Krishna Mukunda Murari: డైరీ కోసం టెన్షన్ పడుతున్న మురారి.. ఆట ప్రారంభించిన ముకుంద!

Krishna Mukunda Murari: స్టార్ మా లో ప్రసారమవుతున్న కృష్ణ ముకుంద మురారి సీరియల్ మంచి కంటెంట్ తో మంచి రేటింగ్ ని సంపాదించుకుంటూ టాప్ సీరియల్స్ సరసన స్థానం సంపాదించుకుంటుంది. తను ప్రేమించిన వ్యక్తి జీవితంలో ఆడుకుంటున్న ఒక మూర్ఖపు ప్రేమికురాలి కథ ఈ సీరియల్. ఇక ఈరోజు జూన్ 23 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో మురారిని నిద్రపుచ్చటానికి నానా ప్రయత్నాలు చేస్తుంది కృష్ణ. అన్ని మర్చిపోయి ప్రశాంతంగా మీరు ఒక్కరే ఒంటరిగా ఒక ప్రశాంతమైన వాతావరణంలో దూరంగా ఎవరో వేణువుదుతూ ఉంటారు అని కబుర్లు చెప్తే ఉంటుంది కృష్ణ. నిద్రపోకుండా అప్పుడు నువ్వు ఎక్కడ ఉంటావు అని అడుగుతాడు మురారి. మీ నిద్ర ఏమో గాని నా ఓపిక పోతుంది అని విసుక్కుంటుంది కృష్ణ.

నిద్రలో మీ పక్కన లేనేమో అంటుంది. నిద్రలో కూడా నువ్వు నా పక్కనే ఉండాలి అనుకుంటాడు మురారి. కృష్ణ గల గల మాట్లాడుతూ ఉంటే మెల్లగా నిద్రలోకి జారుకుంటాడు. నిద్రపోయిన మురారిని చూసి ఇప్పుడు నన్ను ఎవరు నిద్రపుచ్చుతారు అగ్రిమెంటు అదే కదా నిజంగా నువ్వు తింగరి దానివే అని తనని తానే తిట్టుకుంటుంది కృష్ణ. సీన్ కట్ చేస్తే తన కొడుకు కోడలు కాపురం చల్లగా ఉండాలని దేవుడికి దండం పెట్టుకుంటుంది రేవతి.

మరోవైపు అందంగా ముస్తాబైన కృష్ణ భర్తని నిద్ర లేపి గుడ్ మార్నింగ్ చెప్తుంది. నిద్రలేస్తూనే కృష్ణను చూసి ఆశ్చర్యపోతాడు మురారి. బాపు బొమ్మకి ప్రాణం పోస్తే అచ్చం నీలాగే ఉంటుంది అని కాంప్లిమెంట్ ఇస్తాడు మురారి. చీరలో ఎంత బాగున్నాను అంటుంది కృష్ణ. అలా చూస్తూనే ఉండిపోవాలనిపిస్తుంది అంటాడు మురారి. అనిపిస్తుంది రేవతి అత్తయ్య వచ్చిందంటే అప్పుడు ఇంకా బాగా అనిపిస్తుంది అని వెటకారమాడుతుంది కృష్ణ.

అమ్మ రెడీ అయిపోయిందా అంటాడు మురారి. ఎప్పుడో రెడీ అయిపోయారు మనకోసమే వెయిట్ చేస్తున్నారు ఫాస్ట్ గా రెడీ అయి వస్తాడు మురారి. ఆ తర్వాత డైరీ కోసం వెతుకుతుంటే అది కనిపించదు. ఎవరికి దొరికిందా ఎవరైనా తీసారా అని కంగారు పడుతాడు. ఎవరికి దొరికినా పర్వాలేదు కానీ ముకుంద కి దొరకకూడదు అని అనుకుంటాడు.

 ఏం వెతుకుతున్నారు అని కృష్ణ అడిగితే చిన్న పర్సనల్ పని ఉంది నువ్వు వెళ్ళు నేను వస్తాను అని కిందకి పంపిస్తాడు. కిందికి వచ్చిన కోడల్ని మురారి ఏడి అని అడుగుతుంది రేవతి. ఏదో పర్సనల్ పని అంట వచ్చేస్తానన్నారు అంటుంది కృష్ణ. అప్పుడు రేవతి కూడా కృష్ణ అందాన్ని పొగుడుతుంది. అప్పటికి మురారి రాకపోవడంతో టైం అయిపోతుంది కానీ కొడుకుని పిలుస్తుంది రేవతి.

