Vijay CM: MGR పై విజయ్ దళపతి సంచలన కామెంట్స్, ఫస్ట్ స్పీచ్తోనే పొలిటికల్ హీట్
ఇన్నాళ్లూ మిమ్మల్ని క్యూలలో నిలబెట్టి మోసం చేసిన రెండు పార్టీలను పక్కనపెట్టారు. మీరు నన్ను సీఎంని కాదు, మీ 'మొదటి సేవకుడి'ని చేశారు అని తమిళనాడు సీఎం విజయ్ తన తొలి బహిరంగ సభలో సంచలన కామెంట్స్ చేశారు.
సీఎం అయ్యాక ఫస్ట్ స్పీచ్..
తమిళనాడు రాజకీయాల్లో ఇప్పుడు కొత్త శకం మొదలైంది. వెండితెరపై విలన్లను ఉతికి ఆరేసిన 'దళపతి' విజయ్, ఇప్పుడు పొలిటికల్ పిచ్పై ప్రత్యర్థుల వికెట్లు పడగొట్టి ముఖ్యమంత్రిగా బాధ్యతలు చేపట్టారు. సీఎం అయ్యాక తిరుచిరాపల్లిలో జరిగిన తన మొదటి భారీ ర్యాలీలో విజయ్ (Thalapathy Vijay) మాట్లాడిన తీరు ఇప్పుడు సౌత్ ఇండియా మొత్తం హాట్ టాపిక్గా మారింది. అది కేవలం స్పీచ్ కాదు, ప్రత్యర్థులకు ఇచ్చిన స్ట్రాంగ్ వార్నింగ్.
MGR రికార్డ్.. విజయ్ వినయం
ర్యాలీకి పోటెత్తిన జనసంద్రాన్ని చూసి ఎమోషనల్ అయిన విజయ్, ఒక సెన్సేషనల్ కామెంట్ చేశారు. "తమిళనాడు ఆరాధ్య దైవం, దివంగత సీఎం MGR గారికి కూడా తన మొదటి ఎన్నికల్లో ఇంత భారీ స్థాయిలో ఓట్లు రాలేదు. అలాంటి అద్భుతమైన సపోర్ట్ ను మీరు నాకు, మన 'తమిళగ వెట్రి కళగం' (TVK) పార్టీకి ఇచ్చారు" అని గట్టిగా చెప్పారు. కానీ, వెంటనే "అయ్యో, నేను నన్ను MGR గారితో పోల్చుకోవట్లేదు. ఆయన ఒక మహానాయకుడు. నేను కేవలం MGR, అన్నా, పెరియార్ చూపిన దారిలో నడవడానికి వచ్చిన మీ ఇంటి బిడ్డను" అని చెప్పి అందరి మనసులు గెలుచుకున్నారు.
డీఎంకే - ఏఐఏడీఎంకే ఆటకు బ్రేక్
దశాబ్దాలుగా తమిళనాడును ఏలుతున్న డీఎంకే, ఏఐఏడీఎంకే అనే రెండు పెద్ద పార్టీల ఆధిపత్యానికి విజయ్ చెక్ పెట్టారు. "ఇన్నేళ్లుగా మిమ్మల్ని క్యూలలో నిలబెట్టి మోసం చేసిన ఇద్దరినీ మీరు తిరస్కరించారు. ఆరు నెలలు సైలెంట్గా ఉంటాడని నా గురించి అన్నారు. కానీ ఆరు రోజులు కూడా వాళ్లు సైలెంట్గా ఉండలేకపోయారు. మీరు నన్ను కేవలం ముఖ్యమంత్రిని చేయలేదు, మీ 'మొదటి సేవకుడి'గా ఎన్నుకున్నారు" అని విజయ్ ఎమోషనల్గా మాట్లాడారు.
2026 ఎన్నికల్లో విజయ్ హవా
ఏప్రిల్ 23న జరిగిన ఎన్నికల్లో విజయ్ నేతృత్వంలోని టీవీకే పార్టీ ఏకంగా 108 సీట్లు గెలిచి చరిత్ర సృష్టించింది. స్వయంగా విజయ్ రెండు చోట్ల పోటీ చేసి, రెండింటిలోనూ ఘన విజయం సాధించారు. చెన్నై పెరంబూర్ లో విజయ్ 1,19,454 ఓట్లు సాధించి, 53,532 ఓట్ల భారీ మెజారిటీతో గెలిచారు. తిరుచిరాపల్లి ఈస్ట్ లో 91,381 ఓట్లు పొంది, 27,416 ఓట్ల తేడాతో గెలిచారు. ప్రస్తుతం విజయ్ తిరుచిరాపల్లి స్థానానికి రాజీనామా చేసి, చెన్నై పెరంబూర్ ఎమ్మెల్యేగా కొనసాగుతున్నారు.
సినిమా స్టైల్ పాలిటిక్స్
తెరపై హీరోగా ప్రేక్షకులను మెప్పించిన విజయ్, ఇప్పుడు రియల్గా ప్రజల సేవకు సిద్ధమయ్యారు. సీఎంగా బాధ్యతలు తీసుకున్నాక విప్లవాత్మక మార్పులు విజయ్ తీసుకొచ్చారు. గుడి,బడికి దూరంగా వైన్ షాపులు తరలించడం, గతంలో ముఖ్యమంత్రుల స్కీములు తీసివేయకుండా కంటీన్యూ చేయడంతో పాటు చాలా విషయాల్లో విజయ్ దూకుడు చూపించాడు.
ఇక 1977 నుంచి 1987 వరకు తమిళనాడును పాలించిన తొలి యాక్టర్ MGR దారిలోనే విజయ్ నడుస్తుండటం అభిమానుల్లో కొత్త ఆశలు రేపుతోంది. మొత్తానికి, దళపతి పొలిటికల్ జర్నీ ముందు ముందు ఇంకెన్ని రికార్డులు సృష్టిస్తుందో చూడాలి
