Guppedantha Manasu: తప్పంతా తల్లిదే అంటున్న శైలేంద్ర.. రిషిని బ్లాక్ మెయిల్ చేస్తున్న వసుధార!

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి కంటెంట్ తో ప్రేక్షకులు హృదయాలని గెలుచుకుంటుంది. చనిపోయాడనుకున్న తమ్ముడు బ్రతికి ఉండటంతో ఫ్రస్టేషన్ కి గురవుతున్న ఒక అన్న కథ ఈ సీరియల్. ఇక ఈరోజు జూలై 24 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో వసుధారని తనతో పాటు భోజనానికి తీసుకువస్తుంది ఏంజెల్. అంతలో రిషి కూడా డాబా మీద నుంచి కిందికి వస్తాడు. కదా కలిసి భోజనం చేద్దాం అంటుంది ఏంజెల్.  నేను రాను నా గదిలో భోంచేస్తాను అంటాడు రిషి. అదేంటి ఎప్పుడూ లేనిది ఈ అలవాటు అంటుంది ఏంజెల్. వసుధారా మనసులోనే ఏంటి సార్ నా నుంచి పారిపోతున్నారా అని అనుకుంటుంది. ఆ మాటలని అర్థం చేసుకున్న రిషి పారిపోవాల్సిన అవసరం నాకేముంది అని తను కూడా మనసుతోనే సమాధానమిస్తాడు.

  వాళ్ళిద్దరూ సైలెంట్ గా ఉండడాన్ని భరించలేక పోతుంది ఏంజెల్. మీరిద్దరూ కళ్ళతో మాట్లాడుకుంటున్నారా అని అడుగుతుంది. ఇప్పుడు నేను తనతో భోజనం చేయకపోతే పారిపోయాను అనుకుంటుంది అయినా నేనెందుకు పారిపోవాలి అని మనసులో అనుకుంటాడు రిషి. ఈ సస్పెన్స్ నేను భరించలేక పోతున్నాను అని ప్రెసిడెంట్ అవుతుంది ఏంజెల్ సరే నువ్వు పైకి వెళ్ళు నేను భోజనం తీసుకు వస్తాను అని రిషికి చెప్తుంది. వద్దు నేను కూడా ఇక్కడే భోజనం చేస్తాను అంటాడు రిషి.

అతని ప్రవర్తనకి ఆశ్చర్య పోతుంది ఏంజెల్. ఎప్పుడు ఎలా ప్రవర్తిస్తావో నీకే తెలియదు అంటుంది. తరువాత అందరూ భోజనాలు దగ్గర కూర్చుంటారు. సడన్గా అయ్యో మనం టెర్రస్ మీద భోజనాలు ప్లాన్ చేయవలసింది నువ్వైనా గుర్తు చేయవలసింది వసుధార అంటుంది ఏంజెల్. మనసుకి నచ్చిన వాళ్ళు పక్కన ఉంటే ఎక్కడ కూర్చున్నా ఆనందంగానే భోజనం చేయవచ్చు మనకి ఇష్టం లేని వాళ్ళు మన పక్కన కూర్చుంటే ప్రశాంతంగా ఉండలేము అంటాడు రిషి.

ఆ మాటలకి రిషి పక్కనే కూర్చున్న వసుధార ఫీలవుతుంది. నేను వెళ్ళిపోతాను ఎక్కువ రోజులు ఎక్కడ ఉండడం ఇబ్బందిగా ఉంది అంటుంది. మీ నాన్నగారు ఏదో పని మీద ఊరు వెళ్లారు కదా ఆయన వచ్చేవరకు ఇక్కడే ఉండు అంటాడు విశ్వనాథం. మరేమీ మాట్లాడలేక పోతుంది ఏంజెల్. సాంబారు చాలా బాగుంది రిషికి ఇవ్వు అని వసు కి చెప్తుంది ఏంజెల్. వసు సాంబార్ గిన్నె ని రిషి పక్కన పెడుతుంది. అలా పెట్టేసావ్ ఏంటి వడ్డించవచ్చు కదా నువ్వు చేసింది ఏమీ బాగోలేదు.

 అయినా నాకు తెలియక అడుగుతాను ఏంటి మీ ఇద్దరికీ ఉన్న ప్రాబ్లం మీ ఇద్దరూ గత జన్మలో ఏమైనా శత్రువులా.. మరొకరైతే మీరిద్దరూ ఉన్న ప్లేస్ లో ఉంటే ఈపాటికి లవ్ లో పడిపోయేవారు. అయినా ఏంటిది నువ్వు కాస్త మనుషుల్లో కలుస్తూ ఉండు అని రిషికి చెప్తుంది ఏంజెల్. ఆ బాధ్యత నువ్వే తీసుకో  వసుధార  నీకు కావాలంటే సమయానికి రిషి తీసుకొచ్చి నీ పక్కన పడేస్తాను అంటుంది ఏంజెల్.

