షారుఖ్ ఖాన్ ను పెళ్లాడిన తరువాత కూడా గౌరీ ఖాన్ ఎందుకు మతం మారలేదు? కారణం ఏంటో తెలుసా?

సాధారణంగా మతాంతర వివాహాలు చేసుకున్న ఆడవారు భర్త ఏ మతంలో ఉంటే ఆ మతంలోకి మారుతుంటారు. చాలాతక్కువ మంది మాత్రమే ఈ విషయంలో డిఫరెంట్ గా ఆలోచిస్తుంటారు. ఈక్రమంలోనే స్టార్ హీరో షారుఖ్ ఖాన్ ను ప్రేమ పెళ్లి చేసుకున్న గౌరీచిబ్బర్ మతం మార్చుకోలేదట. కారణం ఏంటో తెలుసా? 

 బాలీవుడ్ బాద్ షా షారుఖ్ ఖాన్ తను ప్రేమించిన  గౌరీ చిబ్బర్ ను  అక్టోబర్ 25, 1991న పెళ్లి చేసుకున్నారు. వారికి ముగ్గురు పిల్లలు, ఆర్యన్ ఖాన్, సుహానా ఖాన్, మరియు అబ్రామ్ ఖాన్.  షారుఖ్ ఖాన్ స్టార్ హీరో అన్న సంగతి అందరకి తెలుసు..

ఇక ఆయన ప్రేమించి పెళ్ళాడిన గౌరీ మాత్రం ఇంటీరియర్ డిజైనర్. అయితే వీరి పెళ్లి జరిగి  దాదాపు మూడు దశాబ్దాలు అయ్యింది. షారుఖ్ ఖాన్  ముస్లిం కావడంతో గౌరీ తల్లిదండ్రులు మొదట్లో వారి వివాహానికి వ్యతిరేకించారు. 

ఈ విషయాలను కాఫీ విత్ కరణ్ మొదటి సీజన్‌లో పాల్గొన్న గౌరీ ఖాన్ వెల్లడించారు. కాఫీ విత్ కరణ్ ఎపిసోడ్‌లోని ఒక వీడియోలో, హృతిక్ రోషన్ అప్పటి భార్య సుస్సాన్ ఖాన్‌తో కలిసి గౌరీ కనిపించింది. "ఆర్యన్, షారుఖ్ కి ఇది చాలా ఇష్టం." అతను ఇస్లాంను అనుసరిస్తాడని నేను అనుకుంటున్నాను. అతను ఎప్పుడూ 'నేను ముస్లింని' అని అంటాడు. నేను ఈ విషయం మా అమ్మతో చెప్పినప్పుడు, ఆమె, "నువ్వు దేని గురించి మాట్లాడుతున్నావు?" అని అడిగింది. 

 మా మధ్య ఒక అవగాహన ఉంది. నేను షారుఖ్ మతాన్ని గౌరవిస్తాను. కానీ దాని అర్థం నేను మతం మారి ముస్లిం అవుతానని కాదు. నాకు దాని మీద నమ్మకం లేదు. ప్రతి ఒక్కరూ తమ మతాన్ని అనుసరించాలని నేను అనుకుంటున్నాను. కానీ మరొకరి పట్ల అగౌరవం ఖచ్చితంగా ఉండకూడదు. "షారూఖ్ నా మతాన్ని అగౌరవపరచడు" అని గౌరి అన్నారు.

కొన్ని సంవత్సరాల క్రితం డాన్స్ ప్లస్ 5 సెట్స్‌ కు వెళ్లినప్పుడు  షారుఖ్ అన్న మాటలు గుర్తు చేశారు గౌరీ ఖాన్.  "మేము ఎప్పుడూ హిందూ-ముస్లిం గురించి చర్చించలేదు. నా భార్య హిందూ, నేను ముస్లిం, మా పిల్లలు హిందుస్తానీ అని అన్నారట. ఇక గౌరీ ఖాన్ మాట్లాడుతూ.. నా కూతురు చిన్నప్పుడు, తన స్కూల్ అప్లికేషన్‌లో తన మతాన్ని రాయాల్సి వచ్చింది. నా కూతురు ఒకసారి నా దగ్గరకు వచ్చి, 'మన మతం ఏమిటి?' అని అడిగింది. "నేను ఆమె అప్లికేషన్ లో  మేము భారతీయులం, మాకు మతం లేదని రాశాను" అని అన్నారు గౌరీ ఖాన్. 

బాలీవుడ్‌లో పాపులర్ అయిన రియల్ లవ్ స్టోరీస్ లో  షారుఖ్ ఖాన్ , గౌరీ ఖాన్ ప్రేమకథ ఒకటి. వేర్వేరు మతాలకు చెందిన ఈ జంట అనేక కష్టాలను అధిగమించి చివరకు పెళ్లి చేసుకున్నారు. ఈలోగా, అనేక సవాళ్లు ఎదురయ్యాయి. షారుఖ్ ఖాన్ ఇంట్లో ఈద్ మరియు దీపావళి జరుపుకుంటారు. వారి ఇల్లు మత ఐక్యతకు చిహ్నం.!

ఇప్పుడు గౌరీ ఖాన్ అని పిలువబడే గౌరీ చిబ్బర్ ఇప్పటికీ హిందూ మతాన్ని అనుసరిస్తుంది. ఆసక్తికరమైన విషయం ఏమిటంటే, షారుఖ్ , గౌరీ గతంలో రిజిస్టర్డ్ వివాహం చేసుకున్నారు. తరువాత వారు ముస్లిం సంప్రదాయం ప్రకారం, ఆపై పంజాబీ హిందూ సంప్రదాయం ప్రకారం వివాహం చేసుకున్నారు.

ఆ సమయంలో షారుఖ్ 'రాజు బన్ గయా హీరో' సినిమాలో నటిస్తున్నాడు. ఇక పెళ్ళి తరువాత గౌరీ 1997 నవంబర్‌లో ఆర్యన్ ఖాన్‌కు జన్మనిచ్చింది. సుహానా ఖాన్ కూడా 2000 సంవత్సరంలో జన్మించింది. 22 సంవత్సరాల  తర్వాత, ఆ జంటకు సరోగసి ద్వారా మరో బిడ్డ పుట్టింది. ఆ బిడ్డకు అబ్రామ్ అని పేరు పెట్టారు.