Prabhas vs Salman Khan: ఈద్ బరిలో సల్మాన్ ఖాన్, ప్రభాస్?.. 2027లో బాక్సాఫీస్ బద్దలే

Prabhas vs Salman Khan: 2027 ఈద్ పండక్కి బాక్సాఫీస్ వద్ద అతిపెద్ద క్లాష్ జరిగేలా కనిపిస్తోంది. సల్మాన్ ఖాన్, ప్రభాస్ తమ భారీ బడ్జెట్ సినిమాలతో ముఖాముఖి తలపడొచ్చు. ఈ వైరల్ వార్తతో అభిమానుల్లో ఇప్పటినుంచే విపరీతమైన ఉత్కంఠ మొదలైంది.

Image Credit : X

ఈద్ 2027పై సల్మాన్ ఖాన్ భారీ ప్లాన్

సల్మాన్ ఖాన్ ప్రతీ ఈద్ పండక్కి తన సినిమాలను రిలీజ్ చేస్తుంటారు. ఈ మధ్య కొన్ని సంవత్సరాలుగా గ్యాప్ వచ్చినా, చాలాకాలంగా ఇదే ట్రెండ్ నడుస్తోంది. ఇప్పుడు 2027లో మరోసారి తన అభిమానులకు 'ఈదీ' (పండగ కానుక) ఇచ్చేందుకు రెడీ అవుతున్నారు.

Image Credit : X

ఈద్ 2027 బరిలో సల్మాన్ సినిమా ఇదే

సల్మాన్ ఖాన్ తన తర్వాతి సినిమాను ప్రముఖ తెలుగు దర్శకుడు వంశీ పైడిపల్లితో చేస్తున్నారు. ఈ సినిమాను సౌత్ ఇండియా స్టార్ ప్రొడ్యూసర్ దిల్ రాజు నిర్మిస్తున్నారు. ఈ హై-స్కేల్ యాక్షన్ ఎంటర్‌టైనర్ షూటింగ్ ఏప్రిల్ 14 నుంచి మొదలయ్యే అవకాశం ఉందని సమాచారం. మేకర్స్ ఈ సినిమాను 2027 ఈద్‌కు రిలీజ్ చేయాలని ప్లాన్ చేస్తున్నట్లు తెలుస్తోంది. 

Image Credit : X

ముంబై గోరేగావ్‌లో సల్మాన్ సినిమా కోసం భారీ సెట్

సల్మాన్ ఖాన్-వంశీ పైడిపల్లి సినిమా కోసం ముంబైలోని గోరేగావ్‌లో ఒక పెద్ద మినీ-సిటీ సెట్‌ను నిర్మిస్తున్నారు. ఇక్కడే చాలా భారీ యాక్షన్ సీక్వెన్స్‌లను షూట్ చేస్తారట. ఈ సినిమాను భారీ బడ్జెట్‌తో, గ్రాండ్‌గా తీస్తున్నారు.

Image Credit : X

బాక్సాఫీస్ వద్ద సల్మాన్‌ను ఢీకొట్టనున్న ప్రభాస్

ప్రభాస్ మెగా బడ్జెట్ సినిమా 'స్పిరిట్' రిలీజ్ డేట్‌ను మార్చి 5, 2027గా ఇప్పటికే ఫిక్స్ చేశారు. కానీ, సందీప్ రెడ్డి వంగా డైరెక్షన్‌లో వస్తున్న ఈ సినిమాను వాయిదా వేసి, 2027 ఈద్‌కు రిలీజ్ చేయొచ్చని టాక్ వినిపిస్తోంది. ఈ చిత్రంలో తృప్తి డిమ్రి కూడా కీలక పాత్ర పోషిస్తోంది. ఒకవేళ 'స్పిరిట్' రిలీజ్ డేట్ మారి, సల్మాన్-వంశీ పైడిపల్లి సినిమాతో ఈద్‌కు రిలీజ్ అయితే, అది ఈ మధ్య కాలంలో అతిపెద్ద బాక్సాఫీస్ ఫైట్ అవుతుంది. 

Image Credit : X

2027లో బ్లాక్‌బస్టర్ ఫైట్ ఖాయమా?

సల్మాన్ ఖాన్, ప్రభాస్ ఇద్దరూ  ఇండియాలోనే బిగ్గెస్ట్ సూపర్‌ స్టార్స్.  ఇద్దరు హీరోలు, రెండు మెగా ప్రాజెక్టులు.. ఈ లెక్కన 2027 ఈద్‌కి బాక్సాఫీస్ వద్ద హిస్టారికల్‌ ఫైట్‌ ఖాయమని అంటున్నారు. ఒకవేళ రెండూ పోటీ పడితే ఈ రెండు సినిమాల్లో ఏది పైచేయి సాధిస్తుందో చూడాలి. కానీ పోటీ పడేందుకు మేకర్స్ ఆసక్తి చూపకపోవచ్చని టాక్‌.  ఎందుకంటే దిల్‌ రాజు తెలుగు నిర్మాత. ఆయన అంతటి సాహసం చేయకపోవచ్చు.