- Home
- Feature
- Floating Village: గ్రామం మొత్తం నీటిపైనే తేలుతుంది..ఇంట్లో కి అడుగుపెట్టాలన్నా నీటిలో ఈదాల్సిందే
Floating Village: గ్రామం మొత్తం నీటిపైనే తేలుతుంది..ఇంట్లో కి అడుగుపెట్టాలన్నా నీటిలో ఈదాల్సిందే
Floating Village: నీటిపై పడవ తేలుతుంది. ఆ పడవలాగా.. ఇల్లు కూడా నీటిపై తేలితే.. ఒక్క ఇల్లు కాదు.. ఒక ఊరు ఊరంతా.. నీటిపైనే ఉంటే..ఎలా ఉంటుంది. ఇలాంటి వింత గ్రామాలు ఎక్కడ ఉన్నాయో తెలుసా?
నీటిలో తేలాడే గ్రామాలు...
నీటిలో తేలియాడే ఊరు ఎప్పుడైనా చూశారా? మన కాళ్ల కింద మట్టి కాకుండా నీళ్లు తగిలితే ఎలా ఉంటుంది..? పిల్లలు నడవడం కంటే ముందే ఈత నేర్చుకుంటే ఎలా ఉంటుంది.. ఎప్పుడైనా ఇలా ఊహించుకున్నారా? నిజంగా ఇలా నీటిలో తేలాడుతూ సంవత్సరాలపాటుగా జీవిస్తున్న కుటుంబాలు ఉన్నాయని మీకు తెలుసా? ప్రపంచ వ్యాప్తంగా నీటిపై తేలాడుతూ ఉండే గ్రాములు కొన్ని ఉన్నాయి. అవి ఎక్కడ ఉన్నాయి..? వారి లైఫ్ స్టైల్ ఎలా ఉంటుందో ఇప్పుడు తెలుసుకుందాం...
1.ఉరోస్ దీవులు
నీటి మీద తేలాడే గ్రామాల్లో ఉరోస్ దీవులు కూడా ఒకటి. టిటికాకా సరస్సు మీద ఈ గ్రామం తేలి ఆడుతూ ఉంటుంది.ఈ గ్రామంలో కొన్ని శతాబ్దాలుగా ప్రజలు జీవిస్తున్నారు. అయితే.. మనలాగా వాళ్లు ఇసుక, ఇటుక, సిమెంట్ తో ఇంటిని నిర్మించుకోలేరు. కాబట్టి టోటోరా రైలు అనే మొక్కను కలపగా వాడి.. వారు ప్రత్యేకంగా ఇంటిని నిర్మించుకుంటారు. ఇది నీటిపై తేలుతూ ఉంటుంది. అందుకే.. వారి జీవనం సజావుగా సాగుతుంది.దాదాపు 2వేల మంది ఈ గ్రామంలో నివసిస్తున్నారు. ఇక.. వీరు పందులు, బాతులు వంటి జంతువులను కూడా ఇక్కడ పెంచుతూ ఉంటారు.
గాన్వీ..
నీటిపై తేలాడే మరో గ్రామం గాన్వీ. బెనిన్ లోని నోకౌయే సరస్సు లో ఈ గాన్వీ గ్రామం ఉంటుంది.ఈ గ్రామానికి వెళ్లాలంటే పడవల్లోనే వెళ్లాలి. ఇక.. ఈ గ్రామ ప్రజలు నీటిలో తేలాడే చెక్కతో ఇంటిని నిర్మించుకున్నారు. ఇక్కడ 20 వేల మందికి పైగా నివసిస్తున్నారు.ఈ గ్రామానికి యూనెస్కో గుర్తింపు కూడా ఉంది.
3.టోన్లే స్లాప్ సరస్సు..
ఆగ్నేయాసియాలో ఉన్న మంచి నీటి సరస్సు టోన్లే సాఫ్ సరస్సు. ఈ సరస్సులో ఒకటి కాదు రెండు కాదు దాదాపు 170 నీటిపై తేలాడే గ్రామాలు ఉన్నాయి. వెదురు, కలప, నీటితో తేలాడే సీసాలతో ఇక్కడి ప్రజలు ఇంటిని నిర్మించుకుంటారు. కేవలం ఇల్లు మాత్రమే కాదు దేవాలయాలు, పాఠశాలలు అన్నీ వీరు నిర్మించుకోవడం విశేషం.
ఇన్లే సరస్సు
మయన్మార్ లోని షాన్ కొండల్లో ఉంది ఇన్లే సరస్సు ఉంది. ఈ సరస్సు దాదాపు 22 కిలోమీటర్ల పొడవు ఉంటుంది. ఇక్కడ నీటిపై తేలాడే గ్రామాలు చాలా ఉంటాయి. ఇక్కడి ప్రజలు వ్యవసాయం కూడా చేస్తారు. ఎక్కువగా చేపల వేట వీరి జీవన ఆధారం. ఈ గ్రామంలో ప్రజలు అక్కడి పరిస్థితులకు అనుగుణంగా తమను మార్చుకుంటారు. ముఖ్యంగా ఒంటి కాలిపై తమ బాడీని బ్యాలెన్స్ చేసుకుంటారు. ఒక కాలితో బ్యాలెన్స్ చేస్తూ.. మరో కాలితో చెక్క పడవలను నడుపుతారు. వీరు నీటిపై తేలాడే మొక్కలను పెంచి.. వాటితో వ్యవసాయం చేస్తూ ఉంటారు. ఇది వీరి ప్రత్యేకత.
ఈ గ్రామాల్లో ప్రజలు అక్కడి పరిస్థితులకు అనుగుణంగా పెరుగుతారు. ముఖ్యంగా పిల్లలు చిన్నతనంలోనే ఈత నేర్చుకుంటారు. జీవన ఆధారం కోసం చేపలు పట్టడం లాంటివి కూడా చేయించుకుంటారు. మనం రెగ్యులర్ గా చూసే ప్రపంచం కంటే వీరి జీవితం చాలా భిన్నంగా ఉంటుంది.
