డయాబెటీస్ నుంచి వెయిట్ లాస్ వరకు.. బెండకాయను తింటే ఎన్ని లాభాలో..!

బెండకాయల్లో ఎన్నో అద్భుతమైన ఆరోగ్య ప్రయోజనాలు దాగున్నాయి. ఈ కూరగాయలు చూడటానికి చిన్నగా ఉన్నా.. దీనిలో పోషకాలు పుష్కలంగా ఉంటాయి. బెండకాయ మన మొత్తం ఆరోగ్యాన్ని మెరుగుపరుస్తుంది. రక్తంలో చక్కెర నియంత్రణ నుంచి గుండె ఆరోగ్యం, జీర్ణక్రియ వరకు బెండకాయ ఎన్నో రోగాలను దూరం చేస్తుంది. బెండకాయను తినడం వల్ల ఎలాంటి ఆరోగ్య ప్రయోజనాలు కలుగుతాయంటే..
 

బెండకాయ తినడం వల్ల కలిగే ప్రయోజనాలు

బెండకాయను మీ ఆహారంలో చేర్చుకోవడం వల్ల అనేక ఆరోగ్య ప్రయోజనాలను పొందొచ్చు. ఈ పోషకమైన కూరగాయలో కేలరీలు తక్కువగా ఉంటాయి, ఫైబర్ ఎక్కువగా ఉంటుంది. దీనిలో మన శరీరానికి అవసరమైన పోషకాలు ఉంటాయి. 

రక్తంలో చక్కెర నియంత్రణ

బెండకాయలో  ఫైబర్ కంటెంట్ ఎక్కువగా ఉంటుంది. ఇది జీర్ణక్రియ, కార్బోహైడ్రేట్ల శోషణ మందగించడానికి సహాయపడుతుంది. ఇది రక్తంలో చక్కెర స్థాయిలను నియంత్రించడానికి సహాయపడుతుంది. వీటిని మీ రోజు వారి ఆహారంలో చేర్చడం వల్ల మీ రక్తంలో చక్కెర హెచ్చుతగ్గులు ఉండవు. డయాబెటిస్ ప్రమాదం కూడా తగ్గుతుంది. 
 

వెయిట్ లాస్

మీరు తగ్గాలనుకుంటున్నారా? అయితే మీరు రోజూ బెండకాయను తినండి. ఎందుకంటే ఈ కూరగాయలో కేలరీలు తక్కువగా ఉంటాయి. కాని ఫైబర్ కంటెంట్ ఎక్కువగా ఉంటుంది. ఇది కడుపు నిండిన అనుభూతిని కలిగిస్తుంది. ఇది ఇంకా తినాలన్న కోరికలను తగ్గిస్తుంది. 
 

గట్ ఆరోగ్యాన్ని మెరుగుపరుస్తుంది

బెండకాయ ఫైబర్ పవర్ హౌస్. ఇది జీర్ణ ఆరోగ్యానికి ఎంతో మేలు చేస్తుంది. బెండకాయలో డైటరీ ఫైబర్ ఎక్కువగా ఉంటుంది. ఇది సాధారణ ప్రేగు కదలికలను ప్రోత్సహిస్తుంది. మలబద్దకాన్ని నివారిస్తుంది. మీ జీర్ణవ్యవస్థ సజావుగా పనిచేసేలా చేస్తుంది. మీ ఆహారంలో బెండకాయను చేర్చడం వల్ల మీ జీర్ణక్రియ మెరుగుపడుతుంది. గట్ ఆరోగ్యం కూడా మెరుగుపడుతుంది. 
 

గుండె ఆరోగ్యం

మీ భోజనంలో బెండకాయను చేర్చడం వల్ల మీ గుండె ఆరోగ్యంగా ఉంటుంది. బెండకాయలో ఉండే పెక్టిన్ అని పిలువబడే కరిగే ఫైబర్ కొలెస్ట్రాల్ స్థాయిలను నియంత్రిస్తుంది. ప్రేగులలో కొలెస్ట్రాల్ శోషణను తగ్గించి గుండె జబ్బుల ప్రమాదాన్ని తగ్గించడానికి సహాయపడుతుంది. 
 

కంటి ఆరోగ్యం

బెండకాయలో  విటమిన్ ఎ, లుటిన్, జియాక్సంతిన్ వంటి యాంటీ ఆక్సిడెంట్లు పుష్కలంగా ఉంటాయి. ఇవి కంటిచూపు బాగుండేలా చేస్తాయి. ఈ పోషకాలు మాక్యులర్ క్షీణత, కంటిశుక్లం వంటి వయస్సు-సంబంధిత రుగ్మతల నుంచి కళ్లను రక్షిస్తాయి. క్రమం తప్పకుండా బెండకాయను తీసుకోవడం వల్ల మీ కళ్లు ఆరోగ్యంగా ఉంటాయి. కంటి సమస్యలను కూడా తగ్గిస్తాయి.