Nayanthara Movies: 41 ఏళ్ల వయసులో ఇన్ని సినిమాలా? లేడీ సూపర్‌స్టార్ అసలు సీక్రెట్ ఏంటో తెలుసా?

కేవలం గ్లామర్ పాత్రలకే పరిమితం కాకుండా, హీరోయిన్ ఓరియెంటెడ్ సినిమాలతో బాక్సాఫీస్‌ను షేక్ చేసే సత్తా ఆమె సొంతం. ప్రస్తుతం నయనతార డైరీ రాబోయే రెండు, మూడేళ్ల వరకు ఫుల్ బిజీగా ఉంది. 41 ఏళ్ల వయసులో ఇది ఎలా సాధ్యం అయ్యింది? 

Image Credit : Instagram

సౌత్ ఫిల్మ్ ఇండస్ట్రీ లేడీ సూపర్ స్టార్..

దక్షిణ భారత సినీ పరిశ్రమలో విజయశాంతి తరువాత  'లేడీ సూపర్‌స్టార్' అనిపించుకున్న  నటి నయనతార మాత్రమే. 'చంద్రముఖి' నుంచి 'కోలమావు కోకిల' వరకు ఆమె ప్రయాణం అసాధారణం. కేవలం గ్లామర్ పాత్రలకే పరిమితం కాకుండా, లేడీ ఓరియెంటెడ్ సినిమాలతో బాక్సాఫీస్‌ను దుమ్ముదులిపే సత్తా ఆమెకుంది. ప్రస్తుతం నయనతార డైరీ రాబోయే రెండు, మూడేళ్ల వరకు సినిమాలతో నిండిపోయింది. అందుకే ఆమె ఇప్పుడు 'మోస్ట్ బిజీయెస్ట్ యాక్ట్రెస్'.

Image Credit : Instagram

టాక్సిక్ కోసం ఎదురు చూపులు...

నయనతార రాబోయే చిత్రాల్లో యావత్ భారతదేశం ఆసక్తిగా ఎదురుచూస్తున్న సినిమా 'టాక్సిక్'. శాండల్‌వుడ్ రాకింగ్ స్టార్ యశ్‌తో నయనతార ఈ సినిమాలో స్క్రీన్ షేర్ చేసుకోబోతున్నారు. ఈ చిత్రంలో తారా సుతారియా, కియారా అద్వానీ, రుక్మిణి వసంత్ వంటి భారీ తారాగణం ఉంది. గీతూ మోహన్‌దాస్ దర్శకత్వం వహిస్తున్న ఈ సినిమా ఈ ఏడాది జూన్ 4న విడుదలయ్యే అవకాశం ఉంది.

Image Credit : Instagram

బాలకృష్ణ జోడీగా నాలుగో సినిమా..

నయనతార కేవలం తమిళ చిత్రాలకే పరిమితం కాలేదు. తెలుగులో, గోపీచంద్ మలినేని దర్శకత్వంలో నందమూరి బాలకృష్ణ 111వ చిత్రంలో (NBK 111) నయనతార హీరోయిన్‌గా నటించనున్నారు. మలయాళంలో బిగ్ బడ్జెట్ సినిమా 'పేట్రియాట్'లో కూడా ఆమె నటిస్తున్నారు. ఇందులో మమ్ముట్టి, మోహన్‌లాల్, ఫహద్ ఫాసిల్ వంటి దిగ్గజ నటులతో కలిసి ఆమె కనిపించనున్నారు. ఇది కాకుండా, 'డియర్ స్టూడెంట్స్' అనే మరో మలయాళ చిత్రం కూడా ఆమె చేతిలో ఉంది. 

Image Credit : Instagram

కీలకంగా 4 సినిమాలు..

నయనతార సొంత పరిశ్రమ అయిన తమిళంలో ప్రస్తుతం 4 కీలక సినిమాలు రెడీ అవుతున్నాయి. అందులో మొదటిది 'మూకుతి అమ్మన్ 2'. 2020లో సూపర్‌హిట్ అయిన 'మూకుతి అమ్మన్' సినిమాకు ఇది సీక్వెల్. ఇందులో కన్నడ నటుడు దునియా విజయ్ కూడా ఒక ముఖ్య పాత్రలో నటిస్తున్నారు. ఈ చిత్రంలో నయనతార మరోసారి దేవత అవతారంలో కనిపించనున్నారు.

Image Credit : Instagram

కథాబలం ఉన్న సినిమాలతో..

రక్కాయి (Rakkayie): ఈ సినిమాపై ఇప్పటికే భారీ అంచనాలున్నాయి. తన కూతురిని దుష్ట శక్తుల నుంచి కాపాడుకోవడానికి ఒక తల్లి ఎంత దూరం వెళ్తుందనేదే ఈ సినిమా కథ. మన్నంగట్టి సిన్స్ 1960: ఈ సినిమా షూటింగ్ ఇప్పటికే పూర్తయింది. ఇందులో యోగి బాబుతో పాటు పెద్ద స్టార్ కాస్ట్ ఉంది. హాయ్ (Hi): యంగ్ హీరో కవిన్‌తో కలిసి నయనతార ఈ చిత్రంలో హీరోయిన్‌గా నటిస్తున్నారు. ఈ సినిమా 2026లో విడుదలయ్యే అవకాశం ఉంది.

Image Credit : Instagram

ఎదురు చూస్తున్న అభిమానులు..

మొత్తం మీద చూస్తే, 2025 నుంచి 2027 వరకు నయనతార కెరీర్‌లో అత్యంత విజయవంతమైన సంవత్సరాలుగా నిలవనున్నాయి. విభిన్నమైన పాత్రలతో లేడీ సూపర్‌స్టార్ మరోసారి భారతీయ చిత్ర పరిశ్రమలో తన సామ్రాజ్యాన్ని విస్తరించేందుకు సిద్ధమయ్యారు. తమ అభిమాన నటిని తెరపై చూసేందుకు అభిమానులు ఎంతో ఆత్రుతగా ఎదురుచూస్తున్నారు. 41  ఏళ్ల వయసులో క్రమశిక్షణ తో.. గ్లామర్ ను ఫిట్ నెస్ ను కాపాడుకుంటూ.. కథల విషయంలో జాగ్రత్తగా అడుగులు వేస్తోంది నయన్. ఇదే ఆమె సక్సెస్ కు ప్రధాన కారణంగా చెప్పవచ్చు.