Suriya 48: కేజీఎఫ్ మేకర్స్ తో సూర్య భారీ పాన్ ఇండియా చిత్రం.. డైరెక్టర్ ఎవరో తెలిస్తే షాకవ్వాల్సిందే!

'కరుప్పు' సినిమాతో బ్లాక్‌బస్టర్ హిట్ కొట్టిన సూర్య.. తన తర్వాతి సినిమాను 'కేజీఎఫ్' మేకర్స్ హోంబాలే ఫిలింస్ బ్యానర్‌పై చేయనున్నట్లు అధికారిక ప్రకటన వెలువడింది.

Image Credit : X

Suriya Next Film

ఈ ఏడాది సూర్య నటించిన 'కరుప్పు' సినిమా తమిళంలో భారీ వసూళ్లు సాధించింది. ఈ బ్లాక్‌బస్టర్ తర్వాత సూర్యకు ఆఫర్లు వెల్లువెత్తుతున్నాయి. ఈ క్రమంలోనే 'కేజీఎఫ్', 'కాంతార' వంటి హిట్ చిత్రాలను నిర్మించిన హోంబాలే ఫిలింస్, సూర్యతో సినిమాను అధికారికంగా ప్రకటించింది.

Image Credit : X

డైరెక్టర్ ఎవరు?

సూర్య 'జై భీమ్', రజినీకాంత్ 'వెట్టైయన్' చిత్రాలను డైరెక్ట్ చేసిన టీజే జ్ఞానవేల్ ఈ సినిమాకు దర్శకత్వం వహించనున్నారు. ఇందులో కయాడు లోహర్ హీరోయిన్‌గా నటిస్తుండగా, సాయ్ అభ్యంకర్ సంగీతం అందిస్తున్నారు. ఎస్.ఏ. కదిర్ సినిమాటోగ్రాఫర్, ఫిలోమిన్ రాజ్ ఎడిటర్‌గా పనిచేస్తున్నారు. వరుస ఫ్లాపుల తర్వాత 'కరుప్పు' సినిమాతో సూర్య మళ్లీ సక్సెస్ ట్రాక్ ఎక్కారు. ఆర్.జే. బాలాజీ డైరెక్ట్ చేసిన ఈ సినిమా రూ.300 కోట్ల క్లబ్‌లో చేరింది.

Image Credit : X

సూర్య చేతిలో ఉన్న సినిమాలు

హోంబాలే ఫిలింస్ ప్రాజెక్ట్‌కు ముందు సూర్య చేతిలో మరో రెండు సినిమాలున్నాయి. 'లక్కీ భాస్కర్', 'సార్' చిత్రాల దర్శకుడు వెంకీ అట్లూరితో 'విశ్వనాథ్ అండ్ సన్స్' అనే సినిమా చేస్తున్నారు. ఇందులో మమితా బైజు హీరోయిన్. రాధికా శరత్‌కుమార్ కీలక పాత్ర పోషిస్తున్నారు. దీని తర్వాత 'ఆవేశం' డైరెక్టర్ జితు మాధవన్ దర్శకత్వంలో ఓ సినిమా చేయనున్నారు. ఇందులో నజ్రియా, నస్లెన్ ముఖ్య పాత్రల్లో నటిస్తుండగా, సుషిన్ శ్యామ్ సంగీతం అందిస్తున్నారు.

Image Credit : our own

పెరుగుతున్న అంచనాలు

హోంబాలే ఫిలింస్ నుంచి చివరగా 'కాంతార: చాప్టర్ 1' వచ్చింది. ప్రశాంత్ నీల్, రక్షిత్ శెట్టి సినిమాలతో పాటు మరిన్ని ప్రాజెక్టులు వీరి నిర్మాణంలో రానున్నాయి. ఇప్పుడు ఈ లిస్ట్‌లో సూర్య సినిమా కూడా చేరింది. గతంలో సూర్య-జ్ఞానవేల్ కాంబోలో వచ్చిన 'జై భీమ్' ఓటీటీలో రిలీజై సంచలనం సృష్టించింది. అందుకే ఈ కొత్త సినిమాపై భారీ అంచనాలున్నాయి.