OG Update: `ఓజీ`పై అదిరిపోయే అప్‌ డేట్‌ ఇచ్చిన థమన్‌, అది `ఓజీ` కాదు న్యూక్లియర్ బాంబ్‌

OG Update: పవన్‌ కళ్యాణ్‌ నటిస్తున్న `ఓజీ` సినిమా కోసం అంతా ఈగర్‌గా వెయిట్‌ చేస్తున్నారు. ఈ క్రమంలో మూవీపై గూస్‌బంమ్స్ తెప్పించే హైప్‌ ఇచ్చాడు తమన్‌.   

OG Movie

OG Update: పవర్‌ స్టార్‌ పవన్‌ కళ్యాణ్‌ నటిస్తున్న చిత్రాల్లో `ఓజీ` ఒకటి. `ఒరిజినల్‌ గ్యాంగ్‌ స్టర్‌` అనేది పూర్తి టైటిల్‌. దీనికి సుజీత్‌ దర్శకత్వం వహిస్తున్నారు. ఈ మూవీ షూటింగ్‌ పూర్తికావడానికి ఇంకా టైమ్‌ పట్టనుంది. ప్రస్తుతం పవన్‌ `హరిహర వీరమల్లు` షూటింగ్‌ కంప్లీట్‌ చేసే పనిలో ఉన్నారు. ఇదే డిలే అవుతూ వస్తోంది. ఈ నేపథ్యంలో `ఓజీ`కి మరింత టైమ్‌ పట్టే ఛాన్స్ ఉంది. 

అయితే పవన్‌ నుంచి చాలా వరకు ఫ్యాన్స్ `ఓజీ` మూవీనే కోరుకుంటున్నారు. పవన్‌ కళ్యాణ్‌ని గ్యాంగ్‌స్టర్‌గా చూడాలని అంతా వెయిట్‌ చేస్తున్నారు. ఇప్పటికే విడుదలైన గ్లింప్స్ అదిరిపోయేలా ఉండటంతో, పవన్‌ ఇమేజ్‌కిది కరెక్ట్ గా సెట్‌ అయ్యే మూవీ అని, పవన్‌ రేంజ్‌ ఏంటో చూపించే మూవీ అవుతుందని భావిస్తున్నారు. అందుకోసమే పవన్‌ ఎక్కడికి వెళ్లినా ఈ మూవీ గురించే అడుగుతుంటారు ఫ్యాన్స్.

thaman

ఈ నేపథ్యంలో `ఓజీ` గురించి అదిరిపోయే అప్‌ డేట్‌ ఇచ్చారు మ్యూజిక్‌ డైరెక్టర్‌ తమన్‌. గూస్‌ బంమ్స్ తెప్పిస్తున్నారు. ఓజీ విడుదలయ్యే నాటికి తాను గెడ్డాలు, మీసాలు పెంచుకుంటానని తెలిపారు. అవి తిప్పుతానని చెప్పడం హైలైట్‌గా నిలచింది. `ఓజీ` సినిమా ఎప్పుడు రిలీజ్‌ అయినా అది బాంబ్‌ అని, మామూలు బాంబ్‌ కాదని న్యూ క్లీయర్‌ బాంబ్‌ అని చెప్పారు తమన్‌. సినిమా డిలే అయ్యే కొద్ది పాటలను అప్‌ గ్రేడ్‌ చేస్తున్నామని, ఇంకా బెటర్‌గా చేస్తున్నామని తెలిపారు. 

దర్శకుడు సుజీత్‌ కూడా అదే ప్లాన్‌లో ఉన్నాడు, అదే చేస్తున్నాడు. పైగా సేమ్‌ ఏజ్‌, సేమ్‌ వేవ్‌లెన్త్ లో ఉన్నాడు. పైగా డిప్యూటీ సీఎం మూవీ కావడంతో చాలా కేర్‌ తీసుకుంటున్నాడు. `ఓజీ` ఒక మాసీవ్‌గా ఉండబోతుంది. అదొక మ్యాజిక్‌ అని చెప్పొచ్చు. ప్రతి ఒక్కరు పవన్‌ కళ్యాణ్‌ని అలానే చూడాలనుకుంటున్నారు. మన తెలుగు నుంచి కూడా అలాంటి ప్రాపర్‌ గ్యాంగ్‌ స్టర్‌ మూవీ రాలేదు.

ఇతర భాషల్లో `లియో`, `జైలర్‌`, `బీస్ట్` వంటి సినిమాలు చూశాం. అలాంటి మూవీస్‌ టాలీవుడ్‌ నుంచి చూడాలనుకుంటున్నారు. అది పవన్‌ నుంచి అంటే వేరే లెవల్‌ అని చెప్పొచ్చు అంటూ ఒక రేంజ్‌లో హైప్‌ ఇచ్చాడు థమన్‌. ప్రస్తుతం ఆయన కామెంట్స్ వైరల్‌ అవుతున్నాయి. యూట్యూబర్‌ నిఖిల్‌కి ఇచ్చిన ఇంటర్వ్యూలో ఆయన ఈ కామెంట్స్ చేశారు. 

OG Movie

పవన్‌ కళ్యాణ్‌ హీరోగా నటిస్తున్న `ఓజీ` సినిమాకి సుజీత్‌ దర్శకత్వం వహిస్తుండగా, డీవీవీ దానయ్య నిర్మిస్తున్నారు. ప్రియాంక అరుల్‌ మోహన్‌ హీరోయిన్‌గా నటిస్తుంది. ఇందులో బాలీవుడ్‌ నటుడు ఇమ్రాన్‌ హష్మీ, అర్జున్‌ దాస్‌, శ్రియా రెడ్డి ముఖ్య పాత్రలు పోషిస్తున్నారు.

ఈ మూవీ ఈ ఏడాదిలోనే విడుదలయ్యే అవకాశం ఉంది. అయితే పవన్‌ డేట్స్ ఇచ్చేదాన్ని బట్టి ఉంటుంది. మరో పది హేను రోజులు షూటింగ్‌లో పాల్గొంటే మూవీ అయిపోతుందని సమాచారం.