పవన్ 'ఉస్తాద్ భగత్ సింగ్' లాంచ్ లో త్రివిక్రమ్ మిస్సింగ్.. తెరవెనుక విభేదాలు నిజమా, ఎవరితో అంటే?

పవర్ స్టార్ పవన్ కళ్యాణ్, హరీష్ శంకర్ కాంబినేషన్ లో కొత్త చిత్రం నేడు ప్రారంభం అయింది. 'భవదీయుడు భగత్ సింగ్ ' టైటిల్ ని 'ఉస్తాద్ భగత్ సింగ్' గా మార్చుతూ నేడు పూజా కార్యక్రమాలు నిర్వహించారు. 

పవర్ స్టార్ పవన్ కళ్యాణ్, హరీష్ శంకర్ కాంబినేషన్ లో కొత్త చిత్రం నేడు ప్రారంభం అయింది. 'భవదీయుడు భగత్ సింగ్ ' టైటిల్ ని 'ఉస్తాద్ భగత్ సింగ్' గా మార్చుతూ నేడు పూజా కార్యక్రమాలు నిర్వహించారు. గతంలో హరీష్ శంకర్ ప్రకటించిన భవదీయుడు భగత్ సింగ్ చిత్రం ఆగిపోయినట్లు అయింది. అయితే భవదీయుడు కథని.. తేరి చిత్రంలోని కొన్ని సన్నివేశాలని మిక్స్ చేసిన హరీష్ 'ఉస్తాద్ భగత్ సింగ్' స్క్రిప్ట్ రెడీ చేసినట్లు తెలుస్తోంది. 

మైత్రి మూవీస్ సంస్థ ఆఫీస్ లో నేడు గ్రాండ్ గా ఈ చిత్రం లాంచ్ అయింది. ఈ చిత్ర లాంచ్ కార్యక్రమానికి పవన్ కళ్యాణ్ కూడా హాజరయ్యారు. గోపీచంద్ మలినేని, బుచ్చిబాబు, వివి వినాయక్ లాంటి దర్శకులు అతిథులుగా హాజరయ్యారు. ఇంతమంది అతిథులుగా పవన్ మూవీ లాంచ్ చాలా గ్రాండ్ గా జరిగింది. కానీ పవన్ స్నేహితులు మాటల మాంత్రికుడు త్రివిక్రమ్ మాత్రం హాజరు కాలేదు. 

 ఇది కాస్త ఇండస్ట్రీ వర్గాల్లో హాట్ టాపిక్ గా నిలిచింది. పవన్ సినిమా ఈవెంట్ కి త్రివిక్రమ్ మిస్ కావడం ఏంటి అంటూ అంతా ఆశ్చర్యం వ్యక్తం చేస్తున్నారు. దీనిపై తెరవెనుక చాలా వాదనలు వినిపిస్తునట్లు ప్రచారం జరుగుతోంది. పవన్ సినిమాల విషయంలో త్రివిక్రమ్ ఎలా ఇన్వాల్వ్ అవుతారో ప్రత్యేకంగా చెప్పనవసరం లేదు. 

 అయితే త్రివిక్రమ్, హరీష్ శంకర్ మధ్య విభేదాలు ఉన్నట్లు టాలీవుడ్ సర్కిల్స్ లో జోరుగా ప్రచారం జరుగుతోంది. చాలా రోజుల క్రితమే హరీష్ శంకర్ భవదీయుడు భగత్ సింగ్ చిత్రాన్ని అనౌన్స్ చేశారు. కానీ ప్లానింగ్ త్రివిక్రమ్ చేతుల్లో ఉండడంతో.. పవన్ కళ్యాణ్ ఆ చిత్రాన్ని పక్కన పెట్టి మరీ భీమ్లా నాయక్ పూర్తి చేశారు. భవదీయుడు ఆలస్యానికి పరోక్షంగా త్రివిక్రమ్ కారణం అనే ప్రచారం కూడా ఉంది. 

మరో ప్రచారం ఏంటంటే.. భవదీయుడు స్ట్రైట్ మూవీగా వద్దని.. హరీష్ తో తేరి రీమేక్ చేయమని పవన్ కి సలహా ఇచ్చింది త్రివిక్రమ్ అనే రూమర్లు కూడా ఉన్నాయి. దీనితో పవన్ కళ్యాణ్ ఇన్నిరోజులు భవదీయుడు చిత్రాన్ని సెట్స్ పైకి తీసుకువెళ్ళలేదు. పవన్ కళ్యాణ్ వకీల్ సాబ్ చిత్రాన్ని ఓకె చేసినా, లేటెస్ట్ గా సుజీత్ చిత్రాన్ని అనౌన్స్ చేసినా అన్నింటి వెనుక త్రివిక్రమ్ హస్తం ఉందనే బలమైన ప్రచారం ఉంది. 

త్రివిక్రమ్ వల్ల భవదీయుడు స్క్రిప్ట్ ఎఫెక్ట్ కావడం, ఆలస్యం కావడంతో హరీష్ కాస్త ఆగ్రహంతో ఉన్నట్లు తెలుస్తోంది. అందువల్లే త్రివిక్రమ్ 'ఉస్తాద్ భగత్ సింగ్' సింగ్ లాంచ్ లో మిస్ అయినట్లు టాక్. మరి జరుగుతున్న ఈ ప్రచారం ఎంతవరకు వాస్తవమో తెలియదు. భవదీయుడు భగత్ సింగ్ ఆగిపోవడంతో అభిమానులు కూడా నిరాశలో ఉన్నారు. అయితే ఉస్తాద్ భగత్ సింగ్ కంప్లీట్ రీమేక్ మూవీ కాకుండా హరీష్ జాగ్రత్తలు తీసుకుంటున్నారట.