మొలకెత్తిన వెల్లుల్లి తినొచ్చా..?

వెల్లుల్లి ని రెగ్యులర్ గా మనం వంటలో వాడుతూ ఉంటాం.  ఇది దాని రుచి,  ఆరోగ్యానికి ప్రసిద్ధి చెందింది. సాధారణంగా మొలకెత్తిన బంగాళాదుంప తినడం ఆరోగ్యానికి మంచిది కాదని మనకు తెలుసు. అలాగే వెల్లుల్లి మొలకెత్తితే దాన్ని తినొచ్చా?  తినకూడదా? అనే ప్రశ్న మనలో చాలా మందికి వస్తుంది. ఈ ప్రశ్నకు సమాధానం ఇప్పుడు  తెలుసుకుందాం.

వెల్లుల్లి ప్రయోజనాలు:

వెల్లుల్లిలో విటమిన్ బి, విటమిన్ సి, కాల్షియం వంటివి అధికంగా ఉంటాయి, దీన్ని మీరు పచ్చిగా తింటే పక్షవాతం, క్యాన్సర్, గుండె జబ్బులు , ఇతర వ్యాధులు రాకుండా నిరోధించవచ్చని అధ్యయనాలు చెబుతున్నాయి.

వెల్లుల్లి ఎందుకు మొలకెత్తుతుంది?

వెల్లుల్లి మొలకెత్తడం సహజమే అయినప్పటికీ, కొన్ని కారణాలు కూడా ఉన్నాయి. అవి:

- ముందుగా వెల్లుల్లిని ఎక్కువ రోజులు ఉపయోగించకుండా అలాగే ఉంచితే అది మొలకట్టడం మొదలవుతుంది ఎందుకంటే వంటగదిలో వేడి ఎక్కువగా ఉండటం వల్ల ఆ వేడిమిలో అది మొలకెత్తుతుంది.

- అలాగే తేమ కారణంగా కూడా వెల్లుల్లి మొలకెత్తుతుంది. ఎందుకంటే వెల్లుల్లి తేమను పీల్చుకుంటుంది, దీని ఫలితంగా వెల్లుల్లి మొలకెత్తుతుంది.

కాబట్టి, వెల్లుల్లి మొలకెత్తకుండా ఉండాలంటే మీరు దానిని తేమ లేని, చల్లని, చీకటి, పొడి ప్రదేశంలో ఉంచి నిల్వ చేయవచ్చు.

మొలకెత్తిన వెల్లుల్లి తినొచ్చా?

- మొలకెత్తిన వెల్లుల్లి తింటే ఎలాంటి విష ప్రభావం ఉండదు. కానీ మీరు దాన్ని వంటలో వాడితే ఆహారం రుచి కొంచెం చేదుగా ఉంటుంది.

- మొలకెత్తిన వెల్లుల్లి భాగాన్ని తీసేసి వంటలో వాడితే చేదు ఉండదు. అది మంచిదని నిపుణులు చెబుతున్నారు.