- Home
- Entertainment
- Nainika: రియల్ ఎస్టేట్ యాడ్ అన్నారు, కానీ దాని కోసం నాకు రేటు ఫిక్స్ చేశారు.. బిగ్ బాస్ నైనికా సంచలనం
Nainika: రియల్ ఎస్టేట్ యాడ్ అన్నారు, కానీ దాని కోసం నాకు రేటు ఫిక్స్ చేశారు.. బిగ్ బాస్ నైనికా సంచలనం
బిగ్ బాస్ ఫేమ్ డ్యాన్సర్ నైనికా టాలీవుడ్ లో కాస్టింగ్ కౌచ్ జరుగుతోంది అంటూ సంచలన వ్యాఖ్యలు చేశారు, తనను ఎదురైనా ఒక చేదు సంఘటనని ఆమె రివీల్ చేశారు. ఆ వివరాలు ఈ కథనంలో తెలుసుకుందాం.
బిగ్ బాస్ నైనికా
డ్యాన్సర్ గా, కొరియోగ్రాఫర్ గా నైనికా అనసూరు గుర్తింపు పొందింది. ఢీ షోతో ఆమెకి విపరీతమైన క్రేజ్ వచ్చింది. ఆ క్రేజ్ తోనే బిగ్ బాస్ షోలో పాల్గొనే అవకాశం దక్కించుకుంది. బిగ్ బాస్ సీజన్ 8లో నైనికా పాల్గొంది. సోషల్ మీడియాలో కూడా నైనికా తన గ్లామర్, డ్యాన్స్ తో భారీ సంఖ్యలో ఫాలోవర్స్ ని సొంతం చేసుకుంది.
టాలీవుడ్ లో చీకటి కోణం
ఓ ఇంటర్వ్యూలో నైనికా మాట్లాడుతూ టాలీవుడ్ లో ఉన్న చీకటి కోణాలని బయటపెట్టింది. ఇండస్ట్రీ స్మూత్ ప్లేస్ ఏమీ కాదు. ఇక్కడ డార్క్ థింగ్స్ చాలా జరుగుతున్నాయి. కొత్తవాళ్లకు ఈ ప్లేస్ నరకం అనే చెప్పాలి. నేను అయితే నాకు కూతురు పుడితే ఇండస్ట్రీకి పంపను. నాకు చెల్లి ఉన్నా కూడా వద్దని చెబుతా. నేను కళ్లారా కొన్ని చీకటి సంఘటనలు చూశాను అని నైనికా సంచలన వ్యాఖ్యలు చేశారు.
రియల్ ఎస్టేట్ యాడ్, నీ రేటు ఇదే అంటూ వల్గర్ గా
కొత్తగా వచ్చే అమ్మాయిలని డైరెక్ట్ గా కాంప్రమైజ్ అడుగుతారు. నాకు ఒక షాకింగ్ సంఘటన ఎదురైంది. ఒకరు నాకు ఫోన్ చేసి యాడ్ షూట్ చేయాలి అని అన్నారు. ఏ బ్రాండ్ అని అడిగా. ఇది ఒక రియల్ ఎస్టేట్ కంపెనీ చాలా రిచ్ పీపుల్ ఉన్నారు అని చెప్పారు. బడ్జెట్ బాగానే ఉంటుంది కదా అని ఒకే చెప్పా. ఆ తర్వాత అతడు మీ పర్సనల్ రేటు ప్రకారమే రెమ్యునరేషన్ ఇస్తాం అని చెప్పాడు. నాకు ఫ్యూజులు ఎగిరిపోయాయి.
ఫోటో కింద రేటు పెట్టారు
పర్సనల్ రేటు ఏంటి ? అని అడిగితే మీరు పర్సనల్ గా కలవాల్సి ఉంటుంది. మీరు ఫోటో కింద రేటు పెట్టి వైరల్ చేస్తున్నారు కదా. దాని గురించే చెబుతున్నా అని అన్నాడు. అలాంటివి అస్సలు చేయను అని ఫోన్ పెట్టేశాను అని నైనికా పేర్కొంది.
అలాంటి అవకాశాలు అవసరం లేదు
నన్ను ఎవరైనా కమిట్మెంట్ అడిగితే వెంటనే నో చెప్పేస్తా. అలాంటి ప్రాజెక్ట్ లో నాకు అవకాశం అవసరం లేదు. నీకు ట్యాలెంట్ ఉంది, అనుభవం ఉంది కాబట్టి నాకు నచ్చింది నేను చేయొచ్చు. కమిట్మెంట్స్ కి తలొగ్గాల్సిన అవసరం లేదు. కానీ కొత్తగా వచ్చే అమ్మాయిల పరిస్థితి మాత్రం దారుణం అని నైనికా పేర్కొంది.
