- Home
- Entertainment
- Sharwanand: 23 ఏళ్ల కుర్రాడి టాలెంట్కి శర్వానంద్ ఫిదా.. టాలీవుడ్పై ఇంట్రెస్టింగ్ కామెంట్
Sharwanand: 23 ఏళ్ల కుర్రాడి టాలెంట్కి శర్వానంద్ ఫిదా.. టాలీవుడ్పై ఇంట్రెస్టింగ్ కామెంట్
శర్వానంద్ త్వరలో `బైకర్` మూవీతో రాబోతున్నాడు. ఈ క్రమంలో ఆయన ఒక తమిళ డబ్బింగ్ చిత్రాన్ని ఎంకరేజ్ చేశాడు. అంతేకాదు ఈ మూవీని తీసిన 23ఏళ్ల కుర్రాడికి ఫిదా అయ్యాడు.
23ఏళ్ల కుర్రాడి శర్వానంద్ ఫిదా
యంగ్ హీరో శర్వానంద్ ఇప్పుడు `బైకర్` మూవీతో రాబోతున్నాడు. ఇది వచ్చే వారం రిలీజ్ కాబోతుంది. అయితే ఇటీవల ఆయన ఎమోషనల్ కామెంట్స్ చేశారు. తాను ఇండస్ట్రీలోకి ఇరవై ఏళ్లు దాటిందని, ఇంకా హీరోగా రాణిస్తున్నానని తెలిపారు. తనపై చాలా మంది విమర్శలు చేశారని, అవమానించారని, కానీ తాను ఇంకా ఇండస్ట్రీలో ఉన్నానని, సినిమాలు చేస్తున్నానని, ఇదే వారికి తాను ఇచ్చే సమాధానం అని తెలిపారు. ఇక ఇప్పుడు టాలీవుడ్పై ఆసక్తికర కామెంట్స్ చేశారు. అలాగే 23ఏళ్ల కుర్రాడు శర్వానంద్ని ఇంప్రెస్ చేశాడు. అతని టాలెంట్కి శర్వా ఫిదా అయ్యాడు. ఆ కథేంటంటే?
`యూత్` సినిమాకి శర్వానంద్ సపోర్ట్
తమిళ కుర్ర హీరో కెన్ కరునాస్ దర్శకుడిగా, హీరోగా నటిస్తూ `యూత్` అనే చిత్రాన్ని రూపొందించాడు. అనిష్మ అనిల్ కుమార్, దేవ దర్శిని చేతన్, సూరజ్ వెంజరముడు, ప్రియాన్షి యాదవ్, మీనాక్షి దినేష్ ప్రధాన పాత్రలో` యూత్` అనే చిత్రం రూపొందింది. గత వారం తమిళంలో విడుదలైన ఈ చిత్రానికి మంచి స్పందన లభించింది. ఇప్పుడు ఈ శుక్రవారం తెలుగులో రిలీజ్ అయ్యింది. ఇక్కడ కూడా మంచి రెస్పాన్స్ వస్తోంది. ఈ క్రమంలో శనివారం సక్సెస్ మీట్ని ఏర్పాటు చేశారు. దీనికి శర్వానంద్ గెస్ట్ గా వచ్చాడు. చిత్ర బృందాన్ని అభినందించాడు.
తెలుగు ఇండస్ట్రీ చాలా గొప్పది
ఈ సందర్భంగా శర్వానంద్ మాట్లాడుతూ, `నేను చెన్నై వెళ్లినప్పుడు అక్కడ `యూత్` మూవీ సూపర్ హిట్ అని తెలిసింది. తెలుగులో కూడా ఈ మూవీ హౌస్ ఫుల్స్ అవుతున్నాయి. ప్రపంచంలో తెలుగు ఇండస్ట్రీ లాంటి గొప్ప ఇండస్ట్రీ, మనలాంటి గొప్ప ప్రేక్షకులు ఎక్కడా ఉండరు. మనం అన్ని భాషల మూవీస్ చూస్తాం, ఆదరిస్తాం. ఇతర భాషల హీరోలను తెచ్చుకుని ఇక్కడ మూవీస్ నిర్మిస్తున్నాం. మన ఇండస్ట్రీకి, ప్రేక్షకులకు హ్యాట్సాఫ్. ఈ సినిమాను ఒక 23 ఏళ్ల అబ్బాయి డైరెక్ట్(కెన్ కరునాస్) చేసి హీరోగా నటించి హిట్ కొట్టాడంటే నమ్మలేకపోయాను. వాళ్లలో హానెస్టీ కనిపిస్తోంది. ఇంత చిన్న వయసులో ఇలాంటి మంచి మూవీ ఎలా చేశారో మీ దగ్గర నుంచే తెలుసుకుంటాను. నేను తమిళ మూవీస్ చేసినప్పుడు కూడా అక్కడ థియేటర్స్ లో ఇలాగే ఆడియెన్స్ ఎంజాయ్ చేయడం చూశాను. ఇలాంటి మంచి మూవీస్ రావాలి, టీమ్ అందరికి అభినందనలు` అని తెలిపారు.
యూత్ మూవీకి వస్తోన్న స్పందనపై డైరెక్టర్ రియాక్షన్
హీరో, డైరెక్టర్ కెన్ కరునాస్ మాట్లాడుతూ, `శర్వానంద్ `బైకర్` మూవీ ట్రైలర్ బాగుంది. ఆ మూవీని ఇక్కడికి వచ్చి చూస్తాను. సందీప్, వినీత్ మా మూవీ కంటెంట్ ను నమ్మి తెలుగులో రిలీజ్ చేశారు. తెలుగు ఆడియెన్స్ కంటెంట్ ముఖ్యమని మరోసారి ప్రూవ్ చేశారు. మాలాంటి కొత్త వాళ్ల సినిమాను కూడా థియేటర్స్ లో ఎంజాయ్ చేస్తున్నారు. మా మూవీ మా దగ్గర సక్సెస్ కావడం సంతోషం, కానీ మరో రాష్ట్రంలో ప్రేక్షకుల్ని ఎంటర్ టైన్ చేసి సక్సెస్ కావడం ఇంకా సంతోషంగా ఉంది. ప్రేక్షకుల నుంచి వచ్చే ప్రశంసలే మాకు ఎంతో ఉత్సాహాన్ని ఇస్తాయి. నేను ఈ సినిమాలో ప్రభాస్ గారి అభిమానిగా నటించాను. ప్రభాస్ అభిమానులు అంతా మా మూవీని సపోర్ట్ చేస్తున్నారు. మీరు మీ ఫ్రెండ్స్, గర్ల్ ఫ్రెండ్ తోనే కాదు ఫ్యామిలీతో కూడా మా మూవీని చూడండి` అని తెలిపారు. ఈ కార్యక్రమంలో నటుడు చిన్నా, ఎగ్జిక్యూటివ్ ప్రొడ్యూసర్ సతీష్, ప్రొడ్యూసర్ సందీప్, వినీత్, హీరోయిన్ మీనాక్షి, ప్రియాన్షి, దర్శకుడు వశిష్ట, నిర్మాత ధీరజ్ మొగిలినేని వంటి వారు పాల్గొన్నారు.
