- Home
- Entertainment
- Sobhan Babu: నోరు తెరిస్తే డబ్బు, పరమ పీనాసోడు, పక్కా బిజినెస్ మేన్.. శోభన్ బాబుపై స్టార్ నటి షాకింగ్ కామెంట్స్
Sobhan Babu: నోరు తెరిస్తే డబ్బు, పరమ పీనాసోడు, పక్కా బిజినెస్ మేన్.. శోభన్ బాబుపై స్టార్ నటి షాకింగ్ కామెంట్స్
ఫిల్మ్ ఇండస్ట్రీలో ఒక్కొక్కరి తీరు ఒక్కొ విధంగా ఉంటుంది. ఎవరి ఇమేజ్ వారిది. అయితే అందాల నటుడు శోభన్ బాబకు గ్లామర్ హీరోగా ఎంత పేరు ఉందో.. పీనాసోడు అన్న అపవాదు కూడా ఉంది. ఈ విషయంలో ఆ కాలం స్టార్ నటి రమాప్రభ సంచలన కామెంట్స్ చేసింది.
టాలీవుడ్ అందాల నటుడు..
శోభన్ బాబుకు అందాలనటుడు, సోగ్గాడు, అంధ్రా అందగాడు లాంటి ఎన్నో బిరుదులుండేవి. అప్పట్లోనే.. ఆయన గ్లామర్ ఇమేజ్ ఎలా ఉండేదంటే.. ఓ సారి షూటింగ్ లో ఓ అమ్మాయి పరుగెత్తుకుంటూ వచ్చి ముద్దు పెట్టుకుందటే శోభన్ బాబు క్రేజ్ గురించి ఇంత కంటే ఏం చెప్పాలి. సామాన్యులే కాదు సెలబ్రిటీలు కూడా శోభన్ బాబును లైక్ చేసేవారు. హీరోయిన్లు అయితే ఆయనతో నటించడానికి పోటీ పడేవారు. ఒక్క ఛాన్స్ వస్తే చాలు అనుకునేవారు. శోభన్ బాబు కూడా హీరోయిన్లతో చాలా సరదాగా ఉండేవారు. కానీ తన హద్దులు దాటిన సందర్భాలు మాత్రం లేవు. కానీ డబ్బు విషయంలో మాత్రం శోభన్ బాబు అతి జాగ్రత్త.. ఆయనకు చాలా చెడ్డ పేరు తీసుకొచ్చింది.
డబ్బు విషయంలో శోభన్ బాబు చాలా స్ట్రిక్ట్..
శోభన్ బాబుకు నటుడిగా ఎంత మంచి ఇమేజ్ ఉందో.. డబ్బు విషయంలో అన్ని విమర్శలు కూడా ఆయనపై ఉన్నాయి. ఆయన కొన్నివిషయాల్లో చాలా స్ట్రిక్ట్ గా ఉండేవారు. రెమ్యునరేషన్ అనుకున్నంత ఇవ్వాలి, కరెక్ట్ టైమ్ కు చేతిలో పెట్టాలి, తగ్గినా లేట్ అయినా ఒప్పుకోరు. సాయంత్రం 6 గంట కొడితే షూటింగ్ పేకప్ చెప్పాల్సిందే. ఎవరికి అపాత్రదానం చేయరు. ఎవరు రూపాయి అడిగినా ఇవ్వరు. నిర్మాతలను డబ్బు విషయంలో ఇబ్బందులు పెట్టారన్న టాక్ కూడా ఉంది. దాంతో ఇండస్ట్రీలో శోభన్ బాబుకి పీనాసోడు అన్న పేరు పడిపోయింది. కానీ ఆయన కూడా కొన్ని గుప్త దానాలు చేశారని. వాటిని ఎక్కడా చెప్పుకోలేదని కృష్ణం రాజు లాంటి హీరోలు పలు సందర్భాల్లో వెల్లడించారు.
శోభన్ బాబు గురించి రమాప్రభ ఏమన్నారంటే?
ఆకాలం నటీనటులకు.. ఇప్పటి జనరేషన్ తారలకు వారధిగా ఉన్న అతి తక్కువ మందిలో రమాప్రభ ఒకరు. ఆమె అప్పుడప్పుడు ఇంటర్వ్యూలు ఇస్తూ.. అప్పటి విశేషాలను షేర్ చేసుకుంటుంటారు. చాలా కాలం క్రితం రమాప్రభ ఇచ్చిన ఇంటర్వ్యూలో శోభన్ బాబు గురించి చెప్పమని అడిగితే.. సింపుల్ గా నాలుగు మాటల్లో తేల్చేశారు.
