్పుడైనా విన్నారా? మితంగా ఉంటే.. ఏదైనా మంచే చేస్తుంది.  కానీ, అదే.. అతిగా మారితే.. సమస్యలు తప్పవు. ఈ డ్రై ఫ్రూట్స్ విషయంలోనూ అదే జరుగుతుంది. మంచివి కదా అని.. ఈ డ్రై ఫ్రూట్స్ ని అతిగా తినడం వల్ల, చాలా సమస్యలు ఎదురౌతాయంట. మరి, ఆ సమస్యలు ఏంటో ఓసారి చూద్దాం..
 

డ్రై ఫ్రూట్స్ ని తక్కువ మొత్తంలో తింటే ఎవరైనా ఆరోగ్యంగా ఉంటారు. బరువు తగ్గడానికి కూడా సహాయపడుతుంది. కానీ, అదే డ్రై ఫ్రూట్స్ ని ఎక్కువగా తింటేే, బరువు అతిగా పెరిగిపోయే ప్రమాదం ఉంది. డ్రై ఫ్రూట్స్ లో కొవ్వు ఎక్కువగా ఉంటుంది. అవి, బరువు పెంచడానికి కారణం అవుతాయి.

అంతేకాదు, డ్రై ఫ్రూట్స్ అతిగా తినడం వల్ల, జీర్ణ సమస్యలు కూడా తలెత్తుతాయి.  డ్ర ఫ్రూట్స్ లో ఫైబర్ ఎక్కువగా ఉంటుంది. ఫైబర్ తక్కువగా తీసుకుంటే, ఫుడ్ అరగడానికి కూడా సహాయపడుతుంది. కానీ, అదే ఫైబర్ ఎక్కువగా తీసుకుంటే జీర్ణ సమస్యలు వచ్చే ప్రమాదం ఉంది.
 

అందుకే డ్రై ఫ్రూట్స్ ని ఎంత మోతాదులో తినాలి అనే విషయం తెలుసుకోవాలి. ముందుగా పిస్తా సంగతి చూద్దాము ఇందులో మిగిలిన డ్రై ఫ్రూట్స్ కంటే ప్రోటీన్ కంటెంట్ ఎక్కువగా ఉంటుంది వీటిని రోజుకి 20 గ్రాముల కంటే ఎక్కువ తీసుకోకూడదు.
 

అలాగే జీడిపప్పు తినటం వల్ల పెద్ద ఆసియంలో రాళ్లు ఏర్పడకుండా నివారించవచ్చు అలా అని వారానికి 28 జీడిపప్పులు కన్నా ఎక్కువ తినటం మంచిది కాదు అంటున్నారు వైద్యులు.
 

ఎండు ద్రాక్షని ఎంత మోతాదులో తిన్నా పర్వాలేదు ఇందులో విటమిన్ బి పొటాషియం ఐరన్ పుష్కలంగా లభిస్తాయి. కాబట్టి రోజుకి గుప్పెడు ఎండు ద్రాక్ష తినవచ్చు. అలాగే వాల్ నట్స్ రోజుకి మూడు నాలుగు నుంచి తీసుకోకూడదు. వాల్నట్స్ మీద ఉండే స్కిన్ ఫ్లేవర్ అంత టేస్టీగా ఉండదు.

కానీ 90 శాతం ఆంటీ ఆక్సిడెంట్సు ఫెనోలికే యాసిడ్స్ ఈ స్కిన్ లోనే ఎక్కువగా ఉంటాయి ఇవి గుండె సంబంధిత వ్యాధుల నుంచి రక్షించడంలో చాలా ఎఫెక్ట్ గా పని చేస్తాయి. అలాగే బాదం గింజలు రోజుకి నాలుగు నుంచి ఏడు గింజల వరకు తినటం ఆరోగ్యానికి మంచిది. అలాగే ఖర్జూరం ఇది తినటానికి చాలా టేస్టీగా ఉంటుంది.
 

ఇందులో ప్రాక్టోజ్ రిచ్ గా ఉంటుంది మెటబాలిజం స్థాయి చురుగ్గా ఉండడానికి ఖర్జూరం ఉపయోగపడుతుంది. అలాంటి ఈ ఖర్జూరాన్ని రోజుకి ఒకటి లేదా రెండు తీసుకుంటే సరిపోతుంది. అయితే నట్స్ ని నేరుగా కాకుండా నానబెట్టి తినటం వల్ల మరింత ప్రయోజనం ఉంటుంది.