- Home
- Entertainment
- Toxic Second Song: కియారా, నయన్ తర్వాత తారా సుతారియా.. యశ్ రొమాన్స్ మామూలుగా లేదుగా.. రెండో పాట ఎలా ఉందంటే?
Toxic Second Song: కియారా, నయన్ తర్వాత తారా సుతారియా.. యశ్ రొమాన్స్ మామూలుగా లేదుగా.. రెండో పాట ఎలా ఉందంటే?
నటుడు యశ్ 'టాక్సిక్' సినిమాలో నటిస్తున్నారు. ఈ చిత్రం నుంచి 'మన్మోహక' అనే రెండో పాట విడుదలైంది. ఈ పాటలో యశ్, నటి తారా సుతారియాతో రొమాన్స్ చేస్తూ కనిపించారు. Yash Toxic Movie Second Song Manmohaka Features Tara Sutaria
టాక్సిక్ నుంచి రెండో పాట వచ్చింది
యశ్ హీరోగా నటించిన `టాక్సిక్` నుంచి రెండో పాట వచ్చింది. కొన్ని రోజుల క్రితం వచ్చిన రొమాంటిక్ సాంగ్ దుమ్ములేపింది. కియారా అద్వానీతో రెచ్చిపోయాడు యశ్. అది పాట కాదు, కండోమ్ యాడ్ అనే విమర్శలు వచ్చాయి. ఈ క్రమంలో ఇప్పుడు రెండో పాటని విడుదల చేశారు. 'మనసాగదే` పేరుతో దీన్ని విడుదల చేశారు. తనిష్క్ బాగ్చి, ఫహీమ్ అబ్దుల్లా, అర్స్లాన్ నిజామీ ఈ పాటకు సంగీతం అందించారు. సిద్ధార్థ్ బస్రూర్ పాడగా, ప్రమోద్ మరవంతె సాహిత్యం రాశారు.
మనసుని హత్తుకునేలా సాగిన రెండో పాట
`గుండెల్లో ఓ మెరుపు నడిచి మాయమైనట్టుంది. ఈ చల్లగాలి కూడా తుపానులా ఎందుకు వేధిస్తోంది? మనసులో ఏదో అలజడి. తనకు తానుగా సవాల్ విసురుకుంటోంది. ఆ జ్ఞాపకం ఇచ్చే సంతోషమే ఓ విషంలా మారింది. నాతో నేనే పోరాడుతున్నా. మనసును మోసం చేసేది, కొంచెం మత్తునిచ్చేది, నా ప్రపంచాన్నే మార్చేసింది. ఇదో కొత్త కోరిక, కాస్త గందరగోళం. నేనిప్పుడు మాటల్లేని నావికుడిని`... అంటూ ఈ పాట సాగుతుంది.
ముగ్గురు హీరోయిన్లతో యశ్ రొమాన్స్
ఇందులో తారా సుతారియాతో రొమాన్స్ చేస్తూ కనిపించాడు యశ్. కానీ ఆ తర్వాత నయనతార వచ్చింది. కియారా అద్వానీ వచ్చింది. ఇలా ముగ్గురితోనూ కనిపించాడు. అయితే ఇది కాస్త ఎమోషనల్గా ఉంది. తన ప్రేమకి సంబంధించిన మనసులోని భావాలను ఆవిష్కరించినట్టుగా ఉంది. పాట ఆకట్టుకుంటోంది. ప్రస్తుతం ఈ పాట ట్రెండ్ అవుతోంది. `టాక్సిక్` సినిమాలో యశ్ చాలా బోల్డ్గా కనిపించారు. ఇప్పటివరకు రిలీజైన ప్రోమోలు, పాటల్లో యశ్ గ్యాంగ్స్టర్గా కనిపిస్తూ, హీరోయిన్లతో ఆయన కెమిస్ట్రీ ఇంటర్నెట్ను షేక్ చేస్తోంది.
ఆగస్ట్ లో టాక్సిక్ రిలీజ్
ఈ సినిమాలో యశ్, కియారా అద్వానీ, నయనతార, హుమా ఖురేషి, తారా సుతారియా, రుక్మిణి వసంత్ ప్రధాన పాత్రల్లో నటిస్తున్నారు. యశ్, గీతూ మోహన్దాస్ కలిసి ఈ సినిమా కథను సిద్ధం చేశారు. గీతూ మోహన్దాస్ దర్శకత్వం వహిస్తున్నారు. కేవీఎన్ ప్రొడక్షన్స్, మాన్స్టర్ మైండ్ క్రియేషన్స్ కలిసి ఈ సినిమాను నిర్మిస్తున్నాయి. ఆగస్ట్ 16న సినిమా రిలీజ్ కాబోతుంది.