రమాప్రభ మాట్లాడుతూ..
రమాప్రభ మాట్లాడుతూ..'' ఎక్కువగా చెప్పాల్సిన అవసరం లేదు.. ఆయన చాలా పీనాసోడు, బిజినెస్ మైండ్, నోరు తెరిస్తే డబ్బు తప్పించి ఆయన నోటి నుంచి ఇంకో మాట రాదు, ఎవరికి రూపాయి ఇవ్వడు, తన తిండే తాను తినడు, తన బట్టలు తాను కట్టడు. ఇంతకంటే ఏం చెప్పాలి. ఇవి చాలు ఆయన ఎలాంటి వాడో మీరే అర్ధం చేసుకోండి''. అని అన్నారు. ఓ చిన్న ట్రైలర్ తో ఆయన గురించి నాలుగు మాట్లలో చెప్పేశారు రమాప్రభ.
క్లారిటీ ఇచ్చిన శోభన్ బాబు..
ఇండస్ట్రీలో అందరు తనను పీనాసి అనడంపై శోభన్ బాబు ఓసందర్భంలో క్లారిటీ ఇచ్చారు. ఓ ఇంటర్వ్వూలో మాట్లాడుతూ.. '' అందరు నన్ను పిసినారి అంటున్నారు. మహానుభావుడు ఎన్టీఆర్ ఓ మాట అంటుండేవారు. నా అభిమానులందరికి తలా ఒక్క రూపాయి ఇచ్చుకుంటూ వెళ్తే.. ఆతరువాత ఆ రూపాయి నేను అందరిని అడుక్కోవలసి వస్తుంది.. అని అనేవారు. అందుకే నేను అపాత్రదానం చేయను. అర్ధం లేని చోట ఎక్కువ ఖర్చు పెట్టడం అనవసం.
అవసరం ఉన్న చోట మాత్రమే నేను ఖర్చు చేస్తాను. అది నా కుటుంబాన్ని దృష్టిలో పెట్టుకుని మాత్రమే కాదు. నన్ను నమ్ముకున్న 60 కుటుంబాలను దృష్టిలో పెట్టుకుని నేను జాగ్రత్తగా ఉంటాను. ఆ 60 కుటుంబాలకు నేను ఎంత చేశాను, ఏం చేశాను, ఎంత మంది నావల్ల చదవుకుంటున్నారు, మంచి పోజిషన్ లో ఉన్నారు అనేది నేను ఎప్పుడు ఎక్కడా చెప్పలేదు. దానం చేసి చెప్పుకోవలసిన అవసరం కూడా లేదు. ఎవరు ఎన్ని అన్నా.. నేను ఏం చేశాను అన్నది నాకు తెలుసు'' అని శోభన్ బాబు క్లారిటీ ఇచ్చారు.
శోభన్ బాబు 10000 కోట్ల ఆస్తులు..?
శోభన్ బాబు డబ్బును వృధా చేసేవారు కాదు. ఆయన సంపాధించిన సొమ్మ అంతా బిజినెస్ లో పెట్టారు. ప్రతీ పైసా ఆయన భూమిపై పెట్టారు. చెన్నైలో సగం భూములు శోభన్ బాబు కోనేశారని అంటుంటారు. ఇప్పుడు ఆయన ఆస్తుల విలువ దాదాపు 10 వేల కోట్లు ఉంటుందని అంచన. శోభన్ బాబు హీరోగా ఎంత స్టార్ డమ్ చూసినా.. తన ఫ్యామిలీని మాత్రం ఇండస్ట్రీలోకి రానివ్వలేదు . తన దగ్గర పనిచేసేవారిని చాలా బాగా చూసుకునే వారు శోభన్ బాబు. ఇంట్లో పనిచేసేవారి కుటుంబాలకు కావల్సిన ఆర్ధిక అవసరాలు శోభన్ బాబు దగ్గరుండి చూసుకునేవారు. వారి పిల్లలను కూడా ఆయన చదివించేవారు. శోభన్ బాబు చేసిన గుప్తదానాల గురించి హీరో కృష్ణం రాజు ఓ సందర్భంలో ఎంతో గొప్పగా చెప్పారు.
