Guppedantha Manasu: శైలేంద్ర నిజ స్వరూపం తెలుసుకున్న జగతి.. రిషి డెసిషన్ విని షాకైన భూషణ్ ఫ్యామిలీ!

Guppedantha Manasu: స్టార్ మాలో ప్రసారమవుతున్న గుప్పెడంత మనసు సీరియల్ మంచి కథ కథనాలతో టాప్ సీరియల్స్ సరసన స్థానాన్ని సంపాదించుకుంటుంది. తమ్ముడు దగ్గర నుంచి అధికారాన్ని లాక్కోవడం కోసం కుట్రలు పన్నుతున్న ఒక అన్న కథ ఈ సీరియల్. ఇక ఈరోజు మే 3 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో ఈ సీట్లో మీరే కూర్చోవాలి ఎప్పుడూ ఈ సీట్లో ఇంకెవరిని కూర్చోబెట్టకండి. ఇది నా స్వార్థం అనుకోండి, మరేదైనా అనుకోండి అంటుంది వసు. అన్నయ్యని కూర్చోబెట్టినందుకు బాధపడుతున్నావా అయినా మనం అందరం ఒకటే అని చెప్పాను కదా అంటాడు రిషి. అలా అని కాదు ఈ సీట్లో కూర్చునే అర్హత మీ ఒక్కరికే ఉంది.

మీరు నా మాటకి కట్టుబడాలి లేకపోతే ఈ పొగరు హర్ట్ అవుతుంది అంటుంది వసు. ఈ మాత్రానికే ఇలా అయిపోతే, రేపు జరగరానిది ఏమైనా జరిగితే ఎలా తట్టుకుంటావు, దేనికైనా తట్టుకొని నిలబడగలగాలి అంటాడు రిషి. మూతి ముడుచుకున్న వసు దగ్గరికి వెళ్లి నువ్వు చెప్పినట్లే వింటానులే ఈ బ్రేస్లెట్ తో కట్టి పడేసావ్ కదా అని నవ్వుతూ చెప్తాడు రిషి. తరువాత శైలేంద్ర గురించి ఆలోచిస్తూ అతను కావాలనే క్యాబిన్ గురించి మాట్లాడాడు అంటూ భర్తకి చెప్తుంది జగతి.

తను క్యాజువల్ గానే మాట్లాడి ఉంటాడు, శైలేంద్ర సంగతి నాకు తెలుసు. తను మా వదిన గారి లాగా కాదు అన్నయ్య లాగా చాలా మంచివాడు అంటాడు మహేంద్ర. మరేమీ మాట్లాడలేక పోతుంది జగతి. ధరణికి సాయం చేసి వస్తానంటూ ఆమె దగ్గరికి బయలుదేరుతుంది. మరోవైపు పని చేసుకుంటున్న ధరణి దగ్గరికి వచ్చి ఎప్పుడూ పని చేసుకుంటూ ఉంటే లైఫ్ బోర్ కొడుతుంది మేడం కాస్త రెస్ట్ తీసుకోవటమో, టీవీ చూడడమో చేయండి.

లైఫ్ ని కాస్త ఎంజాయ్ చేయండి అంటుంది వసు. అలా అంటున్నప్పుడు రిషి అక్కడే ఉంటాడు. శైలేంద్ర వచ్చి నేను కూడా అదే చెప్తున్నాను కానీ తనే వినటం లేదు. లైఫ్ ని ఎలా ఎంజాయ్ చేయాలో నా భార్యకి కాస్త నేర్పించు కావాలంటే ఫీజు చెల్లించుకుంటాను అంటాడు. అవును వసు పర్ఫెక్ట్ గురు తనే నాకు కూడా ఎక్కడ తగ్గాలో ఎక్కడ నెగ్గాలో నేర్పించింది.

