Karthika Deepam 2 Today Episode: జ్యో ప్లాన్-కార్తీక్ డౌట్-పారు అతి ప్రేమ-జ్యో చెంప పగలకొట్టిన పారు

కార్తీక దీపం 2 సీరియల్ టుడే ఎపిసోడ్ (ఏప్రిల్ 1వ తేదీ)లో పార్టీకి రావాలని దీపకు ప్రత్యేకంగా చెప్పిన జ్యో. వసంత్‍తో కలిసి గుడికి వెళ్లాలనుకున్న స్వప్న. దీపపై అతి ప్రేమ చూపించిన పారు. జ్యో చెంప చెల్లుమనిపించిన పారు. ఈ రోజు ఎపిసోడ్ లో ఏం జరిగిందంటే..  

Image Credit : Jiohotstar

కార్తీక దీపం 2 సీరియల్ లేటెస్ట్ ఎపిసోడ్

కార్తీక దీపం 2 సీరియల్ బుధవారం ఎపిసోడ్ లో ఇంటికి పిలిచి మళ్లీ ఏం చేస్తారో అంటుంది కాంచన. అలాంటిది ఏం ఉండదులే అమ్మా.. తల్లి క్షేమంగా ఇంటికి వచ్చినందుకు జ్యోత్స్న పార్టీ ఇస్తోందని తాత చెప్పాడు అంటాడు కార్తీక్. సరేలే.. పార్టీకి పిలిచారు కదా వెళ్లడం మన బాధ్యత అంటుంది కాంచన.

Image Credit : Jiohotstar

షాక్ ఇచ్చిన స్వప్న

మరోవైపు కాశీ, కావేరి మాట్లాడుకుంటూ ఉంటారు. ఇంట్లో ఆడవాళ్లు లేకపోవడం వల్ల కావచ్చు... ఆడవాళ్ల మనసు అర్థం కాని భాషలా మారిపోయింది అంటాడు కాశీ. స్వప్నతో నువ్వు నాకు కావాలి అంటున్నాను. కానీ ఎందుకు కావాలో చెప్పలేకపోతున్నాను అంటాడు కాశీ. అప్పుడే స్వప్న అక్కడకు వస్తుంది. రేపు మార్నింగ్ కాస్త త్వరగా రా గుడికి వెళ్లాలి అని చెప్తుంది కాశీతో.

ఆ మాటకు అంతా సంతోషిస్తారు. కానీ వచ్చేటప్పుడు వసంత్ ని పికప్ చేసుకొని రా అని షాక్ ఇస్తుంది స్వప్న. కోపంగా స్వప్న అని అరుస్తుంది కావేరి. మీరు ఓ సంబంధం చూశారు. తన గురించి తెలుసుకోవాలి కదా అంటుంది స్వప్న. సరే మేడం వస్తాను అని చెప్తాడు కాశీ. రోజులు బాగోలేవు. ఆడపిల్లలకు రక్షణ అవసరం. వెళ్తాను అత్తయ్య అంటాడు కాశీ.

Image Credit : Jiohotstar

కార్తీక్ డౌట్

మరోవైపు దీపకు జ్యోత్స్న ఫోన్ చేస్తుంది. స్పీకర్ ఆన్ చేసి మాట్లాడమంటాడు కార్తీక్. కాల్ లిఫ్ట్ చేసి ఈ టైంలో ఎందుకు ఫోన్ చేశావ్ అంటుంది దీప. కోపం ఇంకా తగ్గినట్లు లేదు అంటుంది జ్యోత్స్న. విషయం చెప్పు అంటుంది దీప. రేపు మా ఇంట్లో గెట్ టుగెదర్ పార్టీ ఉంది. నువ్వు తప్పకుండా రావాలి అంటుంది జ్యోత్స్న. అయినా నీ ఇంటికి నువ్వు రాకుండా ఎలా ఉంటావులే అని ఫోన్ కట్ చేస్తుంది జ్యోత్స్న. నీ ఇంటికి అనే మాట అంది అంటే జ్యోత్స్నకు ఏదో తెలిసింది. రేపు పార్టీలో ఏదో గట్టిగానే ప్లాన్ చేస్తోంది అని డౌట్ పడతాడు కార్తీక్.

