2025 Flop Heroines: 2025లో ఫ్లాప్ సినిమాలతో పోటీ పడ్డ హీరోయిన్లు.. వాళ్ళిద్దరికీ మూడేసి డిజాస్టర్లు

2025 Flop Heroines: 2025 సంవత్సరం కొందరు హీరోయిన్లకు మంచి ఫలితాలని ఇస్తే.. మరికొందరికి నిరాశనే మిగిల్చింది. ఈ ఏడాది పరాజయాలు ఎదుర్కొన్న హీరోయిన్ల గురించి ఈ కథనంలో తెలుసుకుందాం. 

Image Credit : Instagram/Pooja Hegde, Youtube/Aditya Music

2025లో ఫ్లాపులు ఎదుర్కొన్న హీరోయిన్లు

ఈ ఏడాది కొందరు హీరోయిన్లకు పరాజయాలు తప్పలేదు. శ్రీలీల, భాగ్యశ్రీ బోర్సే, పూజా హెగ్డే, కీర్తి సురేష్ లకు ఈ ఏడాది ఫ్లాపులు ఎదురయ్యాయి. 2025లో వారికి ఎదురైన ఫ్లాప్ సినిమాలు ఏంటి అనేది ఇప్పుడు చూద్దాం.

Image Credit : youtube print shot/Sithara Entertainments

శ్రీలీల

శ్రీలీల పరాజయాల పరంపర కొనసాగుతోంది. ఈ ఏడాది శ్రీలీల నటించిన మూడు సినిమాలు డిజాస్టర్ అయ్యాయి. నితిన్ తో నటించిన రాబిన్ హుడ్ భారీ నష్టాలు మిగిల్చింది. ఆ తర్వాత వచ్చిన జూనియర్ సినిమా కూడా ఫ్లాపే. రీసెంట్ గా విడుదలైన రవితేజ మాస్ జాతర చిత్రం అట్టర్ ఫ్లాప్ చిత్రాల లిస్ట్ లో చేరిపోయింది.

Image Credit : Instagram/BhagyaShri Borse

భాగ్యశ్రీ బోర్సే

భాగ్యశ్రీకి క్రేజ్ పెరుగుతోంది కానీ సక్సెస్ దక్కడం లేదు. గతేడాది భాగ్యశ్రీకి మిస్టర్ బచ్చన్ లాంటి డిజాస్టర్ ఎదురైంది. ఈ ఏడాది ఆమె నటించిన కింగ్డమ్ చిత్రం పర్వాలేదనిపించినప్పటికీ కమర్షియల్ గా సక్సెస్ కాలేదు. ఆ తర్వాత వచ్చిన కాంత కూడా నిరాశపరిచింది. రీసెంట్ గా విడుదలైన ఆంధ్ర కింగ్ తాలూకా చిత్రానికి క్రిటిక్స్ నుంచి మంచి రివ్యూలు వచ్చాయి. కానీ ప్రేక్షకుల ఆదరణ లభించడం లేదు. బాక్సాఫీస్ వద్ద ఈ చిత్రానికి సరైన వసూళ్లు దక్కడం లేదు.

Image Credit : Instagram/Pooja Hegde

పూజా హెగ్డే

పూజా హెగ్డే బాలీవుడ్ లో దేవా అనే చిత్రంలో నటించింది. ఆ మూవీ ఆకట్టుకోలేకపోయింది. తమిళంలో సూర్యతో నటించిన రెట్రో చిత్రం కూడా డిజాస్టర్ అయింది. కూలీ చిత్రంలో ఆమె చేసిన స్పెషల్ సాంగ్ బాగా వైరల్ కావడం మాత్రమే ఈ ఏడాది పూజా హెగ్డే కి పాజిటివ్ రిజల్ట్.

Image Credit : Keerthy Suresh/ Instagram

కీర్తి సురేష్

కీర్తి సురేష్ ఈ ఏడాది ఉప్పు కప్పురంబు, రివాల్వర్ రీటా అనే చిత్రాల్లో నటించింది. ఈ రెండు చిత్రాలు నిరాశ పరిచాయి.