సూర్య `రెట్రో` vs అజిత్ `గుడ్ బ్యాడ్ అగ్లీ`.. బాక్సాఫీస్ ఫైట్‌ కాదు, పూనకం

సూర్య రెట్రో మూవీ: కార్తీక్ సుబ్బరాజు దర్శకత్వంలో సూర్య నటిస్తున్న రెట్రో సినిమా విడుదల గురించి అప్డేట్ ఆన్‌లైన్‌లో లీక్ అయింది. చూడబోతుంటే బాక్సాఫీసు వద్ద పెద్ద ఫైటే ఉండబోతుంది. 

సూర్య

నటుడు సూర్య 44వ సినిమాకి టైటిల్‌ని ప్రకటించింది యూనిట్‌. కార్తీక్‌ సుబ్బరాజు దర్శకత్వంలో రూపొందే ఈ చిత్రానికి `రెట్రో` అనే టైటిల్‌ని ఖరారు చేశారు.  ఇందులో సూర్యకు జంటగా పూజా హెగ్డే నటిస్తుంది. ఈ చిత్రానికి సంతోష్ నారాయణన్ సంగీతం అందించగా, శ్రేయాస్ ఛాయాగ్రహణం అందించారు. `రెట్రో` చిత్రాన్ని నటుడు సూర్య, జ్యోతిక కలిసి వారి 2డి కంపెనీ ద్వారా నిర్మిస్తున్నారు. ఈ చిత్రం షూటింగ్  పూర్తి చేసుకుని పోస్ట్ ప్రొడక్షన్‌ వర్క్ జరుపుకుంటుంది. 

రెట్రో మూవీ సూర్య

`రెట్రో` సినిమా టీజర్ క్రిస్మస్ పండుగ సందర్భంగా ఈరోజు విడుదలైంది. అందులో రజినీ దళపతి సినిమా స్టైల్‌లో ఒక లవ్ ప్రపోజల్ సీన్ ఉంది. నటుడు రజనీకాంత్ అభిమాని అయిన కార్తీక్ సుబ్బరాజు, దళపతి సినిమా రెఫరెన్స్‌తోనే `రెట్రో` సినిమాలోని ప్రేమ సన్నివేశాన్ని చిత్రీకరించారని చెబుతున్నారు. ఈ చిత్రంలో ప్రేమికుడిగానే కాకుండా గ్యాంగ్‌స్టర్‌గా కూడా సూర్య అదరగొట్టాడు. ఈ చిత్రం టీజర్ చూసిన అభిమానులు సినిమా ఖచ్చితంగా హిట్ అవుతుందని నమ్మకం వ్యక్తం చేస్తున్నారు.

రెట్రో విడుదల అప్డేట్

`నందా` సినిమాలో మొదటిసారి సిగరెట్ తాగడం నేర్చుకున్న సూర్య, ఆ తర్వాత తన సినిమాల్లో పెద్దగా ధూమపానం చేసే సన్నివేశాల్లో నటించలేదు. ఆ తర్వాత చాలా కాలం తర్వాత `విక్రమ్` సినిమాలో రోలెక్స్ పాత్ర కోసం సిగరెట్ తాగే సన్నివేశంలో నటించిన సూర్య, ఇప్పుడు `రెట్రో` సినిమాలో మళ్ళీ సిగరెట్ తాగే సన్నివేశాల్లో నటించాడు. ఆయా సీన్లు అదిరిపోయాయి. ఇదిలా ఉంటే ఇప్పుడు ఈ మూవీ విడుదల అప్డేట్ కూడా ఆన్‌లైన్‌లో లీక్ అయింది.

రెట్రో vs గుడ్ బ్యాడ్ అగ్లీ

టీజర్‌లోనే ఈ చిత్రాన్ని 2025 వేసవి సెలవుల్లో విడుదల చేయనున్నట్లు ప్రకటించారు. అయితే, రెట్రో సినిమాను నటుడు అజిత్ పుట్టినరోజు సందర్భంగా మే 1న విడుదల చేయాలని ప్లాన్ చేస్తున్నారట. అదే రోజు అజిత్ `గుడ్ బ్యాడ్ అగ్లీ` సినిమా కూడా విడుదల కానున్నట్లు ప్రకటించారు. దానికి పోటీగా సూర్య కూడా బరిలోకి దిగనుండడంతో బాక్సాఫీస్ వద్ద రచ్చ వేరే లెవల్‌లో ఉండబోతుంది. ఇదే నిజమైతే బాక్సాఫీస్‌కి పూనకాలు పక్కా అంటున్నారు నెటిజన్లు. మరి ఏం జరుగుతుందో చూడాలి.