కళ్లు ఆరోగ్యంగా ఉండాలంటే..!
విటమిన్ ఎ, విటమిన్ సి, ఒమేగా కొవ్వు ఆమ్లాలు, జింక్ వంటి పోషకాలు కంటిని ఆరోగ్యంగా ఉంచుతాయి. ఈ పోషకాలున్న ఆహారాలను తింటే మీ కళ్లు ఆరోగ్యంగా ఉంటాయి. కంటి చూపు కూడా మెరుగ్గా ఉంటుంది.
మన శరీరంలో అత్యంత ముఖ్యమైన, సున్నితమైన అవయవాల్లో కళ్లు ఒకటి. కళ్లు లేకుండా బతకడం చాలా చాలా కష్టం. కానీ జీవన శైలి, చెడు అలవాట్ల వల్ల చాలా మంది కంటి చూపును కోల్పోతున్నారు. కంటిని ఆరోగ్యంగా ఉంచుకోవాలంటే జీవన శైలి మెరుగ్గా ఉండాలి. అలాగే ఆరోగ్యకరమైన ఆహారాలను తీసుకోవాలి. సమతుల్య, పోషకమైన ఆహారాన్ని తీసుకోవడం వల్ల మీ మొత్తం శరీరం ఆరోగ్యంగా ఉంటుంది. ముఖ్యంగా కళ్లు ఆరోగ్యంగా ఉంటాయి. కంటి చూపు కూడా మెరుగుపడుతుంది. విటమిన్ ఎ, విటమిన్ సి, ఒమేగా కొవ్వు ఆమ్లాలు, జింక్ వంటి కొన్ని పోషకాలు, విటమిన్లు వృద్ధాప్యంతో సంభవించే కంటిశుక్లం, మాక్యులర్ క్షీణత వంటి కంటి వ్యాధుల నుంచి రక్షిస్తాయి. కళ్లను ఆరోగ్యంగా ఉంచుకునేందుకు ఎలాంటి ఆహారాలను తినాలో ఇప్పుడు తెలుసుకుందాం..
క్యారెట్లు
క్యారెట్లలో బీటా కెరోటిన్ అనే సమ్మేళనం పుష్కలంగా ఉంటుంది. ఇది కంటి ఆరోగ్యానికి ఎంతో మేలు చేస్తుంది. దీనిలో ఉండే బీటా కెరోటిన్ కంటి ఉపరితలాన్ని సంరక్షిస్తూనే ఎన్నో కంటి వ్యాధులు, ఇన్ఫెక్షన్లకు మిమ్మల్ని దూరంగా ఉంచుతుంది.
Image: Getty
విత్తనాలు
వివిధ రకాల విత్తనాలు కూడా కంటి ఆరోగ్యానికి ఉపయోగపడతాయి. పొద్దుతిరుగుడు విత్తనాలు, గుమ్మడికాయ విత్తనాలు, అవిసె గింజలు, చియా విత్తనాల్లో ఒమేగా -3 కొవ్వు ఆమ్లాలు, విటమిన్ ఇ పుష్కలంగా ఉంటాయి. ఇవి మీ కళ్లను ఆరోగ్యంగా ఉంచుతాయి.
సిట్రస్ పండ్లు
నారింజ, నిమ్మ వంటి సిట్రస్ పండ్లలో విటమిన్ సి పుష్కలంగా ఉంటుంది. కళ్లు ఆరోగ్యంగా ఉండటానికి ఈ విటమిన్ చాలా చాలా అవసరం. సిట్రస్ పండ్లలోని ఇతర విటమిన్లు, పోషకాలు కంటిశుక్లం, వయస్సు-సంబంధిత మాక్యులర్ క్షీణతను తగ్గిస్తాయి.
ఆకు కూరలు
కంటి చూపును మెరుగుపరచడానికి ఆకు కూరలు ఎంతో సహాయపడతాయి. పచ్చి మిరపకాయలు, కాలే మొదలైన వాటిలో లుటిన్, సెశాంతిన్ పుష్కలంగా ఉంటాయి. వీటిలో కంటిచూపునకు సహాయపడే విటమిన్లు పుష్కలంగా ఉంటాయి.
Image: Getty Images
చిక్కుళ్లు
చిక్కుళ్లలో ప్రోటీన్ పుష్కలంగా ఉంటుంది. చిక్కుళ్లు కళ్ల ఆరోగ్యానికి ఎంతగానో సహాయపడతాయి. ఎందుకంటే వీటిలో సంతృప్త కొవ్వులు ఉండవు. ఫైబర్ పుష్కలంగా ఉంటుంది. వాల్ నట్స్, జీడిపప్పు, వేరుశెనగ, బాదం పండ్లలో ఒమేగా-3, విటమిన్ ఇ ఉంటాయి. ఇవి కళ్లను ఆరోగ్యంగా ఉంచుతాయి.