ప్రభాస్ నుంచి అల్లు అర్జున్ వరకు, బాక్సాఫీస్‌ను శాసించే 50 ఏళ్లలోపు టాప్ హీరోలు ఎవరంటే?

ఇండియన్ ఫిల్మ్ ఇండస్ట్రీ బాక్సాఫీస్ ను  శాసించబోయే 50 ఏళ్లలోపు టాప్ హీరోల లిస్ట్ ను ఓర్మాక్స్ మీడియా రిలీజ్  చేసింది. రికార్డులు బద్దలు కొట్టే సినిమాలు, భారీ ఇమేజ్ , క్రేజీ లైనప్‌లతో స్టార్‌డమ్‌కు కొత్త అర్థం చెప్పిన  స్టార్స్ ఎవరంటే? 

Image Credit : PR Handout

బాక్సాఫీస్‌ను శాసించే 50 ఏళ్లలోపు టాప్ హీరోలు

మారుతున్న భారతీయ సినిమా రంగంలో ప్రాంతీయ హద్దులు చెరిగిపోతున్నాయి. ఈ సమయంలో కొందరు హీరోలు పాన్-ఇండియా స్థాయిలో తమకంటూ ఓ ప్రత్యేక స్థానాన్ని సంపాదించుకున్నారు. ప్రతీ మార్కెట్‌లోనూ బ్లాక్‌బస్టర్ విజయాలు అందుకుంటూ తమ పరిధిని విస్తరించుకుంటున్నారు. 2026లో ఇండియన్ సినిమాను శాసించబోయే 50 ఏళ్లలోపు టాప్ 10 స్టార్ల జాబితాను ఓర్మాక్స్ మీడియా విడుదల చేసింది. అందులో మన సౌత్ హీరోలు ఎవరున్నారంటే? 

Image Credit : PR Handout

ఐకాన్ స్టార్ అల్లు అర్జున్

'ఐకాన్ స్టార్'గా గుర్తింపు పొందిన అల్లు అర్జున్,  ఇండియన్  సినిమాలో మోస్ట్ వాంటెడ్ స్టార్లలో ఒకడిగా ఉన్నాడు. పాన్ ఇండియా హీరోగా తన స్థానాన్ని పదిలపరుచుకున్నాడు. టాలీవుడ్ లో ఇప్పటికే పెద్ద స్టార్ అయినప్పటికీ, 'పుష్ప 2: ది రూల్' అద్భుతమైన విజయంతో అతని పాపులారిటీ దేశవ్యాప్తంగా ఆకాశాన్నంటింది. కెరీర్ బిగినింగ్ లో  'ఆర్య', 'బన్ని', 'రేసుగుర్రం' వంటి  హిట్‌ల నుంచి 'అల వైకుంఠపురములో' వంటి కమర్షియల్ సక్సెస్‌ల వరకు, అల్లు అర్జున్ తన మాస్ అప్పీల్‌తో పాటు డ్యాన్స్, యాక్టింగ్, యాక్షన్ లో కొత్తదనం చూపిస్తూ.. కెరీర్ ను బిల్డ్ చేసుకున్నాడు. 

Image Credit : PR Handout

యంగ్ టైగర్ ఎన్టీఆర్

'మ్యాన్ ఆఫ్ మాసెస్'గా అభిమానులు పిలుచుకునే జూనియర్ ఎన్టీఆర్, ప్రేక్షకులతో ఎమోషనల్‌గా బాగా కనెక్ట్ అయ్యాడు. తన పవర్‌ఫుల్ స్క్రీన్ ప్రెజెన్స్, నటన, డ్యాన్స్, యాక్షన్ స్కిల్స్‌తో అన్ని వర్గాల ప్రేక్షకులను ఆకట్టుకున్నాడు. ఆఫ్-స్క్రీన్‌లో అతను చాలా సింపుల్‌గా ఉండటం, కెరీర్‌లో ఎన్నోసార్లు తనను తాను కొత్తగా ఆవిష్కరించుకోవడం అతని మాస్ అప్పీల్‌ను మరింత పెంచింది.

Image Credit : PR Handout

ప్రభాస్

గ్లోబల్ బాక్సాఫీస్ దగ్గర ప్రభాస్ ఒక శక్తి. తిరుగులేని పాన్ ఇండియా సూపర్‌స్టార్‌గా భారీ సినిమాలకు కేరాఫ్ అడ్రస్‌గా నిలిచాడు. 'బాహుబలి: ది బిగినింగ్', 'బాహుబలి 2: ది కన్‌క్లూజన్' సినిమాలతో ఆకాశమే హద్దుగా ఎదిగాడు. ఆ తర్వాత 'సలార్: పార్ట్ వన్ - సీజ్‌ఫైర్', 'కల్కి 2898 AD' వంటి బ్లాక్‌బస్టర్లతో తన ఆధిపత్యాన్ని నిలబెట్టుకున్నాడు. సలార్, కల్కి సీక్వెల్స్‌తో పాటు 'స్పిరిట్', 'ఫౌజీ' వంటి సినిమాలతో ప్రభాస్ ఇండియన్ సినిమాలో అతిపెద్ద క్రౌడ్ పుల్లర్‌గా కొనసాగుతున్నాడు.

Image Credit : PR Handout

రిషబ్ శెట్టి

నటుడు, ఫిల్మ్‌మేకర్, నిర్మాత అయిన రిషబ్ శెట్టి కన్నడ సినిమాలో ఒక పెద్ద శక్తిగా ఎదిగాడు. పాన్ ఇండియాలోనే అతిపెద్ద నటుడు, రచయిత, దర్శకుడు, సూపర్‌స్టార్‌గా పేరు తెచ్చుకున్నాడు. మొదట దర్శకుడిగా తన ప్రయాణాన్ని ప్రారంభించి, 'కాంతార' సినిమాతో పాన్-ఇండియా కథనానికి కొత్త అర్థం చెప్పాడు. కన్నడ సంస్కృతిలో పాతుకుపోయిన ఈ సినిమా దేశవ్యాప్తంగా సంచలనం సృష్టించింది. ప్రస్తుతం అతను 'జై హనుమాన్' సినిమాలో కనిపించనున్నాడు.

Image Credit : PR Handout

రాక్ స్టార్ యష్..

'KGF: చాప్టర్ 1'తో యష్ పాన్ ఇండియా సినిమా ముఖచిత్రాన్నే మార్చేశాడు. ఒక్క రాత్రిలోనే దేశవ్యాప్తంగా సంచలనంగా మారాడు. అతని 'రాఖీ భాయ్' పాత్ర అన్ని భాషల్లో  ఆడియన్స్ కు బాగా కనెక్ట్ అయ్యింది. 'KGF: చాప్టర్ 2' సినిమాతో కన్నడ సినీ చరిత్రలోనే అత్యధిక వసూళ్లు సాధించిన చిత్రంగా నిలిపి, తన సూపర్‌స్టార్ హోదాను పదిలం చేసుకున్నాడు. ప్రస్తుతం యష్ 'టాక్సిక్', సినిమాతో అభిమానులను ఊరిస్తున్నాడు. అంతే కాదు  రామాయణ సినిమాలో యష్ ను రావణుడి పాత్రలో చూడటానికి అభిమానులు  ఎంతో ఆసక్తిగా ఎదురుచూస్తున్నారు.   భాషతో సంబంధం లేకుండా, తమ ప్రభావంతోనే ఈ స్టార్లు దేశవ్యాప్తంగా గుర్తింపు పొందారని  ఓర్మాక్స్ మీడియా వెల్లడించింది.