Neha Dhupia: నీ నవ్వు దారుణంగా ఉంది, నా ముందు నవ్వకు అన్నారు.. కన్నీళ్లు ఆగలేదు అంటూ నటి కామెంట్స్

బాలీవుడ్ నటి నేహా ధూపియా తన కెరీర్ తొలినాళ్లలో ఎదుర్కొన్న ఓ చేదు అనుభవాన్ని పంచుకున్నారు. ఓ కాస్టింగ్ డైరెక్టర్ తన నవ్వు గురించి చేసిన దారుణమైన కామెంట్ వల్ల తన ఆత్మవిశ్వాసం ఎలా దెబ్బతిన్నదో, ఆ బాధ ఏళ్లపాటు ఎలా వెంటాడిందో ఆమె వివరించారు.

Image Credit : Instagram/ Neha Dhupia

నేహా ధూపియా

నేహా ధూపియా ప్రముఖ బాలీవుడ్ నటి. 2002లో మిస్ ఇండియా కిరీటం గెలుచుకున్నారు. అదే ఏడాది మిస్ యూనివర్స్ పోటీల్లో భారతదేశానికి ప్రాతినిధ్యం వహించారు. ఆమె తన నటన ప్రస్థానాన్ని ఒక తెలుగు సినిమాతో ప్రారంభించి, ఆ తర్వాత హిందీ చిత్ర పరిశ్రమలో స్థిరపడ్డారు. ఎన్నో సినిమాలు, రియాలిటీ షోలలో ఆమె కనిపించారు.

Image Credit : Social Media

నువ్వు నవ్వకుండా ఉంటేనే మంచిది

ఇటీవల 'డబుల్ డేట్' అనే షోలో నేహా ధూపియా తన కెరీర్ తొలినాళ్ల నాటి ఓ సంఘటనను గుర్తుచేసుకున్నారు. ఓ టీవీ షో ఆడిషన్ సమయంలో, ఒక కాస్టింగ్ డైరెక్టర్ ఆమెతో 'నీ నవ్వు అస్సలు బాగాలేదు, నువ్వు నవ్వకుండా ఉంటేనే మంచిది' అని అన్నారట. ఆ మాట తన ఆత్మవిశ్వాసాన్ని తీవ్రంగా దెబ్బతీసిందని నేహా చెప్పారు.

Image Credit : Facebook

నవ్వడానికి చాలా ఇబ్బంది పడ్డా

ఆ కామెంట్ తన ఆత్మగౌరవాన్ని ఏళ్లపాటు దెబ్బతీసిందని నేహా పంచుకున్నారు. మిస్ ఇండియా కిరీటం గెలిచిన తర్వాత కూడా, ఫోటోలలో, బహిరంగ కార్యక్రమాలలో స్వేచ్ఛగా నవ్వడానికి చాలా ఇబ్బంది పడ్డానని చెప్పారు. దాదాపు 8 నుంచి 10 ఏళ్ల పాటు ఆ అభద్రతాభావం తనను వెంటాడిందని, ఆ దశలో తనను తాను చూసుకునే విధానాన్నే అది మార్చేసిందని ఆమె అన్నారు.

Image Credit : Facebook

ఒక్క నెగటివ్ కామెంట్ వల్ల కాన్ఫిడెన్స్ కోల్పోయా

ఈ సంఘటనతో వినోద పరిశ్రమలో కొత్తగా అడుగుపెట్టేవారు ఎదుర్కొనే ఒత్తిడి గురించి తనకు మరింత స్పష్టత వచ్చిందని నేహా వివరించారు. తన అనుభవాన్ని పంచుకోవడం ద్వారా, ఒకే ఒక్క నెగటివ్ కామెంట్ మానసిక ఆరోగ్యాన్ని, ఆత్మవిశ్వాసాన్ని ఎంతలా దెబ్బతీస్తుందో ఆమె నొక్కి చెప్పారు. ముఖ్యంగా ఇండస్ట్రీలో నిలదొక్కుకోవడానికి ప్రయత్నించే యువ నటీనటులపై దీని ప్రభావం ఎక్కువగా ఉంటుందన్నారు.