ఇక తప్పక డైరీ సంగతి పక్కన పెట్టి కిందికి వస్తాడు మురారి. దంపతులిద్దరిని దేవుడి దగ్గరికి తీసుకెళ్లి దండం పెట్టిస్తుంది రేవతి. ఇద్దరూ కూడా వాళ్లది అగ్రిమెంట్ మ్యారేజ్ కాకుండా శాశ్వతం గా ఆ బంధం ఉండిపోవాలని మనసులో కోరుకుంటారు. సెండ్ ఆఫ్ చెప్పేటప్పుడు ముకుంద లేకపోవడంతో ముకుంద ఏదీ అని అడుగుతుంది కృష్ణ. ఈ హడావుడిలో తను ఎక్కడుందో పట్టించుకోవటం మర్చిపోయాను అనుకుంటుంది రేవతి.

ఆ తర్వాత అందరూ దగ్గరుండి కృష్ణ వాళ్ళని సాగనంపుతారు. కారులో వెళ్తున్న మురారి తన డైరీ ఏమైందో అని కంగారుపడుతూ ఉంటాడు. మురారి కార్ డ్రైవ్ చేస్తూ ఏదో ఆలోచనలో ఉండడాన్ని గమనించి ఫామ్ హౌస్ కి వెళ్ళాక కూడా ఇలాగే ఉంటే ఊరుకోను అంటూ కండిషన్లు పెడుతుంది కృష్ణ. అమ్మ ఏం చెప్పింది ఏమి ఆలోచించకుండా టైం వేస్ట్ చేసుకుంటారు టైంపాస్ చేస్తారు మీ ఇష్టం అన్నారు కదా అని గుర్తు చేస్తాడు మురారి.

ఫుల్ గా ఎంజాయ్ చేద్దాం పోనీయండి అంటుంది కృష్ణ. సీన్ కట్ చేస్తే మురారి వాళ్ళకన్నా ముందే ముకుంద ఆ ఫామ్ హౌస్ కి చేరుకుంటుంది. అక్కడ వర్క్ చేసే ఆవిడ ముకుందని రిసీవ్ చేసుకుంటుంది. ఒక్కరే వచ్చారేంటి సార్ తో కలిసి వస్తానని చెప్పారు రేవతి మేడం అని అంటుంది. నేను రేవతి అత్తయ్య కోడల్ని కాదు భవాని గారి కోడల్ని అని చెప్పి ఆవిడని మాటల్లో పెట్టి మీ అమ్మాయి పెళ్లి కుదిరింది అన్నారు ఎంతవరకు వచ్చింది అని అడుగుతుంది.

 కట్నం ఎక్కువగా అడుగుతున్నారు అందుకే ఆలోచిస్తున్నాము అంటుంది ఆవిడ. వెంటనే ఆవిడకి లక్ష రూపాయలు మనీ ట్రాన్స్ఫర్ చేసి మీ అమ్మాయి పెళ్లి విషయంలో మీరు ఏమి కంగారు పడకండి ఆ బాధ్యత నాది అని చెప్పి.. నేను ఇక్కడికి వచ్చినట్లు ఎవరికీ తెలియకూడదు అని చెప్తుంది  ముకుంద. అర్థమైంది మీరు నాకు ఇచ్చిన డబ్బులకి నేను రిస్క్ పేస్ చేయాలన్నమాట అంటుంది ఆవిడ.

 అవును లేకపోతే రేవతి అత్తయ్య కాదు నేనే ఉద్యోగం నుంచి తీసేస్తాను అని బెదిరిస్తుంది ముకుంద. ఆ తరువాత ఇక ఆట ప్రారంభం అయింది అనుకుంటుంది ముకుంద. తరివాయి భాగంలో ఫామ్ హౌస్ కి వస్తారు మురారి వాళ్లు. ఇద్దరూ వాళ్ల మనసులో మాట బయటపెట్టాలి అనుకుంటారు. వాళ్లని దూరం నుంచి వీడియో తీస్తూ ఉంటుంది ముకుంద.