కిడ్నీ స్టోన్స్ తగ్గాలన్నా, రాకుండా ఉండాలన్నీ వీటిని ఖచ్చితంగా తినండి
మన శరీరంలోని ముఖ్యమైన అవయవాల్లో మూత్రపిండాలు ఒకటి. ఇవి మన రక్తాన్ని ఫిల్టర్ చేయడానికి, మన శరీరం నుంచి విషాన్ని బయటకు తొలగించడానికి సహాయపడుతుంది. కానీ మీరు తినే ఆహారం, జీవనశైలి, కొన్ని వ్యాధుల వల్ల కిడ్నీలో రాళ్లు ఏర్పడతాయి. అయితే మూత్రపిండాల్లో రాళ్లను కరిగించడానికి ఫుడ్ ఎంతో సహాయపడుతుంది.
మూత్రపిండాలు మన శరీరంలో ఒక ముఖ్యమైన భాగం. ఇవి రక్తాన్ని ఫిల్టర్ చేస్తాయి. అలాగే శరీరంలోని చెడు పదార్థాలను బయటకు పంపుతాయి. రక్తాన్ని ఫిల్టర్ చేసిన తర్వాత.. ఇవి మూత్రంతో విషాన్ని బయటకు పంపుతాయి. అయితే మూత్రపిండాల పనితీరులో ఏదైనా ఆటంకం ఏర్పడితే మన శరీరంలోని వ్యర్థ పదార్థాలు మన రక్తంలోనే ఉండిపోతాయి. దీనివల్ల ఎన్నో రోగాలు వస్తాయి. మన జీవనశైలి, అధిక బరువు లేదా మరేదైనా వ్యాధి కారణంగా మూత్రపిండాల్లో రాళ్లు ఏర్పడతాయి. నిజానికి మూత్రపిండాల్లో రాళ్లు.. ఖనిజాలు, లవణాలతో ఏర్పడుతాయి. ఇవి ఇసుక రేణువుల లాగే చిన్నవి నుంచి టెన్నిస్ బంతి లాగ పెద్దగా ఉంటాయి.
కిడ్నీ స్టోన్స్ లక్షణాలు
మూత్ర విసర్జన చేసేటప్పుడు విపరీతమైన నొప్పి
మూత్రం సమయంలో రక్తం
వెన్నునొప్పి
వికారం, వాంతులు
తరచుగా మూత్రవిసర్జన
మూత్రంలో మంట
దిగువ కటిలో నొప్పి
జ్వరం
మూత్ర ఇన్ఫెక్షన్
మూత్రం వాసన
ఈ లక్షణాలతో కిడ్నీల్లో రాళ్లను గుర్తించొచ్చు. సాధారణంగా ఈ రాళ్లు మూత్రంతో పాటుగా బయటకు వస్తాయి. కానీ కొన్నిసార్లు ఇవి చాలా పెద్దగా ఉంటాయి. ఇలాంటప్పుడు శస్త్రచికిత్స అవసరం కావొచ్చు. అందుకే కిడ్నీలో రాళ్లను నివారించుకోవాల్సిన అవసరం ఎంతైనా ఉంది. మూత్రపిండాల్లో రాళ్లను నివారించడానికి ఉత్తమ మార్గం పుష్కలంగా నీటిని తాగడం. వీటితో పాటు కిడ్నీ స్టోన్స్ నివారించడంలో సహాయపడే కొన్ని ఆహార పదార్థాల గురించి ఇప్పుడు తెలుసుకుందాం..
బ్రోకలీ
బ్రోకలీలో తక్కువ మొత్తంలో ఆక్సలేట్ ఉంటుంది. ఈ ఆక్సలేట్ యే మూత్రపిండాల్లో రాళ్లకు అతిపెద్ద కారణం. అందుకే మూత్రపిండాల్లో రాళ్లను నివారించడంలో బ్రోకలీ చాలా ప్రయోజనకరంగా ఉంటుంది. ఇది 90 శాతం నీటితో తయారవుతుంది. ఇది మూత్రపిండాల సమస్యతో బాధపడేవారికి ఇది ప్రయోజకరంగా ఉంటుంది.
పుచ్చకాయ
పుచ్చకాయలో పొటాషియం పుష్కలంగా ఉంటుంది. ఇది ఆక్సలేట్ రాళ్లుగా ఏర్పడనివ్వదు. అందుకే పుచ్చకాయ తినడం వల్ల కిడ్నీ స్టోన్స్ ను నివారించొచ్చు. అలాగే వీటిలో వాటర్ ఎక్కువగా ఉండటం వల్ల కిడ్నీ పేషెంట్లకు ఎంతో మేలు జరుగుతుంది.
curd
పెరుగు
పెరుగులో కాల్షియం కంటెంట్ ఉంటుంది. ఇది ఆక్సలేట్ ప్రభావాన్ని తగ్గిస్తుంది. దీంతో మూత్రపిండాల్లో రాళ్లు ఏర్పడే ప్రమాదం బాగా తగ్గుతుంది. అలాగే కిడ్నీ పేషెంట్లకు పాలు, జున్ను కూడా చాలా ప్రయోజనకరంగా ఉంటాయి.
నారింజ
నారింజలు సిట్రిక్ ఆమ్లానికి మంచి వనరులు. ఇది మూత్రపిండాల్లో రాళ్ల నుంచి రక్షించడంలో ఎఫెక్టీవ్ గా పనిచేస్తుంది. వీటితో పాటుగా నిమ్మకాయ తినడం వల్ల కిడ్నీల్లో రాళ్లు కరుగుతాయి.
Image: Getty
స్ట్రాబెర్రీ
స్ట్రాబెర్రీలను తినడం వల్ల మన ఆరోగ్యానికి ఎంతో మేలు జరుగుతుంది. స్ట్రాబెరీల్లో యాంటీ ఆక్సిడెంట్లు పుష్కలంగా ఉంటాయి. వీటిలో ఆక్సలేట్ పరిమాణం కూడా తక్కువగా ఉంటుంది. దీనితో పాటుగా బ్లూ బెర్రీలను తినడం వల్ల మీ మూత్రపిండాలకు కూడా ప్రయోజనకరంగా ఉంటుంది.