- Home
- Entertainment
- Balakrishna Vs Ravi Teja: రవితేజ దెబ్బకు బాలకృష్ణ 3 క్రేజీ సినిమాలు బలి.. ఇంత విధ్వంసం జరిగిందా
Balakrishna Vs Ravi Teja: రవితేజ దెబ్బకు బాలకృష్ణ 3 క్రేజీ సినిమాలు బలి.. ఇంత విధ్వంసం జరిగిందా
Balakrishna Vs Ravi Teja: రవితేజ దెబ్బకు బాలయ్య నటించిన 3 క్రేజీ సినిమాలు కనిపించకుండా పోయాయి. బాక్సాఫీస్ వద్ద జరిగిన ఈ పోటీ గురించి ఈ కథనంలో తెలుసుకోండి.
Ravi Teja
నందమూరి బాలకృష్ణ టాలీవుడ్ లో పవర్ ఫుల్ మాస్ హీరో. ఇక రవితేజ ఏమో మంచి కామెడీ టైమింగ్ ఉన్న మాస్ హీరో. ఇలాంటి ఇద్దరు హీరోల మధ్య బాక్సాఫీస్ వార్ జరిగితే రసవత్తరంగా ఉంటుంది. బాలయ్యతో బాక్సాఫీస్ పోటీలో రవితేజ విజయం సాధించారు. 3 సార్లు వీరిద్దరి సినిమాలు ఒకేసారి పోటీ పడ్డాయి. ఆ సినిమాల వివరాలు ఇప్పుడు చూద్దాం.
ఒక్క మగాడు - కృష్ణ
రవితేజ దెబ్బకు బాలకృష్ణ కెరీర్ లోనే అత్యత ప్రతిష్ఠాత్మక చిత్రం డిజాస్టర్ అయింది. వైవిఎస్ చౌదరి దర్శకత్వంలో బాలయ్య నటించిన ఒక్క మగాడు మూవీ కనీ వినీ ఎరుగని విధంగా భారీ అంచనాలతో రిలీజ్ అయింది. చెత్త కథ, దర్శకత్వం వల్ల తొలి షో నుంచే ఒక్క మగాడు చిత్రానికి డిజాస్టర్ టాక్ మొదలైంది. పుండు మీద కారం లాగా ఒక రోజు గ్యాప్ తో రవితేజ కృష్ణ మూవీ రిలీజ్ అయింది. వివి వినాయక్ ఈ చిత్రానికి దర్శకుడు. ఈ మూవీ తొలి రోజునుంచే సూపర్ హిట్ టాక్ సొంతం చేసుకోవడంతో బాలయ్య ఒక్కమగాడు మూవీ బాక్సాఫీస్ వద్ద కనిపించకుండా పోయింది. ఒక్క మగాడు మూవీ 2008 జనవరి 11న రిలీజ్ కాగా.. కృష్ణ మూవీ జనవరి 12న రిలీజ్ అయింది.
మిత్రుడు - కిక్
మరోసారి బాలయ్య, రవితేజ 2009లో పోటీ పడ్డారు. మే 1న బాలకృష్ణ మిత్రుడు చిత్రం రిలీజ్ అయింది. వారం గ్యాప్ లో రవితేజ కిక్ మూవీ ప్రేక్షకుల ముందుకు వచ్చింది. మిత్రుడు నిరాశ పరచగా.. కిక్ మూవీ మాత్రం బ్లాక్ బస్టర్ హిట్ అయింది.
పరమవీర చక్ర - మిరపకాయ్
2011లో బాలకృష్ణ, రవితేజ మరోసారి సంక్రాంతికి పోటీ పడ్డారు. దర్శకరత్న దాసరి నారాయణరావు దర్శకత్వంలో బాలయ్య నటించిన పరమవీర చక్ర చిత్రం జనవరి 12న రిలీజ్ అయింది. అదే రోజున రవితేజ మిరపకాయ్ మూవీ విడుదలైంది. పరమవీర చక్ర దారుణమైన పరాజయాన్ని మూటగట్టుకుంది. రవితేజ, హరీష్ శంకర్ కాంబోలో వచ్చిన మిరపకాయ్ మాత్రం సూపర్ హిట్ అయింది.
రవితేజదే పైచేయి
మొత్తంగా రవితేజ, బాలకృష్ణ మధ్య జరిగిన బాక్సాఫీస్ వార్ లో రవితేజనే విజయం సాధించారు. రవితేజ తాజాగా తన వరుస పరాజయాలకు ఫుల్ స్టాప్ పెడుతూ ఇరుముడి చిత్రంతో సంచలన బ్లాక్ బస్టర్ అందుకున్నారు. నెవర్ బిఫోర్ అనిపించే కలెక్షన్స్ తో ఈ చిత్రం దూసుకుపోతోంది.
