DMart: డీమార్ట్లో ఎక్కువ ఉద్యోగాలు మహిళలకే ఎందుకిస్తారో తెలుసా?
DMart: డీమార్ట్ లో ఎక్కువ సంఖ్యలో ఉద్యోగులు పనిచేస్తూ ఉంటారు. వారిలో 80 శాతం మంది మహిళలే కనిపిస్తారు. మగ ఉద్యోగులు చాలా తక్కువ మంది ఉంటారు. డిమార్ట్ లో ఉద్యోగాల భర్తీలో మహిళలకే ఎక్కువగా ప్రాధాన్యత ఇస్తారు. ఎందుకో మీకు తెలుసా?
డిమార్ట్ లో మహిళా ఉద్యోగులు
అతి పెద్ద గ్రోసరీ స్టోర్ డిమార్ట్. చవక ధరకే ఎన్నో సరుకులు దొరుకుతాయి. అందుకే చాలా కుటుంబాలు ఒకేసారి నెలకు సరిపడా సరుకులను డిమార్ట్ నుంచి తెచ్చుకుంటారు. శనివారం, ఆదివారం డిమార్ట్ జనంతో నిండిపోతుంది. తరచూ డిమార్ట్ వెళ్లే వారు ఒక విషయాన్ని గమనించే ఉంటారు. అక్కడ దాదాపు మహిళా ఉద్యోగులే కనిపిస్తారు. పది మహిళలకు ఒక మగ ఉద్యోగి కనిపిస్తాడు. దాదాపు 80 శాతం మంది మహిళలకే అక్కడ ఉద్యోగాలు చేస్తారు. డిమార్ట్ మహిళలకే ఎక్కువ ఉద్యోగాలు ఎందుకు ఇస్తుంది.
మహిళలు ఎందుకంటే?
సాధారణంగా పురుషులతో పోలిస్తే మహిళలు క్రమశిక్షణగా ఉంటారు. బాధ్యతగా పనిచేస్తారని డీమార్ట్ యాజమాన్యం నమ్మకం. డిమార్ట్ లో ఉండేవి పప్పులు, ఉప్పులు వంటి ఆహారపు సరుకే. వాటిని ఆడవాళ్ల కన్నా ఇంకెవరు బాగా చూడగలరు. ఇంట్లో అయినా వంటింట్లోని సరుకులను సర్దేది వారే కదా. అందుకే డిమార్ట్ మహిళలకు ఎక్కువ ప్రాధాన్యత ఇస్తుంది. అంతేకాదు మహిళలు పనివేళలను కచ్చితంగా పాటిస్తారనే నమ్మకం కూడ వారికి ఉంది.
మరొక కారణం
డిమార్ట్ స్టోర్లో మహిళా ఉద్యోగులు ఎక్కువగా ఉంటేనే కస్టమర్లు ముఖ్యంగా మహిళలు సురక్షితంగా భావిస్తారు. ఇంటి సరుకులు కొనేందుకు వచ్చేది కూడా ఎక్కువ ఆడవాళ్లే. కాబట్టి వారి కోసం మహిళలకే ఉద్యోగులుగా పెట్టుకోవడం మంచిదని డిమార్ట్ అభిప్రాయం.
తక్కువ జీతానికే వస్తారు
ఇక అత్యంత ముఖ్యమైన విషయం… మహిళలు తక్కువ జీతాలకే పనిచేసేందుకు వస్తారు. పనిని మాత్రం సక్రమంగా చేస్తారు. ప్రతి పనిని శ్రద్ధతో చేస్తారు. అందుకే డిమార్ట్ లో మహిళా ఉద్యోగులు ఎక్కువగా ఉంటారు.
