- Home
- Entertainment
- Krishna First Remuneration: సూపర్స్టార్ కృష్ణ ఫస్ట్ రెమ్యూనరేషన్ ఎంతో తెలుసా? ఇంతనా.. అస్సలు ఊహించరు
Krishna First Remuneration: సూపర్స్టార్ కృష్ణ ఫస్ట్ రెమ్యూనరేషన్ ఎంతో తెలుసా? ఇంతనా.. అస్సలు ఊహించరు
Krishna First Remuneration: సూపర్ స్టార్ కృష్ణ `తేనె మనసులు` మూవీతో హీరోగా వెండితెరకు పరిచయం అయ్యారు. మరి ఈ మూవీకిగానూ ఆయన ఎంత పారితోషికం తీసుకున్నాడో తెలిస్తే ఆశ్చర్యపోతారు.
డేరింగ్ అండ్ డాషింగ్ హీరో కృష్ణ
సూపర్ స్టార్ కృష్ణ టాలీవుడ్లో ఒక ప్రత్యేకమైన స్థానాన్ని సొంతం చేసుకున్నారు. డేరింగ్ అండ్ డాషింగ్ హీరోగా పేరుతెచ్చుకున్నారు. ఆయన చేసినన్ని ప్రయోగాలు మరే హీరో కూడా చేయలేదు, ఇకపై కూడా చేయలేరు. ఒకే ఏడాది 18 సినిమాలు చేసిన ఘనత ఆయనదే. కలర్ సినిమాని పరిచయం చేసింది ఆయనే. ఇలా చెప్పుకుంటూ పోతే చాలానే ఉన్నాయి. అయితే కృష్ణ `తేనే మనసులు` మూవీతో వెండితెరకు పరిచయం అయిన విషయం తెలిసిందే.
కృష్ణ మొదటి సినిమా కష్టాలు
కృష్ణకి మొదట సినిమాల్లోకి రావాలనే ఆలోచన లేదు. ఏఎన్నార్ 60 సినిమాలు పూర్తి చేసుకున్న సందర్భంగా ఆయనకు అప్పట్లో ఊరూర సన్మానాలు ఏర్పాటు చేశారు. అందులో భాగంగా ఏలూరు డిగ్రీ కాలేజీకి ఒకసారి వచ్చారట. ఆ సమయంలో ఏఎన్నార్ క్రేజ్ని చూసి తాను కూడా హీరో కావాలనుకున్నాడట కృష్ణ. ఇంట్లో చెప్పగా, పేరెంట్స్ ఎంకరేజ్ చేశారు. అలా ప్రారంభంలో ప్రజానాట్యమండలి నాటకాలు ప్రదర్శించారు. ఆ తర్వాత దర్శకుడు చక్రపాణి వల్ల సినిమాల్లోకి వచ్చారు. కానీ ఆయనేమీ ఆఫర్ ఇవ్వలేదు. కృష్ణ నాన్నకి, చక్రపాణి స్నేహితుడు. ఆయన్ని వెళ్లి కలవగా ఇప్పుడు చాలా యంగ్గా ఉన్నావ్, 28 ఏళ్ల టైమ్లో వచ్చి కనిపించు అన్నాడట. ఆ తర్వాత మద్రాస్ వెళ్లి ఎన్టీఆర్ని కలిస్తే, ఆయన కూడా రెండు మూడేళ్ల తర్వాత కలువు అన్నారట.
తేనె మనసులు మూవీతో హీరోగా పరిచయం అయిన కృష్ణ
మరో తమిళ దర్శకుడు సినిమా చేస్తానని ట్రైన్ చేసి ఆపేశారు, ఇంకో దర్శకుడు సినిమాకి ఎంపిక చేసి అది తీయనేలేదు. ఇలా విసిగిపోయిన కృష్ణకి `తేనె మనసులు` రూపంలో మరో ఛాన్స్ వచ్చింది. ఇక ఆఫర్లు రావని ఇంటికెళ్లిపోతే కొత్త వాళ్లతో సినిమా చేస్తున్నామని పేపర్ లో యాడ్ వచ్చింది. అది చూసి ప్రయత్నించగా, లక్కీగా ఎంపికయ్యాడు కృష్ణ. ఆదూర్తి సుబ్బారావు సూపర్ స్టార్కి ఫస్ట్ ఆఫర్ ఇచ్చారు. అలా `తేనె మనసులు` మూవీతో హీరోగా వెండి తెరకు పరిచయం అయ్యాడు కృష్ణ.
కృష్ణ మొదటి సినిమా పారితోషికం
అప్పట్లో ఎన్టీఆర్, ఏఎన్నార్ సినిమాలు మాత్రమే వంద రోజులు ఆడేవట. కానీ మొదటిసారి ఈ ఇద్దరు హీరోలు కాకుండా కృష్ణ మూవీ వంద రోజులు ఆడింది. అదే తేనేమనసులు. మరి ఇంతగా ఆడిన ఈ మూవీకి గానూ కృష్ణకి ఎంత పారితోషికం ఇచ్చారో తెలిస్తే షాక్ అవ్వాల్సిందే. కేవలం రెండు వేలు. కృష్ణ అందుకున్న ఫస్ట్ పారితోషికం ఇదే. అప్పట్లో ఓ ఇంటర్వ్యూలో ఆయనే స్వయంగా ఈ విషయాన్ని వెల్లడించారు. ఆ తర్వాత తనకు బిగ్ బ్రేక్ ఇచ్చిన `గూఢచారి 116` మూవీకి ఐదు వేలు ఇచ్చారట. పారితోషికం లెక్కచేయకుండా సినిమాలు చేశానని తెలిపారు కృష్ణ.
కృష్ణ మల్టీ టాలెంటెడ్
1961లో స్టార్ట్ అయిన ఆయన సినిమా జర్నీ 2016 వరకు సాగుతుంది. దాదాపు ఐదున్నర దశాబ్దాల పాటు నటుడిగా రాణించారు. కృష్ణ తన కెరీర్లో 350కిపైగా సినిమాలు చేశారు. దాదాపు 16 సినిమాలకు దర్శకత్వం వహించారు. నిర్మాతగా అనేక సినిమాలు నిర్మించారు. రైటర్గా పని చేశారు. అన్ని రంగాల్లోనూ ఆయన సక్సెస్ అయ్యారు. కృష్ణ 2022లో అనారోగ్యంతో కన్నుమూశారు. ఇప్పుడు ఆయన వారసత్వాన్ని మహేష్ బాబు కొనసాగిస్తున్నారు. అలాగే ఆయన పెద్ద కొడుకు రమేష్ బాబు తనయుడు జయకృష్ణ ఇప్పుడు `శ్రీనివాస మంగాపురం` చిత్రంతో హీరోగా ఎంట్రీ ఇస్తున్నారు.
