ఇద్దరు కొడుకులతో రొమాన్స్ అయిపోయింది, ఇప్పుడు తండ్రితో పూజా హెగ్డే ఆటాపాటా ?

Pooja hegde: పూజా హెగ్డే మళ్లీ పుంజుకుంటుంది. ఆమె వరుసగా బిజీ అవుతుంది. అయితే ఇప్పటికే ఇద్దరు కొడుకులతో రొమాన్స్ చేసిన పూజా ఇప్పుడు తండ్రితో ఆడిపాడబోతుందట.  

pooja hegde

బుట్టబొమ్మ పూజా హెగ్డే నెమ్మదిగా మళ్లీ పుంజుకుంటుంది. వరుస పరాజయాలతో డల్‌ అయిన ఆమె ఇప్పుడు మళ్లీ బిజీ అవుతుంది. తెలుగులో సినిమాలు లేవు కానీ, తమిళంలో మాత్రం రెండు సినిమాలు చేస్తుంది. రెండూ భారీ మూవీస్‌ కావడం విశేషం. దీంతోపాటు కొత్తగా సూపర్‌  స్టార్‌ రజనీకాంత్‌ హీరోగా రూపొందుతున్న `కూలీ`లో స్పెషల్‌ సాంగ్‌ చేస్తుంది. చూడబోతుంటే ఆమె కోలీవుడ్‌పై ఫోకస్‌ పెట్టినట్టు అనిపిస్తుంది. 

ఇదిలా ఉంటే పూజా హెగ్డే ఇప్పటి వరకు తెలుగులో చాలా మంది స్టార్ హీరోలతో నటించింది. ప్రభాస్‌, ఎన్టీఆర్‌, మహేష్‌ బాబు, అల్లు అర్జున్‌, రామ్‌ చరణ్‌, నాగచైతన్య, అఖిల్‌, వరుణ్‌ తేజ్‌ వంటి హీరోలతోనూ జోడీ కట్టింది. థియేటర్లలో రచ్చ చేసింది.

పూజా ఎక్కువగా అలా వచ్చి ఇలా వెళ్లిపోయే పాత్రలే చేసింది. పెద్దగా ప్రయారిటీ లేని రోల్స్ ఆమెకి పడ్డాయి. స్టార్‌ హీరోలతో సినిమాలంటే సాధారణంగా అలానే ఉంటుంది. హీరోయిన్లకి పెద్దగా స్కోప్‌ ఉండదు. 

pooja hegde, coolie

కానీ ఇప్పుడు రూట్‌ మార్చింది. కంటెంట్‌ ఉన్న సినిమాలు, బలమైన పాత్రలే చేయాలని ఫిక్స్ అయ్యిందట. అందులో భాగంగానే కోలీవుడ్‌లో నటిస్తున్న విజయ్‌ `జన నాయగన్‌`, సూర్య `రెట్రో` చిత్రాలు కూడా అలాంటివే అని తెలుస్తుంది.

దీనికితోడు స్పెషల్‌ సాంగ్‌లు కూడా పూజాకి మంచి క్రేజ్‌ని తీసుకొచ్చాయి. `రంగస్థలం`లో జిగేల్‌ రాణి అంటూ థియేటర్లని ఊపేసిన విషయం తెలిసిందే. ఇప్పుడు దాన్ని మించి `కూలీ`లో ఐటెమ్‌ సాంగ్‌ ఉంటుందట. 

Nagarjuna Akkineni

అయితే ఇందులో మన్మథుడు నాగార్జునతో ఆమె ఆడిపాడబోతుందని తెలుస్తుంది. ఓ పార్టీ సాంగ్‌లో పూజా హెగ్డే ఆడిపాడబోతుందట. ఇందులో మెయిన్‌గా నాగార్జున ఉంటాడట. ఆయన, పూజా కలిసి స్టెప్పులేస్తారని, ఊరమాస్‌గా ఈ పాట ఉంటుంది తెలుస్తుంది. ఇందులో పూజా లుక్‌ అదిరిపోయేలా ఉంటుందని సమాచారం.

`కూలీ`లో నాగార్జున కీలక పాత్రలో నటిస్తున్న విషయం తెలిసిందే. నెగటివ్‌ షేడ్‌ ఉన్న రోల్‌ అని సమాచారం. అయితే ఇందులో రజనీకాంత్‌తో పూజా సాంగ్‌ అని అంతా భావించారు, కానీ నాగ్‌తోనే పూజా ఆడిపాడబోతుందని సమాచారం. ఈ పాట సినిమాకి ప్రత్యేక ఆకర్షణగా నిలుస్తుందని, హైలైట్ అవుతుందని అంటున్నారు. 

Naga Chaitanya, Pooja Hegde

ఇదిలా ఉంటే ఇప్పటికే నాగ్‌ తనయులు నాగచైతన్యతో `ఒక లైలా కోసం`, అఖిల్‌తో `మోస్ట్ ఎలిజిబుల్‌ బ్యాచ్‌లర్‌` చిత్రాల్లో నటించింది పూజా. ఇప్పుడు తండ్రి నాగార్జునతో పాటలో రొమాన్స్ చేయబోతుంది.

ఇలా తండ్రికొడుకులతో ఆడిపాడిన హీరోయిన్‌గా పూజా నిలవడం విశేషం. ఇక రజనీకాంత్‌, నాగార్జున, ఉపేంద్ర, శృతి హాసన్‌ ప్రధాన పాత్రల్లో నటించిన `కూలీ`లో మే 1న విడుదల కానుంది. కానీ ఆగస్ట్ 15 విడుదల చేసే అవకాశం ఉందట.