రెస్టారెంట్లు నడుపుతున్న టాలీవుడ్‌ స్టార్స్ ఎవరో తెలుసా? తెర వెనుక వ్యాపారం పెద్దదే!

రుచికరమైన వంటకాలు, అద్భుతమైన వాతావరణం ఉన్న ఖరీదైన రెస్టారెంట్లకు టాలీవుడ్ స్టార్స్ నిర్వహిస్తున్నారు. మరి ఎవరు ఏ వ్యాపారం చేస్తున్నారో ఇక్కడ ఓ లుక్కేద్దాం. 

తారల బిజినెస్‌లు

స్టార్ నటుల దగ్గర డబ్బు పుష్కలంగా ఉంటుంది. చాలా మంది నటులు వివిధ రకాలుగా పెట్టుబడులు పెడతారు. తెలుగు చిత్ర పరిశ్రమలోని చాలా మంది స్టార్లు హైదరాబాద్‌లో తమ సొంత రెస్టారెంట్లను నిర్వహిస్తున్నారు. 

రకుల్ ప్రీత్ సింగ్: కన్నడలో గిల్లీ సినిమాతో అరంగేట్రం చేసి, తెలుగులో పెద్ద స్టార్ అయిన రకుల్ ప్రీత్, మాధాపూర్‌లో ‘ఆరంభం’ అనే రెస్టారెంట్‌ని  నడిపిస్తుంది. 

నాగ చైతన్య: హైదరాబాద్‌లోని జూబ్లీహిల్స్‌లో ‘షోయు’ అనే రెస్టారెంట్‌ని నాగ చైతన్య నిర్వహిస్తున్నారట. చైతూ.. వ్యాపారాల్లో  కూడా తండ్రి నాగార్జున వారసత్వాన్ని కంటిన్యూ చేస్తున్నారు.

విజయ్ దేవరకొండ, ఆనంద్ దేవరకొండ: ఈ అన్నదమ్ములు కాజాగూడలో ‘గుడ్ వైబ్స్ ఓన్లీ కేఫ్’ అనే రెస్టారెంట్‌ని కలిగి ఉన్నారు. విజయ్‌ రౌడీ వేర్స్ అనే క్లాత్ బిజినెస్‌ని కూడా నడిపిస్తున్న విసయం తెలిసిందే. 

మహేష్ బాబు, నమ్రత శిరోద్కర్: ఈ జంట బంజారాహిల్స్‌లో ‘AN రెస్టారెంట్’ అనే రెస్టారెంట్‌ని నడుపుతున్నారు. వీరికి చాలా ఇతర వ్యాపారాలున్నాయి. ఏఎంబీ, ఎంబీ క్లాత్స్, రియల్‌ ఎస్టేట్‌ లాంటివి చాలా నిర్వహిస్తున్నారు.

అక్కినేని నాగార్జున: నాగార్జున జూబ్లీహిల్స్‌లో ‘N గ్రిల్ & N ఏషియన్’ అనే రెస్టారెంట్‌ని కలిగి ఉన్నారు. నాగ్‌ ఇతర వ్యాపారాలు అనేకం. 

అల్లు అర్జున్: జూబ్లీహిల్స్‌లో ‘బఫెలో వైల్డ్ వింగ్స్’ అనే ఈటరీకి అల్లు అర్జున్ యజమాని. బన్నీ మరికొన్ని వ్యాపారాలపై ఫోకస్‌ పెట్టారు. ఇప్పటికే ఏఏఏ  థియేటర్‌ని రన్‌ చేస్తున్న విషయం తెలిసిందే. 

సందీప్ కిషన్: జూబ్లీహిల్స్‌లో ‘వివాహ భోజనంబు’ అనే తెలుగు రెస్టారెంట్‌ని సందీప్ కిషన్ ప్రారంభించారు. చాలా చోట్ల ఈ బ్రాండ్‌ విభాగాలున్నాయి. 

రానా దగ్గుబాటి: జూబ్లీహిల్స్‌లో ‘సాంక్చురి బార్ & కిచెన్’ అనే ఖరీదైన రెస్టారెంట్‌కి రానా దగ్గుబాటి యజమాని. నాన్న ప్రొడక్షన్‌. స్టూడియోస్‌లో ఉండగా, రానా విభిన్నమైన వ్యాపారాలపై ఫోకస్‌ పెట్టారు.

ఇలా హీరోలు, హీరోయిన్లు తెరపై నటులుగా మెప్పిస్తూ, తెరవెనుక అదిరిపోయే ఫుడ్‌ బిజినెస్‌లతో రాణిస్తున్నారు. రెండు చేతులా సంపాదిస్తున్నారు.