Facts: అమెరికన్లకు గ్యాస్ సిలిండర్ల టెన్షనే ఉండదు.. మరి గ్యాస్ ఎలా వాడాతారు? ప్రతినెలా బుక్ చేసుకునే అవసరమే రాదా?

 Facts: మీ ఇంట్లో గ్యాస్ సిలిండర్ ఉందా? ప్రతి నెల, రెండు నెలలకు ఒకసారి గ్యాస్ బుక్ చేసుకుంటున్నారా? కానీ.. అమెరికన్లు కనీసం సిలిండర్ల ముఖం కూడా చూడరని మీకు తెలుసా? మరి వారికి గ్యాస్ సప్లై ఎలా జరుగుతుందో తెలుసోవాలా ఇది చదివేయండి.. 

Image Credit : ChatGpt

అమెరికన్లకు గ్యాస్ సమస్య రాదా?

అక్కడెక్కడో అమెరికా, ఇరాన్ మధ్య యుద్ధం జరిగితే దాని ప్రభావం మన వంటింటిపై పడింది. సరిగ్గా గ్యాస్ కూడా దొరకలేదు. చాలా మంది ఈ గ్యాస్ ప్రాబ్లమ్ మన దగ్గర హోటల్స్ మూసేసిన వాళ్లు కూడా ఉన్నారు. కొంతకాలం కమర్షియల్ గ్యాస్ సిలిండర్ల సప్లై కూడా ఆపేశారు. కేవలం.. ఇంటికి కూడా చాలా మందికి సిలిండర్ దొరకలేదు. చాలా ఇబ్బంది పడ్డాం. ఇప్పటికీ.. ఈ షార్టేజ్ కొంత కంటిన్యూ అవుతూనే ఉంది. అయితే.. మనకు వచ్చిన ఈ ప్రాబ్లం అమెరికన్స్ కి కూడా వచ్చిందా అంటే రాలేదనే చెప్పాలి. ఎందుకంటే.. వారికి మనలాగా..సిలిండర్లే ఉండవు. మరి.. సిలిండర్స్ లేకుండా వాళ్లు గ్యాస్ ఎలా వాడతారు? అసలు గ్యాస్ బుక్ చేసుకునే పద్దతి ఎలా ఉంటుందో ఇప్పుడు తెలుసుకుందాం...

Image Credit : Chat GPT

గ్యాస్ ఎలా వాడతారు?

భారత దేశంలో ప్రతి ఇంట్లో LPG సిలిండర్లు ఉంటాయి. గ్యాస్ అయిపోతే మళ్లీ బుక్ చేసుకుంటాం. కానీ అమెరికాలో మాత్రం ఇలా ఉండదు. అక్కడ వారికి ప్రతి నెలా గ్యాస్ బుక్ చేసుకునే అవసరమే రాదు. ఎందుకంటే.. అక్కడ ప్రతి ఇంటికి పైప్ లైన్ ద్వారా గ్యాస్ కనెక్షన్ ఉంటుంది. అంటే గ్యాస్ కంపెనీ నుంచి డైరెక్ట్ గా ఇంటికి పైప్ కనెక్షన్ ఉంటుంది. అది కూడా.. భూమిలోపల నుంచే ఆ కనెక్షన్ ఉంటుంది. ఆ పైపుల ద్వారా గ్యాస్ సరఫరా అవుతుంది. అందుకే.. వాళ్లకు సరపేటుగా.. ప్రతి నెలా గ్యాస్ బుక్ చేసుకోవాలి అనే టెన్షన్ ఉండదు. అలా అని ఫ్రీగా ఈ సరఫరా ఉండదు. ప్రతి ఇంటికి మనకు కరెంట్ బిల్లు చెక్ చేసే మీటర్ ఉన్నట్లే.. వారికి గ్యాస్ కి కూడా ఒక మీటర్ ఉంటుంది. ఆ మీటర్ ద్వారా.. గ్యాస్ బిల్లు పే చేయాల్సి ఉంటుంది. ఎంత వాడితే అంత పే చేస్తే సరిపోతుంది. అంటే.. మన దేశంలో లాగా.. సడెన్ గా గ్యాస్ అయిపోయింది అనే టెన్షన్ పడే అవసరం ఉండదు. సిలిండర్ బుక్ చేసిన తర్వాత ఎప్పుడు వస్తుందా అని ఎదురు చూసే అసవరం కూడా ఉండదు.

Image Credit : Gemini AI

గ్యాస్ వంటకు మాత్రమే కాదు..

మనం వంట గ్యాస్ ని చాలా పొదుపుగా వాడుకుంటూ ఉంటాం. కేవలం వంటకు మాత్రమే వాడతాం.కానీ, అమెరికాలో కేవలం వంటకు మాత్రమే కాకుండా.. చాలా రకాల పనులకు ఈ గ్యాస్ నే వాడతారు. చలికాలంలో అక్కడ మంచు ఎక్కువగా కురుస్తుంది కదా.. ఆ చలి నుంచి తట్టుకోవడానికి, ఇంటిని వేడిగా ఉంచడానికి హీటింగ్ సిస్టమ్ పెట్టుకుంటారు. అది కూడా గ్యాస్ తోనే పని చేస్తుంది. అదే కాదు.. వాటర్ హీటర్, డ్రెయ్యర్ మెషిన్లు లాంటివి కూడా వీరికి గ్యాస్ తోనే పని చేస్తాయి.

గ్రామీణ ప్రాంతాల పరిస్థితి ఏంటి..?

అమెరికాలోని సిటీల్లో మొత్తం ఇలా గ్యాస్ పైప్ లైన్ కనెక్షన్ ఉంటుంది. కానీ, గ్రామీణ ప్రాంతాలకు మాత్రం ఇలా పైప్ లైన్ సర్వీస్ ఉండదు. అలా అని వాళ్లకు మనలాగా గ్యాస్ సిలిండర్లు ఉండవు. వారి కోసం స్పెషల్ గా కొన్ని ట్యాంక్స్ ఏర్పాటు చేస్తారు. అవి చిన్నగా ఏమీ ఉండవు. మన వాటర్ ట్యాంకర్ల మాదిరి పెద్దగా ఉంటాయి. తెల్లటి ట్యాంకర్లను ఏర్పాటు చేస్తారు. వాటి ద్వారా వారికి కనెక్షన్ ఇస్తారు. ఆ ట్యాంకుల్లో కొన్ని వందల గ్యాలన్ల గ్యాస్ ఉంటుంది. అందులో గ్యాస్ తగ్గినప్పుడే కంపెనీ స్వయంగా వచ్చి ట్యాంక్ ఫుల్ చేసి వెళ్లిపోతుంది. దాదాపు సంవత్సరానికి ఒకసారి రీఫిల్ చేసే అవకాశం ఉంటుంది.