- Home
- Entertainment
- Peddi 4 Days Collections: పెద్ది 4 రోజుల్లో రాబట్టింది ఇంతే, ఆదివారం ర్యాంపేజ్.. హిట్ కావాలంటే ఇంకా ఎంత రావాలంటే?
Peddi 4 Days Collections: పెద్ది 4 రోజుల్లో రాబట్టింది ఇంతే, ఆదివారం ర్యాంపేజ్.. హిట్ కావాలంటే ఇంకా ఎంత రావాలంటే?
Peddi 4 Days Collections: పెద్ది మూవీ విడుదలై నాలుగు రోజులు పూర్తి చేసుకుంది. మొదటి వారం ముగిసింది. మరి ఇప్పటి వరకు ఎంత కలెక్ట్ చేసింది? హిట్ కావాలంటే ఇంకా ఎంత రాబట్టాలనే లెక్కలు చూద్దాం.
పెద్ది మూవీ బాక్సాఫీసు రిపోర్ట్
రామ్ చరణ్ నుంచి వచ్చిన లేటెస్ట్ మూవీ `పెద్ది` ఇప్పుడు థియేటర్లలో జోరు చూపిస్తుంది. బుచ్చిబాబు సానా దర్శకత్వంలో వచ్చిన ఈ మూవీకి మిశ్రమ స్పందన లభించినా, వసూళ్లని పరంగా మాత్రం జోరు చూపిస్తోంది. స్టడీగా కలెక్షన్లు ఉన్నాయి. మూడు రోజులుగా ఒకే తరహా కలెక్షన్లని రాబడుతుంది. ఇది సినిమాకి పాజిటివ్ సైన్గా భావించవచ్చు. అయితే `పెద్ది` విడుదలై నాలుగు రోజులు పూర్తయ్యింది. మొదటి వారం ముగిసింది. మరి ఇప్పటి వరకు ఎంత రాబట్టింది. సినిమా హిట్ కావాలంటే ఇంకా ఎంత రావాలి అనేది చూస్తే,
పెద్ది 4 రోజుల కలెక్షన్లు
పెద్ది మూవీ నాలుగు రోజుల్లో సుమారు రూ.233కోట్లు వసూలు చేసినట్టు ట్రేడ్ వర్గాలు అంచనా వేశాయి. టికెట్ సేల్స్ ని బట్టి ఈ లెక్కలు తీశాయి. ఈ క్రమంలో ఈ చిత్రం నాల్గో రోజు సుమారు రూ.32కోట్ల వరకు రాబట్టిన సమాచారం. మూడో రోజు రూ.28కోట్లు వసూలు చేస్తే, నాల్గో రోజు ఆదివారం కలెక్షన్లు పెరగడం విశేషం. వీకెండ్ కావడంతో ఆదివారం సినిమా చూసేందుకు ఆడియెన్స్ ఇంట్రెస్ట్ చూపించారు. దీంతో సినిమాకి కలిసి వచ్చింది. మొదటి రోజు ఈ చిత్రానికి రూ.135కోట్లు వచ్చిన విషయం తెలిసిందే. ఇది అధికారిక లెక్క. కానీ అనాధికారికంగా 110కోట్ల రూపాయలు వసూలు చేసినట్టు టాక్. మొత్తంగా ఇప్పటి వరకు ఈ సినిమా మంచి కలెక్షన్లే రాబట్టిందని చెప్పొచ్చు.
పెద్ది హిట్ కావాలంటే ఇంకా ఎంత రావాలి?
`పెద్ది` సినిమాకి అయిన బిజినెస్ రూ.220కోట్లు. సినిమా హిట్ కావాలంటే రూ.450కోట్ల వరకు గ్రాస్ వసూలు చేయాలి. ఇప్పటి వరకు సగం వచ్చాయి. మొదటి వారంలో 50శాతం రాబట్టింది. ఇక అసలు పరీక్ష ఈ సోమవారం నుంచే ఉందని చెప్పొచ్చు. సాధారణంగా సోమవారం నుంచి కలెక్షన్లు పడిపోతాయి. సినిమా టాక్ని బట్టి పడిపోతుంటాయి. బాగుంటే ఆ డ్రాప్ తక్కువగానే ఉంటుంది, లేదంటే సగానికి సగం పడిపోతుంటాయి. మరి సోమవారం `పెద్ది`కి వచ్చే కలెక్షన్లని బట్టి, దీని భవిష్యత్ ఆధారపడి ఉంటుంది. ఇక్కడ సంతోషించాల్సిన విషయం ఏంటంటే నార్త్ లో ఈ సినిమాకి నాల్గో రోజు వసూళ్లు పెరిగాయట. ఇది పాజిటివ్ టర్న్ గా చెప్పొచ్చు. మరి ఇది ఎంత వరకు నిలబడుతుందో చూడాలి.
పెద్ది ఓవర్సీస్ వసూళ్లు
ఇక ఓవర్సీస్లో ఈ మూవీకి గట్టిగానే వసూలు చేసింది. నార్త్ అమెరికాలోనే 2.8 మిలియన్ డాలర్లు దాటింది. ఓవరాల్గా దాదాపురూ.46కోట్ల వరకు ఓవర్సీస్లోనే రాబట్టిందని చెప్పొచ్చు. ఇక పెద్ది సినిమాలో రామ్ చరణ్కి జోడీగా జాన్వీ కపూర్ నటించింది. ఆమె సన్నివేశాలకు సంబంధించి వివాదం స్టార్ట్ అయ్యింది. బాగా ట్రోల్ చేశారు. దీంతో ఆయా సీన్లని కట్ చేశారు. కాకపోతే ఈ వివాదం కూడా సినిమాకి ప్లస్ అయ్యిందని చెప్పొచ్చు. వెంకట సతీష్ కిలారు నిర్మించిన ఈ చిత్రంలో జగపతిబాబు, శివరాజ్ కుమార్, దివ్యేందు శర్మ, జాన్ విజయన్ వంటి వారు నటించారు. ఏఆర్ రెహ్మాన్ సంగీతం అందించారు. జూన్ 4న ఈ సినిమా విడుదలైన విషయం తెలిసిందే. ఇందులో రామ్ చరణ్ నటనకు ప్రశంసలు దక్కుతున్నాయి.
