- Home
- Entertainment
- Peddi: అప్పలసూరి ముందు ఫణీంద్ర భూపతి, బసిరెడ్డి జుజుబీనా ? సెకండ్ ఇన్నింగ్స్ లో జగపతి బాబు టాప్ 5 రోల్స్
Peddi: అప్పలసూరి ముందు ఫణీంద్ర భూపతి, బసిరెడ్డి జుజుబీనా ? సెకండ్ ఇన్నింగ్స్ లో జగపతి బాబు టాప్ 5 రోల్స్
సెకండ్ ఇన్నింగ్స్ లో జగపతి బాబు అద్భుతమైన పాత్రల్లో నటించారు. లెజెండ్ నుంచి శ్రీమంతుడు వరకు జగ్గూ భాయ్ పోషించిన టాప్ 5 పాత్రల గురించి, పెద్దిలో అప్పలసూరి పాత్ర గురించి ఈ కథనంలో తెలుసుకుందాం.
Jagapathi Babu
ఒకప్పుడు జగపతిబాబు ఫ్యామిలీ స్టార్ గా ఫ్యామిలీ ఆడియన్స్ ని అలరించే సినిమాలు చేశారు. శుభాకాంక్షలు, శుభలగ్నం, మావి చిగురు, హనుమాన్ జంక్షన్, పెళ్లి పందిరి లాంటి అద్భుతమైన చిత్రాలు జగపతిబాబు కెరీర్ లో ఉన్నాయి. అయితే లెజెండ్ మూవీనుంచి జగపతి బాబు సెకండ్ ఇన్నింగ్స్ ప్రారంభించారు. విలన్ గా, క్యారెక్టర్ ఆర్టిస్ట్ గా నటించడం ప్రారంభించారు. ఆ ప్లాన్ బాగా వర్కౌట్ అయింది. లెజెండ్ మూవీ సూపర్ హిట్ కావడంతో జగపతి బాబుకి విలన్ గా, క్యారెక్టర్ ఆర్టిస్ట్ గా అవకాశాలు పెరిగాయి. ఈ క్రమంలో సెకండ్ ఇన్నింగ్స్ లో జగపతి బాబు నుంచి వచ్చిన టాప్ 5 క్రేజీ సినిమాలు, పవర్ ఫుల్ పాత్రల గురించి ఇప్పుడు తెలుసుకుందాం.
లెజెండ్ - జితేంద్ర
జగపతి బాబు సెకండ్ ఇన్నింగ్స్ కి ప్రాణం పోసిన చిత్రం లెజెండ్. బోయపాటి శ్రీను ఈ చిత్రానికి దర్శకుడు. ఈ సినిమాలో జగపతి బాబు గారు చూపించిన క్రూరత్వం, రాయలసీమ ఫ్యాక్షనిస్ట్ లుక్ టాలీవుడ్ను షేక్ చేసింది. బాలకృష్ణ లాంటి పవర్ఫుల్ హీరోకి దీటైన విలనిజం పండించారు.
నాన్నకు ప్రేమతో - కృష్ణమూర్తి
సుకుమార్ దర్శకత్వంలో ఎన్టీఆర్ హీరోగా వచ్చిన ఈ సినిమాలో జగపతి బాబు మైండ్ గేమ్స్ ఆడే ఒక కార్పొరేట్ విలన్ (కృష్ణమూర్తి) గా కనిపించారు. లౌక్యం, ఇంటెలిజెన్స్, లోపల ఎంత కుతంత్రం ఉన్నా పైకి నవ్వుతూ కనిపించే ఒక స్టైలిష్ విలనిజాన్ని ఆయన ఈ సినిమాలో అద్భుతంగా పండించారు.
రంగస్థలం - ఫణీంద్ర భూపతి
జగపతిబాబు విలక్షణ నటనకు అద్దం పట్టిన చిత్రం రంగస్థలం. జగపతి బాబు ఇలా కూడా నటించగలరు అని ఎవ్వరూ ఊహించలేదు. ఊరి ప్రెసిడెంట్ ఫణీంద్ర భూపతిగా ఆయన చూపించిన గాంభీర్యం, క్రూరత్వం అంతా ఇంతా కాదు. అగ్రవర్ణ అహంకారం, నోట మాట రాకుండా కళ్ళతోనే ఊరిని శాసించే పాత్రలో ఆయన జీవించేశారు.
అరవింద సమేత వీర రాఘవ - బసి రెడ్డి
త్రివిక్రమ్ దర్శకత్వంలో వచ్చిన ఈ సినిమాలో 'బసి రెడ్డి' పాత్ర జగపతి బాబు గారిలోని రౌద్ర రసాన్ని పీక్స్లో చూపించింది. పగే పరమావధిగా బతికే ఫ్యాక్షన్ లీడర్గా ఆయన లుక్, వాయిస్ బేస్, నటన థియేటర్లలో పూనకాలు తెప్పించాయి. ఎన్టీఆర్తో వచ్చే ఫేస్-ఆఫ్ సీన్స్ మైండ్ బ్లోయింగ్ గా ఉంటాయి.
శ్రీమంతుడు - రవికాంత్
కేవలం విలన్ పాత్రలే కాదు, క్లాస్ ఫాదర్ క్యారెక్టర్స్ కూడా తనే చేయగలనని మహేష్ బాబు 'శ్రీమంతుడు' సినిమాతో ప్రూవ్ చేశారు. కోటీశ్వరుడైన తండ్రిగా, కొడుకు ఆశయాలను అర్థం చేసుకోలేక మొదట బాధపడి, తర్వాత అతన్ని చూసి గర్వపడే తండ్రి పాత్రలో చాలా సెటిల్డ్ అండ్ డిగ్నిఫైడ్ పర్ఫార్మెన్స్ ఇచ్చారు.
పెద్ది - అప్పలసూరి
పైవన్నీ జగపతి బాబు సెకండ్ ఇన్నింగ్స్ లో టాప్ 5 పాత్రలుగా నిలిచాయి. రాంచరణ్ పెద్ది చిత్రంలో జగపతి బాబు అప్పలసూరి అనే పాత్రలో నటించారు. ఈ పాత్ర తప్పకుండా తన కెరీర్ లో నెంబర్ 1 రోల్ అవుతుంది అని జగ్గూభాయ్ ఓ ఇంటర్వ్యూలో తెలిపారు. అప్పలసూరి పాత్ర గురించి చాలా క్రేజీ విషయాలు వైరల్ అవుతున్నాయి. జగపతి బాబు ఫణీంద్ర భూపతి, బసి రెడ్డి లాంటి పాత్రలు అప్పలసూరి ముందు జుజుబీ అనే టాక్ వినిపిస్తోంది. పెద్ది చిత్రం జూన్ 4న గ్రాండ్ రిలీజ్ కి రెడీ అవుతోంది.