Image Credit : Jiohotstar

ఇదే నీకు చివరి రాత్రి

జ్యోత్స్న దగ్గరకు వచ్చిన పారు.. రేపు పార్టీకి దీపను పిలిచావా అని అడుగుతుంది. ఇప్పుడే కాల్ చేసి ప్రత్యేకంగా ఆహ్వానించాను అంటుంది జ్యోత్స్న. పిలిచి మంచి పని చేశావు లేకపోతే నా చేతిలో అయిపోయేదానివి అని అక్కడినుంచి వెళ్లిపోతుంది పారు. అసలు ఈ గ్రానీకి ఏమైంది.. ఎందుకిలా ప్రవర్తిస్తోంది అని అనుకుంటుంది జ్యోత్స్న. ఈ రోజు హ్యాపీగా నిద్రపో దీప.. ఇదే నీకు చివరి రాత్రి అని అంటుంది.

Image Credit : Jiohotstar

నిజం బయటపడుతుంది

మరుసటి రోజు ఉదయాన్నే గ్రానీ నీతో కొంచెం మాట్లాడాలి అంటుంది జ్యోత్స్న. నాకంతా టైం లేదు దీప వాళ్లు వస్తున్నారు కదా వెల్ కమ్ చెప్పడానికి వెళ్తున్నాను అంటుంది పారు. షాక్ అవుతుంది జ్యోత్స్న. ఆ తర్వాత శివన్నారాయణతో మాట్లాడుతున్న దాసు దగ్గరికి వెళ్లి దీప వస్తుందో లేదో కాల్ చేసి కనుక్కో అంటుంది. ఎందుకు ఇంత హడావిడి చేస్తున్నావు అంటాడు శివన్నారాయణ. ఏం లేదండి అంటుంది పారు. నువ్వు చేసే ఓవర్ యాక్షన్ చూస్తుంటే నిజం బయటపడేలా ఉంది అంటాడు దాసు. నేను చూసుకుంటానులేరా అంటుంది పారు.

Image Credit : Jiohotstar

పారు ప్రవర్తన చూసి షాక్

కాసేపటికి కార్తీక్ ఫ్యామిలీ శివన్నారాయణ ఇంటికి వస్తుంది. పారు హ్యాపీగా ఎదురు వెళ్లి దీప, శౌర్యలను దగ్గరకు తీసుకుంటుంది. దీప మెడ బోసిగా ఉందని తన నెక్లెస్ వేయబోతుంది. దీప వద్దు పారిజాతం గారు అంటే.. పరాయి వాళ్లలా పారిజాతం గారు ఏంటి? నానమ్మ అని పిలువు అంటుంది పారు. అంతా షాక్ అవుతారు. నేను చూసేది మిమ్మల్నేనా అత్తయ్య గారు అంటాడు శ్రీధర్. బయట ఎంతసేపు మాట్లాడుకుంటారు. ఇంట్లోకి వెళ్దాం పదండి అంటాడు శివన్నారాయణ.

Image Credit : Jiohotstar

జ్యోత్స్న చెంప చెల్లుమనిపించిన పారు

అంతా కలిసి ఇంట్లోకి వెళ్తారు. శౌర్యను నీకు ఏం కావాలి అని అడుగుతుంది పారు. ఐస్ క్రీమ్ కావాలి. నేనే తెచ్చుకుంటాను అని శౌర్య వెళ్తుండగా జ్యోత్స్నను తగిలి కిందపడుతుంది. పారు వెంటనే శౌర్యను లేపి జ్యోత్స్నపై సీరియస్ అవుతుంది. నేను కావాలని చేయలేదు. అదే నన్ను తాకి కిందపడింది అంటుంది జ్యోత్స్న. చూసి డాష్ ఇచ్చినా, చూడకుండా డాష్ ఇచ్చినా తప్పు తప్పే అని జ్యోత్స్న చెంప చెల్లుమనిపిస్తుంది పారు. శౌర్యకు సారీ చెప్పు అంటుంది. అక్కడితో నేటి కార్తీక దీపం 2 సీరియల్ ఎపిసోడ్ ముగుస్తుంది.