- Home
- Entertainment
- Peddi 5 Days Collections: సోమవారం ఊహించని కలెక్షన్లు, ఐదో రోజు పెద్ది ఎంత వసూలు చేసిందంటే?
Peddi 5 Days Collections: సోమవారం ఊహించని కలెక్షన్లు, ఐదో రోజు పెద్ది ఎంత వసూలు చేసిందంటే?
రామ్ చరణ్ హీరోగా వచ్చిన `పెద్ది` విజయవంతంగా రన్‌ అవుతుంది. బాక్సాఫీసు వద్ద అదిరిపోయే వసూళ్లని రాబడుతుంది. అయితే సోమవారం ఈ చిత్రానికి ఎంత వచ్చాయనేది చూస్తే ఆశ్చర్యపోతారు.
పెద్ది బాక్సాఫీసు రిపోర్ట్
రామ్ చరణ్ నటించిన `పెద్ది` సినిమా బాక్సాఫీసు వద్ద దుమ్ములేపుతోంది. ఈ చిత్రం మొదటి వీకెండ్‌లోనే అదిరిపోయే వసూళ్లని రాబట్టింది. ఆల్మోస్ట్ యాభై శాతం కలెక్షన్లని రాబట్టింది. ఆదివారం అదిరిపోయే వసూళ్లని రాబట్టింది. ఇక ఇప్పుడు సోమవారం నుంచి ఈ సినిమా ఎలా పర్‌ఫెర్మ్ చేస్తుంది. కలెక్షన్లు ఎలా వస్తాయనే ఆసక్తి నెలకొంది. తాజాగా మండే వసూళ్ల రిపోర్ట్ వచ్చింది. డ్రాప్‌ మాత్రం గట్టిగానే ఉంది. కానీ డీసెంట్‌ వసూళ్లని రాబట్టింది.
పెద్ది ఐదో రోజు కలెక్షన్లు
`పెద్ది` మూవీ ఐదో రోజు రూ.14కోట్ల వరకు వసూలు చేయడం విశేషం. ఆదివారం రూ.38కోట్లు రాబడితే, సోమవారం అందులో దాదాపు 40శాతం వసూళ్లని రాబట్టింది. ఇది సగానికిపైగానే తగ్గిందని చెప్పొచ్చు. దీంతో ఐదు రోజుల్లో ఈ చిత్రం దాదాపు రూ.250కోట్లకు(రూ.248.92) చేరింది.
పెద్ది మూవీ డే వైజ్‌ కలెక్షన్లు
ఈ సినిమాకి ఇండియాలో రూ.201.92కోట్లు వచ్చాయి. ప్రీమియర్స్ రోజు రూ.21.83కోట్లు, మొదటి రోజు రూ.60.66కోట్లు, రెండో రోజు రూ.32కోట్లు, మూడో రోజు రూ.34.88కోట్లు, నాల్గో రోజు రూ.38.25కోట్లు, ఐదో రోజు రూ.14.30కోట్లు రాబట్టింది. ఇక ఓవర్సీస్‌లో రూ.47కోట్లు రాబట్టింది. ఐదు రోజుల్లో దీనికి రూ.248.92కోట్లు వచ్చాయి. ఇదిలా ఉంటే నాలుగు రోజుల్లో దీనికి రూ.292కోట్లు వచ్చినట్టు చిత్ర బృందం ప్రకటించిన విషయం తెలిసిందే. ఈ సినిమా హిట్‌ కావాలంటే రూ.220కోట్ల నెట్‌ వసూలు చేయాల్సి ఉంది. ఇప్పుడు వచ్చిన లెక్కల ప్రకారం ఇది హిట్‌ కావాలంటే ఇంకా రెండు వందల కోట్ల గ్రాస్‌ రాబట్టాల్సి ఉంటుంది. అయితే సినిమాకి వస్తున్న కలెక్షన్లు చూస్తుంటే, మున్ముందు పెద్ద సినిమాలు లేకపోవడంతో ఇది సాధ్యమే అంటున్నారు. ఏం జరుగుతుందో చూడాలి.
తమ ఊరి గుర్తింపు కోసం పెద్ది పోరాటం
రామ్ చరణ్ హీరోగా వచ్చిన `పెద్ది` సినిమాకి బుచ్చిబాబు సానా దర్శకత్వం వహించారు. జాన్వీ కపూర్‌ హీరోయిన్‌గా నటించిన ఈ చిత్రంలో శివరాజ్‌ కుమార్‌, జగపతిబాబు ముఖ్య పాత్రలు పోషించారు. అటవి ప్రాంతంలో ఉన్న తమ కొండకిందవూరుకి గుర్తింపు కోసం, అక్కడికి రైల్వే స్టేషన్‌ తేవడం కోసం పెద్ది చేసిన పోరాటమే ఈ సినిమా. తన పోరాటానికి ఆటని ఆయుధంగా మల్చుకోవడం విశేషం. ఈ చిత్రానికి మిశ్రమ స్పందన లభించింది. అదే టాక్‌తో ఇంతటి వసూళ్లని రాబట్టడం విశేషం.
