Folk Song : కేవలం 25 రోజుల్లోనే 25 లక్షల వ్యూస్.. యూట్యూబ్ లో టాప్ లేపుతున్న మాస్ మసాలా ఫోక్ సాంగ్

DJ Pilla Folk Songs : 'సొమ్మసిల్లి పోతున్నవే ఓ చిన్న రాములమ్మ', 'రాను బొంబైకి రాను' వంటి హిట్ ఫోక్స్ తో యూట్యూబ్ ను షేక్ చేశాడు రాము రాథోడ్. ఇప్పుడు డిజె పిల్ల అంటూ దుమ్ము రేపుతున్నాడు.

Image Credit : Screenshot to Whistle Studios and Rathod Tunes

ట్రెండింగ్ ఫోక్ సాంగ్...

Trending Folk Song : ప్రస్తుతం సినిమా పాటలకంటే జానపద పాటలకే క్రేజ్ ఎక్కువగా ఉంది. యూట్యూబ్ లో కోట్లల్లో వ్యూస్, లక్షల్లో లైక్స్, వేలల్లో కామెంట్స్ వచ్చిన ఫోక్ సాంగ్స్ అనేకం ఉన్నాయి. తమ జీవితానికి దగ్గరగా ఉండే జానపద పాటలకు తెలుగు ప్రజలు పట్టం కడుతున్నారని స్పష్టంగా అర్థమవుతోంది. ఇలా 'సొమ్మసిల్లి పోతున్నవే ఓ చిన్న రాములమ్మ', 'రాను బొంబైకి రాను' వంటి పాటలో ప్రజల్లోకి బలంగా వెళ్లి యూట్యూబ్ ని షేక్ చేశాయి. ఆసక్తికరమైన విషయం ఏంటంటే ఈ రెండు హిట్ పోక్స్ ఒక్కరు రూపొందించినవే.

తన జానపద పాటలు, అదిరిపోయే డ్యాన్స్ స్టెప్పులతో ప్రత్యేక గుర్తింపు తెచ్చుకున్నాడు రాము రాథోడ్. ఓ సాధారణ బంజారా బిడ్డను బిగ్ బాస్ వంటి ప్రతిష్ఠాత్మక రియాలిటీ షో కు తీసుకెళ్లింది ఈ జానపద పాటలే. ''రాను బొంబైకి రాను'' హిట్ సాంగ్ తర్వాత రాము రాథోడ్ నుండి మరో అద్భుతమైన డిజె పిల్ల సాంగ్ వచ్చింది. ఇటీవలే యూట్యూబ్ లో విడుదలైన ఈ సాంగ్ కూడా అభిమానులను ఆకట్టుకుంటోంది... రోజుకు లక్షకు పైగా వ్యూస్ తో దూసుకుపోతోంది.

Image Credit : Screenshot to Whistle Studios and Rathod Tunes

అదరగొడుతున్న డిజె పిల్ల సాంగ్..

కళ్ళాకు రేబాన్ యెట్టూకూనీ...

కాళ్లాకూ రిబ్బాను చుట్టూకూనీ...

వచ్చిందండీ వయ్యారీ.. అబ్బో వచ్చేయరా ఓరీ వారీ...

డుగ్గుడుగ్గు... ఏ డుగ్గుడుగ్గుడుగ్గుడుగ్గు..

డిజె పిల్ల ఓ డిజె పిల్ల.. నేను స్టేప్పులెస్తే డప్పలాయె గుండెలు మళ్లా..నేను డిజె పిల్లా...

ఇలా అదిరిపోయే లిరిక్స్ తో సాగుతుంది డిజె పిల్ల సాంగ్. అసలు జీవితంలో ఒక్కసారి కూడా స్టెప్పులేయని వారితో కూడా డ్యాన్స్ చేయించేలా మాస్ మసాలా మ్యూజిక్ ఉంటుంది. మొత్తంగా జెంజీ యువతను టార్గెట్ గా చేసుకుని రూపొందించిన ఈ ఫోక్ యూట్యూబ్ లో హల్ చల్ చేస్తోంది.  

ఇప్పటికే రాము రాథోడ్ పాటలకు అభిమానులు ఉన్నారు. వారి టేస్ట్ కు తగ్గట్లుగానే ఉంటుంది ఈ డిజె పిల్ల సాంగ్. ఎక్కడా డిజప్పాయింట్ చేయదు. ఇప్పుడు యూట్యూబ్ ను షేక్ చేస్తున్న ఈ పాట రాబోయే రోజుల్లో పెళ్లిళ్లు, బరాత్ లతో గట్టిగా వినిపించనుంది. ఈ డిజె పిల్ల సాంగ్ దెబ్బకు డిజేలు హీటెక్కడం, యువత ఉర్రూతలూగడం ఖాయంగా కనిపిస్తోంది.

Image Credit : Screenshot to Whistle Studios and Rathod Tunes

డిజె పిల్ల సాంగ్ టీమ్ ఇదే..

తెలుగు బిగ్ బాస్ కంటెస్టెంట్ రాము రాథోడ్ కు చెందిన యూట్యూబ్ ఛానల్ విజిల్ స్టూడియోస్ ఆండ్ రాథోడ్ ట్యూన్స్ లో ఈ పాట విడుదలయ్యింది. ఈ నెల ఆరంభంలో (మే 1న) విడుదలచేయగా ఇప్పటివరకు 2.5 మిలియన్స్ అంటే 2516369 వ్యూస్ తో దూసుకుపోతోంది. అంటే రోజుకు లక్షమందికి పైగా ఈ పాటను చూస్తున్నారన్నమాట. విన్నవారిలో 37 వేలమంది లైక్ చేశారు.

దేవ్ పవర్ అందించిన మాస్ లిరిక్స్ కు మదీన్ ఎస్కే మ్యూజిక్ సరిగ్గా సరిపోయింది... దీంతో ఈ పాట మరోస్థాయికి వెళ్లింది. ఇక రాము రాథోడ్, వాగ్దేవీ వాయిస్ ప్లస్ అయ్యింది. ఢీ ఫేమ్ రామ్ మాస్టర్ కొరియోగ్రఫి... రాము రాథోడ్, ప్రాచీ స్టెప్పులు మరోస్థాయికి చేర్చాయి. అన్నీ సరిపోవడంతోనే డిజె పిల్ల సాంగ్ యూట్యూబ్ ను షేక్ చేస్తోంది.