మహేష్ బాబు కొత్త వ్యాపారం , బిజినెస్ మెన్ టైటిల్ కు న్యాయం చేస్తున్నాడుగా..?

అటు సినిమాలు.. ఇటు బిజినెస్.. మరోవైపు సమాజసేవ.. సూపర్ స్టార్ మహేష్ బాబు తక్కువోడే కాదు. అన్నింటిని బ్యాలెన్స్ చేస్తూ.. ముందుకు సాగుతున్నాడు స్టార్ హీరో. త్వరలో మరో కొత్త బిజినెస్ ను ప్లాన్ చేస్తున్నారట. 

సూప‌ర్ స్టార్ మ‌హేశ్ బాబుకృష్ణ వారసుడిగా సినిమాల్లోకి వచ్చి..మొదట్లో కాస్త స్ట్రగుల్ లైఫ్ ను చూశాడు. ఆతరువాత స్టార్ గా.. సూపర్ స్టార్ గా మారి.. టాలీవుడ్ ను ఏలేస్తున్నాడు మహేష్ బాబు. స్టార్ అయ్యే వరకూ సినిమాలపైనే దృష్టి పెట్టిన మహేష్.. ఆతరువాత పలు బిజినెస్‌ల‌ లో కూడా చేయి వేశాడు. 

బిగ్ బాస్ తెలుగు సీజన్ 8 అప్ డేట్స్ కోసం ఇక్కడ క్లిక్ చేయండి.
 

సినిమాల ద్వారనే కాకుండా వ్యాపార పరంగా కూడా చేతినిండా సంపాదిస్తున్నారు మహేప్.  ఇప్ప‌టికే ప‌లు ర‌కాల బిజినెస్‌లు సక్సెస్ ఫుల్ గా రన్ చేస్తున్న మహేష్.. ఇక తాజాగా మరో వ్యాపారంలోకి అడగు పెట్టినట్టు తెలుస్తోంది. 

 ఫిట్‌డే అనే స్టార్ట‌ప్ కంపెనీలో మ‌హేశ్‌బాబు పెట్టుబ‌డి పెట్టారట. ఈ విష‌యాన్ని స‌ద‌రు కంపెనీ త‌మ వెబ్‌సైట్‌లో వెల్ల‌డించింది. అయితే.. ఎంత పెట్టుబ‌డి పెట్టారు అనే విష‌యాన్ని మాత్రం మహేష్ బాబు కాని.. కంపెనీ కాని వెల్లడించలేదు. ఫిట్ డే ఆరోగ్యానికి సంబంధించిన ఫుడ్‌, ప్రోటీన్ ఫుడ్‌, మిల్లెట్స్ ఫుడ్ త‌యారు చేసే కంపెని. 

ఇక ఈ కంపెనీలో సూపర్ స్టార్ మ‌హేష్ బాబు..  పెట్టుబ‌డి పెట్ట‌డంతో ఈ కంపెనీ గురించి అంతటా హాట్ టాపిక్ నడుస్తుంది. వారికి మంచి పబ్లిసిటీ కూడా అవుతుంది.

ఇక ఇవే కాదు గతంలో కూడా మహేష్ బాబు రకరాలు వ్యాపారాలు చేసిఉన్నాడు. మహేష్ బాబు ఎంటర్టైన్మెంట్స్ పేరుతో సొంతంగా ప్రొడక్షన్ హౌస్ ఏర్పాటు చేసి సినిమాల నిర్మాణం చేస్తున్నారు. 

GMB ఎంటర్‌టైన్‌మెంట్స్ పేరుతో ఓ నిర్మాణ సంస్థ ఏర్పాటు చేసి బిగ్ బడ్జెట్ సినిమాలు రూపొందిస్తున్న మహేష్.. AMB సినిమాస్ పేరుతో భారీ ఎత్తున మల్టిప్లెక్స్ థియేటర్ ఓపెన్ చేశారు. హైదరాబాద్ లో ఏర్పాటు చేసిన AMB సినిమాస్ ఇండియాలోనే బిగ్గెస్ట్ మల్టీప్లెక్సులలో ఒకటి కావడం విశేషం.
 

మహేష్ బాబు. ది హంబుల్ కో. పేరుతో వస్త్ర వ్యాపారంలో కూడా అడుగుపెట్టారు సూపర్ స్టార్. ఈ బ్రాండ్ క్లాత్స్‌కి ప్రస్తుతం మార్కెట్ లో మంచి డిమాండ్ ఉంది. ఇన్ని రకాల వ్యాపారాల్లో రాణిస్తూనే మరో బిగ్ ప్లాన్ చేసిన మహేష్.. రీసెంట్ గా రెస్టారెంట్ వ్యాపారంలోకి అడుగు పెట్టారు. తన భార్య నమ్రత సహకారంతో విభిన్నమైన వ్యాపారాలు ప్రారంభిస్తున్నారు. తాను రీల్ బిజినెస్‌మెన్ మాత్రమే కాదు రియల్ బిజినెస్‌మెన్ కూడా అని నిరూపించుకుంటున్నారు.

మహేష్ బాబు. తాను సంపాదించిన డబ్బులను పలు వ్యాపారాలకు ఉపయోగిస్తూ అందరిలో తనది డిఫరెంట్ దారి ప్రూవ్ చేసుకుంటున్నారు. ప్రస్తుతం, భవిష్యత్ లో హోటల్ రంగానికి ఉన్న డిమాండ్ దృష్టిలో పెట్టుకొని ఈ బిజినెస్ స్టార్ట్ చేశారు. తన భార్య నమ్రత పేరుతో హైదరాబాద్‌లో రెస్టారెంట్స్‌ ప్రారంభిస్తున్నారు మహేష్ బాబు.
 

టాలీవుడ్ లో అత్యధిక పారితోషికం తీసుకునే హీరోలలో ఒకరిగా ఉన్న మహేష్.. ఆస్తుల విలువ రూ. 300  కోట్లు వరకూ ఉంటుంది అని అంచనా. హైదరాబాద్ జూబ్లీహిల్స్ లో ఆయనకు విలాసవంతమైన భవనం ఉంది. ఈ ఇంటి విలువ సుమారుగా  30 కోట్లు. బెంగుళూరులో కూడా ఓ లగ్జరీ హౌస్ ఉంది మహేష్ బాబుకు.