100 కోట్లకి చేరువగా వెళుతున్న నితిన్.. నాని మూవీని కూడా లాగేశాడా ?

తన చిత్రాల రిజల్ట్ సంగతి ఎలా ఉన్నా యువ హీరో నితిన్ జోరు మాత్రం మామూలుగా లేదు. నితిన్ ఇటీవల రియల్ లైఫ్ లో తండ్రిగా ప్రమోషన్ పొందాడు. తన సతీమణి షాలిని మగబిడ్డకు జన్మనిచ్చిన సంగతి తెలిసిందే. కాగా నితిన్ ప్రస్తుతం రాబిన్ హుడ్, తమ్ముడు అనే రెండు చిత్రాల్లో నటిస్తున్నాడు. రెండు చిత్రాలు భారీ బడ్జెట్ లో తెరకెక్కుతున్నాయి. తమ్ముడు చిత్రం దిల్ రాజు నిర్మాణంలో వేణు శ్రీరామ్ దర్శకత్వంలో తెరకెక్కుతోంది. ఈ చిత్ర బడ్జెట్ 70 కోట్లు దాటినట్లు తెలుస్తోంది. 

అయితే నితిన్ తదుపరి చిత్రాల గురించి కూడా ఆసక్తికర వార్తలు వస్తున్నాయి. నితిన్ నెక్స్ట్ మూవీ విక్రమ్ కుమార్ దర్శకత్వంలో తెరకెక్కబోతున్నట్లు టాక్. ఈ చిత్రాన్ని పాన్ ఇండియా మూవీగా ప్లాన్ చేస్తున్నారట. విక్రమ్ కుమార్ నితిన్ కెరీర్ ని నిలబెట్టిన దర్శకుడు. వరుస ఫ్లాపులతో నితిన్ పదేళ్లుగా సతమతమవుతున్న సమయంలో.. విక్రమ్ కుమార్ ఇష్క్ చిత్రంతో మంచి హిట్ ఇచ్చారు. అక్కడి నుంచి నితిన్ కెరీర్ మరో టర్న్ తీసుకుంది. 

బిగ్ బాస్ హౌజ్ నుంచి రెండో వారం ఎగ్జిట్ అయ్యేది ఎవరు

ఇప్పుడు విక్రమ్ కుమార్ నితిన్ కోసం 80 కోట్ల బడ్జెట్ అవసరం అయ్యే కథ రెడీ చేస్తున్నారట. సినిమా రిలీజ్ అయ్యేసరికి 100 కోట్లు దాటిపోయినా ఆశ్చర్యం అవసరం లేదు. అదే సమయంలో నితిన్ తదుపరి చిత్రాల గురించి మరో వార్త కూడా వినిపిస్తోంది. బలగం వేణు, నాని కాంబినేషన్ లో దిల్ రాజు నిర్మాణంలో ఒక చిత్రం తెరకెక్కవలసింది. 

Also Read: లెజెండ్రీ హీరో మూవీలోని సీన్లు పెట్టి బ్లాక్ బస్టర్ కొట్టిన డైరెక్టర్..పెద్ద రచ్చ అయింది..

కానీ నానికి కథ నచ్చకపోవడంతో ఆ ప్రాజెక్ట్ నుంచి తప్పుకున్నారు. ఈ చిత్రానికి ఎల్లమ్మ అనే టైటిల్ ప్రచారంలో ఉంది. నాని తప్పుకోవడంతో ఈ చిత్రం ఇప్పుడు నితిన్ చేతుల్లోకి వెళ్లినట్లు వార్తలు వస్తున్నాయి. దిల్ రాజు నితిన్ తో సంప్రదింపులు జరుపుతున్నారట. ఆల్రెడీ వీరిద్దరి కాంబోలో తమ్ముడు తెరకెక్కుతోంది. ఎల్లమ్మ సెట్ అయితే అది కూడా క్రేజీ ప్రాజెక్టు అవుతుంది. మరి నితిన్ ఎలాంటి నిర్ణయం తీసుకుంటాడో చూడాలి. 

Also Read: ఏజ్ గ్యాప్ 40 ఏళ్ళు, మనవరాలిగా నటించిన అమ్మాయినే హీరోయిన్ గా..ఎన్టీఆర్ ని ఎలా ఒప్పించారో తెలుసా