బాలయ్య, తారక్, కళ్యాణ్ రామ్.. నందమూరి హీరోలు మాత్రమే క్రియేట్ చేసిన ఏకైక రికార్డు!
టాలీవుడ్ లో నందమూరి హీరోలు బ్యాక్ టు బ్యాక్ హిట్ చిత్రాలతో సందడి చేస్తున్నారు. ఇప్పటికే ఇండస్ట్రీలో హిస్టరీ క్రియేట్ చేసిన నందమూరి నటవారసులు.. తాజాగా మరోక ఏకైక రికార్డును సొంతం చేసుకున్నారు.
సినీ చరిత్రలో నందమూరి హీరోలు ప్రత్యేక ఘనతను దక్కించుకున్న విషయం తెలిసిందే. సీనియర్ ఎన్టీఆర్ ఎన్నో రికార్డులు సొంతం చేసుకోగా.. పరస్తుతం పెద్దాయన బాటలోనే నందమూరి హీరోలు దూసుకెళ్తున్నారు. ఇక నేటికీ సీనియర్ ఎన్టీఆర్ సీఎంగా పట్టాభిషేకం పొంది 40 ఏండ్లు పూర్తి కావడం విశేషం.
అయితే, సీనియర్ ఎన్టీఆర్ గతంలో ‘దాన వీర శూరకర్ణ’లో మూడు పాత్రల్లో నటించి ప్రేక్షకులను అలరించారు. మరిన్ని చిత్రాలతోనూ ఆకట్టుకున్నారు. ఇక బాలయ్య, తారక్, నందమూరి కళ్యాణ్ రామ్ కూడా వేర్వేరు చిత్రాల్లో మూడు పాత్రలు పోషించి ఏకైక ప్రపంచ రికార్డును నందమూరి హీరోలు సొంతం చేసుకోవడం గమనార్హం.
నందమూరి నటసింహం, సీనియర్ నటుడు బాలయ్య (Balakrishna) మూడు పాత్రల్లో నటించిన చిత్రం ‘అధినాయకుడు’. పరుచూరి మురళీ దర్శకత్వం వహించిన ఈ చిత్రం 2012లో ప్రేక్షకుల ముందుకు వచ్చింది. తాత, తండ్రి, మనవడిగా త్రిపాత్రినభియం చేసి ఆకట్టుకున్నారు. సినిమా కమర్షియల్ గా సక్సెస్ కాకపోయినా.. బాలయ్య నటకు మాత్రం ప్రేక్షకుల నుంచి మంచి స్పందన లభించింది. ప్రస్తుతం బాలయ్య ‘వీరసింహారెడ్డి’తో ఫ్యాన్స్ ను, సినీ ప్రేక్షకులను అలరించబోతున్నారు.
జూనియర్ ఎన్టీఆర్ (NTR) కూడా త్రిపాత్రాభినయంతో తెలుగు ఆడియెన్స్ ను అలరించారు. 2017లో బాబీ (కేఎస్ రవీంద్ర’ దర్శకత్వంలో ‘జై లవ కుశ’లో మూడు పాత్రల్లో ఎన్టీఆర్ నటించిన విషయం తెలిసిందే. జై, లవ, కుశగా వేర్వేరు బాడీ లాంగ్వేజేతో అదరగొట్టారు. ఎన్టీఆర్ పెర్పామెన్స్ కు ఫిదా అయ్యారు.
ప్రస్తుతం నందమూరి యంగ్ హీరో కళ్యాణ్ రామ్ (Kalyan Ram) కూడా తాజాగా త్రిపాత్రినభియంతో అలరించబోతున్నారు. ‘అమిగోస్’ (Amigos)లో సిద్ధార్థ్, మంజునాథ్, మైఖేల్ పాత్రల్లో తొలిసారిగా మూడు పాత్రల్లో నటించారు. ఈ చిత్రానికి రాజేంద్ర రెడ్డి దర్శకత్వం వహిస్తున్నారు. నిన్న విడుదలైన టీజర్ కూడా ఆకట్టుకుంటోంది. ఫిబ్రవరి 10న థియేటర్లలో రిలీజ్ కాబోతోంది.
ఒకే ఫ్యామిలీకి చెందిన నలుగురు హీరోలు త్రిపాత్రినభినయంతో ప్రేక్షకులను మెప్పించడం విశేషం. అయితే, మూడు పాత్రల్లో వేర్వేరు చిత్రాల్లో నటించడం ప్రపంచంలోనే రికార్డుగా భావిస్తున్నారు. ఇలాంటి రికార్డు కేవలం నందమూరి హీరోలకే సొంతం అవడంతో అభిమానులు సంతోషిస్తున్నారు. మరోవైపు ఎన్టీఆర్ బ్యానర్ లోనూ సినిమాలు రూపొందిస్తున్నారు. ప్రస్తుతం ‘ఎన్టీఆర్30’ని భారీగా తెరకెక్కిస్తున్నారు.