నా భోజనం అయిపోయింది అని చెప్పి కోపంగా అక్కడ నుంచి వెళ్ళిపోతాడు రిషి. ఏంటమ్మా నువ్వు నీ బెస్ట్ ఫ్రెండ్ అంటావు మళ్ళీ ఏదో ఒకటి అంటావు రిషి హర్ట్ అయినట్లుగా ఉన్నాడు అంటాడు విశ్వనాథం. బెస్ట్ ఫ్రెండ్ కాబట్టి అన్నాను తాతయ్య అయినా నేను తిట్టానని ఫీల్ అవ్వలేదు ఇంకా ఏదో కారణం ఉంది అంటుంది ఏంజెల్. ఆ తరువాత గదిలో ఒంటరిగా కూర్చున్న రిషికి వసుధార మీరు పడుతున్న మానసిక సంఘర్షణ నాకు అర్థమవుతుంది.

పరిస్థితి ఎలా ఉన్నా మీరు ప్రశాంతంగా ఉండడం ముఖ్యం అని మెసేజ్ పెడుతుంది. సీన్ కట్ చేస్తే కోపంతో రగిలిపోతూ ఉంటాడు శైలేంద్ర. బాబాయ్ కి నిజం తెలిసిపోయిందా అందుకే వాళ్ళు మనకు తెలియకుండా ఏదైనా ప్లాన్ చేస్తున్నారా అయినా డాడీ ఏంటి ఎప్పుడు వాళ్ళ మాట వింటాడు నా మాట అసలు పట్టించుకోడు. అందుకే బాబాయిని ఆ రోజే లేపేద్దామన్నాను నువ్వే నా మాట వినలేదు తప్పంతా నీదే అన్నట్లుగా తల్లి దగ్గర ఫ్రెస్ట్రేట్ అవుతాడు.

 మీ డాడీ కి వాళ్ళ మీద ఉన్న నమ్మకం అలాంటిది ఇప్పుడు నువ్వు ఆలోచించి నిర్ణయం తీసుకోవాల్సిన సమయం. వాళ్లు నిన్ను ఎలా అయితే ఇరికించారో నువ్వు కూడా వాళ్ళని అలాగే ఇరికించు అని కొడుక్కి సలహా ఇస్తుంది దేవయాని. ఇంతలో కాలేజీ లెక్చరర్ ఫోన్ చేసి కాలేజీలో బోర్డు మీటింగ్ అవుతుంది లిస్టులో మీ పేరు లేదు..మీరు వస్తున్నారా అని అడుగుతాడు. మీటింగ్ జరుగుతున్న సంగతి నాకు తెలియదు ఏదైతేనేం నేను వస్తాను అంటాడు శైలేంద్ర.

విషయం తెలుసుకున్న దేవయాని కూడా జగతి మీద కోపంతో రగిలిపోతుంది. అది నీ కాలేజీ నిన్ను ఎవరు ఇన్వైట్ చేయక్కర్లేదు. నువ్వు కూడా వెళ్లి మీటింగ్ లో పాల్గొ అని కొడుకుని పంపిస్తుంది. మరోవైపు ఏంజెల్ కారు తీసుకొని బయటికి వెళ్లడంతో కాలేజీకి వెళ్లడానికి ఆటో బుక్ చేసుకుంటాను అంటుంది వసుధార. ఎందుకమ్మా రిషి కాలేజీకి వెళ్తాడు కదా అని చెప్పి వసు బాధ్యతని రిషికి అప్పచెప్తాడు విశ్వనాథం.

మీరు క్లాసులో కూర్చొని నా లెసన్ వింటానంటే నేను మీ కార్ లో వస్తాను అంటుంది వసుధార. అది జరగని పని అంటాడు రిషి అయితే నేను కూడా మీ కార్లో రాను అని మొండికేస్తుంది వసుధార. పొగరు అని మనసులో అనుకొని సరే వింటాను. అయినా విశ్వనాథం సార్ చెప్పారు కాబట్టి నీ మాట వినాల్సి వస్తుంది లేకపోతే నువ్వు కాలేజీకి వస్తే నాకేంటి లేకపోతే నాకేంటి అంటాడు రిషి. తర్వాత ఏం జరిగిందో రేపటి ఎపిసోడ్ లో చూద్దాం.