- Home
- Entertainment
- దర్శకుడి జీవితంలో విషాదం, భార్య కోరిక తీర్చలేక.. అదే వెంకటేష్ కి కామెడీ బ్లాక్ బస్టర్ అయింది
దర్శకుడి జీవితంలో విషాదం, భార్య కోరిక తీర్చలేక.. అదే వెంకటేష్ కి కామెడీ బ్లాక్ బస్టర్ అయింది
Victory Venkatesh: వెంకటేష్ నటించిన ఓ కామెడీ బ్లాక్ బస్టర్ మూవీ వెనుక నిజమైన విషాద సంఘటన ఉంది. దర్శకుడి జీవితంలో ఆ విషాదం జరిగింది. ఆ వివరాలు ఈ కథనంలో తెలుసుకోండి.
విక్టరీ వెంకటేష్
విక్టరీ వెంకటేష్ తన కెరీర్ లో మాస్ సినిమాలు కూడా చేశారు. అయితే మాస్ సినిమాల కంటే వెంకీ ఎక్కువగా వినోదాత్మక కుటుంబ కథా చిత్రాలకే ప్రాధాన్యం ఇచ్చారు. వెంకటేష్ కి ఫ్యామిలీ ఆడియన్స్ లో తిరుగులేని క్రేజ్ ఉంది. ఇంట్లో ఇల్లాలు వంటింట్లో ప్రియురాలు లాంటి సినిమాలు ఇప్పటికీ టీవీల్లో ఆడియన్స్ ని అలరిస్తూనే ఉన్నాయి.
ఇంట్లో ఇల్లాలు వంటింట్లో ప్రియురాలు మూవీ
ఇంట్లో ఇల్లాలు వంటింట్లో ప్రియురాలు సినిమా వినోదాత్మకంగా సాగే కథ. ఇద్దరు భార్యలతో సతమతమయ్యే భర్త కథతో ఈ చిత్రాన్ని రూపొందించారు. ఈ మూవీలో వెంకటేష్ కామెడీ టైమింగ్, సౌందర్య నటన అద్భుతంగా ఉంటాయి. కోట శ్రీనివాసరావు కూడా ఈ చిత్ర విజయంలో కీలక పాత్ర పోషించారు. అయితే ఇంతటి వినోదాత్మక చిత్రం వెనుక నిజమైన విషాదకర సంఘటన ఉంది.
భాగ్యరాజ్ మొదటి భార్య
ఈ కథ నిజంగా తమిళ దర్శకుడు భాగ్యరాజ్ జీవితంలో జరిగింది. ఆయన జీవితంలో జరిగిన సంఘటనలకు కాస్త మార్పులు జోడించి ఈ కథని రెడీ చేశారు. భాగ్యరాజ్ మొదటి భార్యకు సంతానం లేదు. పిల్లలు లేకుండానే ఆమె అనారోగ్యంతో పిన్న వయసులోనే మరణించారు. వీరిద్దరిదీ ప్రేమ వివాహం. భాగ్యరాజ్ ఆర్థిక సమస్యల్లో ఉన్నప్పుడు ఆయన మొదటి భార్యే అండగా నిలబడ్డారట.
భాగ్యరాజ్ ఎంతో కుమిలిపోయారు
అలాంటి భార్య సంతానం లేకుండా బాధపడుతోంది అని భాగ్యరాజ్ ఎంతో కుమిలిపోయారు. ఆమె ఎక్కువ కలం బతకరు అని తెలుసుకుని ఎలాగైనా ఆమెకి సంతానం కోరిక తీర్చాలని అనుకున్నారు. నేపాల్ లో ఓ ఆచారం గురించి తెలుసుకున్నారు. నేపాల్ లో అమ్మాయిని పెళ్లి చేసుకుంటే బిడ్డని కని ఇచ్చేస్తారు. అలా నేపాల్ నుంచి తన మొదటి భార్యకి బిడ్డని తీసుకురావాలని భాగ్యరాజ్ అనుకున్నారు.
నేపాల్ వెళ్లి అక్కడ అమ్మాయిని పెళ్లి చేసుకుంటే..
కానీ చివరికి తన నిర్ణయాన్ని భాగ్యరాజ్ మార్చుకున్నారు. ఎవరో బిడ్డని తీసుకుని వచ్చి తన బిడ్డ అని చెప్పడం భాగ్యరాజ్ కి ఇష్టం లేదు. భాగ్యరాజ్ జీవితంలో జరిగిన ఈ సంఘటనలని రచయిత చిన్ని కృష్ణ తెలుసుకున్నారట. చిన్ని కృష్ణ అప్పట్లో భాగ్యరాజ్ వద్ద పనిచేసేవారు. భాగ్యరాజ్ కథనే సినిమా కథగా రాశారు. ఆ కథతో తమిళంలో తైకులమే తైకులమే అనే సినిమా చేశారు. ఈ చిత్రాన్ని తెలుగులో ఇంట్లో ఇల్లాలు వంటింట్లో ప్రియురాలుగా రీమేక్ చేశారు. నిజంగా హీరో నేపాల్ వెళ్లి అక్కడ అమ్మాయిని పెళ్లి చేసుకుంటే, పిల్లాడిని కంటే ఆ తర్వాత మొదటి భార్యతో సమస్యలు ఎలా ఉంటాయి అనే యాంగిల్ లో కథని మార్చారు. అది కాస్త బ్లాక్ బస్టర్ హిట్ అయింది.