జీవితంలో కాలేజ్ మాత్రమే కాకుండా ప్రపంచం గురించి కూడా తెలుసుకోమంది. నాకు తెలిసి వదినకి వసుయే మంచి గురువు అంటాడు రిషి. అయితే నేను కూడా తన దగ్గర చాలా నేర్చుకోవాలన్నమాట, నేర్పిస్తావా అని అడుగుతాడు శైలేంద్ర. ఏమి మాట్లాడకుండా అక్కడి నుంచి వెళ్ళిపోతుంది వసు. నాకు అన్నీ నేర్పించడానికి మీ అన్నయ్య ఉన్నారు, అన్ని తను చూసుకుంటారు. నువ్వు వసు కి తోడుగా వెళ్ళు అని ధరణి అనటంతో రిషి కూడా అక్కడ నుంచి వెళ్ళిపోతాడు. అప్పుడు శైలేంద్ర ధరణి దగ్గరగా వెళ్లి మన ఇద్దరి మధ్య దూరం ఇప్పుడు మన మధ్యనే ఉండాలి. 

కాదు అని బయట పెడితే నీకే నష్టం అని భార్యని బెదిరించి అక్కడ నుంచి వెళ్ళిపోతాడు శైలేంద్ర. ఈ మాటలన్నీ జగతి వింటుంది కానీ ధరణికి తెలిస్తే బాధపడుతుందని కామ్ గా అక్కడి నుంచి వెళ్ళిపోతుంది. మరోవైపు వసు ఇంకా తనకి గుడ్ నైట్ చెప్పలేదని  నా గుడ్ నైట్ ఏది అని మెసేజ్ పెడతాడు రిషి. గుడ్ నైట్ కాదు యాంగ్రీ నైట్ అని రిప్లై ఇస్తుంది వసు. ఎందుకు అంటాడు రిషి. మీరే కనుక్కోండి అంటుంది వసు. అతనికి ఎంతకీ సమాధానం దొరకకపోవడంతో గోలీలతో సారీ రాసి దాన్ని ఫోటో తీసి వసుకి పంపిస్తాడు రిషి. కారణం ఏదైనా సమాధాన పరచవలసిన బాధ్యత నాది అని మెసేజ్ పెడతాడు. అది చూసి నవ్వుకుంటుంది వసు.

అసలు నాకు కోపం ఎందుకు వచ్చిందో తెలుసా, అన్ని విషయాలు మీరు నాకు నేర్పించి తిరిగి నేను మీకు నేర్పించానని ఎందుకు చెప్పారు అంటూ బుంగమూతి పెడుతుంది. ఇంత చిన్న విషయానికి కోపమా అంటూ నవ్వుతాడు రిషి. ఆ నవ్వుకి ఫ్లాట్ అయిపోయి తను కూడా నవ్వుతుంది వసు. ఆ తర్వాత మీటింగ్ లో మెడికల్ కాలేజీ గురించి మాట్లాడుకుంటూ ఉంటారు బోర్డు మెంబర్స్. బడ్జెట్ గురించి ఒక్కొక్కరు ఒక్కొక్క విధంగా మాట్లాడుతారు. మనీ మేటర్ కాబట్టి ఎవరైనా ఒక్కరే హ్యాండిల్ చేయండి అంటాడు శైలేంద్ర. మేము ఇద్దరం హ్యాండిల్ చేసినా ఒక్కరు హ్యాండిల్  చేసినట్లే ఎందుకంటే మా ఇద్దరి అభిప్రాయాలు ఒకటే అంటుంది వసు. 

ఇంతలో మినిస్టర్ గారు ఫోన్ చేయడంతో నేను ఫ్రీ మెడికల్ ఎడ్యుకేషన్ ఇవ్వాలనుకుంటున్నాను అంటాడు రిషి. అక్కడ ఉన్న వాళ్ళందరూ ఒక్కసారిగా షాక్ అవుతారు. అదెలా సాధ్యం అంటాడు మినిస్టర్. అదంతా మీ దగ్గరికి వసు వచ్చి ఎక్స్ప్లెయిన్ చేస్తుంది అనటంతో ఫోన్ పెట్టేస్తాడు మినిస్టర్. ఫ్రీ మెడికల్ ఎడ్యుకేషన్ అంటే చాలా ఖర్చుతో కూడుకున్నది, ఇట్స్ ఇంపాజిబుల్ అంటారు మహేంద్ర, ఫణీంద్ర. అప్పుడు తన ప్లాన్ అంతా వివరిస్తాడు రిషి. తర్వాత ఏం జరిగిందో రేపటి ఎపిసోడ్ లో చూద్దాం.