Krishna Mukunda Murari: మురారిని విసిగిస్తున్న ముకుంద ప్రవర్తన.. అనుమానం పెంచుకున్న కృష్ణ?

Krishna Mukunda Murari: స్టార్ మా లో ప్రసారమవుతున్న కృష్ణ ముకుంద మురారి సీరియల్ మంచి రేటింగ్ తో ప్రేక్షకుల హృదయాలని గెలుచుకుంటుంది. పెళ్లి అయిన ప్రేమికుడిని తన ప్రవర్తనతో విసిగిస్తున్న ఒక ప్రియురాలి కథ ఈ సీరియల్. ఇక ఈరోజు జూన్ 2 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో ప్రేమించడం కరెక్టే కానీ ఆ విషయం ముందే చెప్పకపోవడం తప్పు అంటుంది కృష్ణ. ఇప్పుడేం చేయాలో మీరే చెప్పండి అంటాడు ఆ అబ్బాయి. మనసులో ఒకసారి ప్రేమ పుడితే అది పుట్టుమచ్చలాగా మనసులోనే ఉండిపోతుంది. ప్రేమించిన వాళ్ళు దూరమైనా సరే మనసులోనే శాశ్వతంగా ఉండిపోతారు అంటాడు మురారి.

కృష్ణ డైరీలో మురారి రాసిన కవిత్వం చదువుకొని బాధపడుతుంది. ప్రేమించగానే సరిపోదు దాన్ని పెళ్ళి వరకు తీసుకురావాలి. లేకపోతే ఆ అమ్మాయిని మర్చిపోవాలి అంటూ ఆవేశంగా మాట్లాడుతుంది. వీళ్ళిద్దరూ ఇలా మాట్లాడుకుంటూ ఉంటే కృష్ణ వాళ్ళని అదోలాగా చూస్తూ అక్కడ నుంచి వెళ్ళిపోతారు ఆ అమ్మాయి, అబ్బాయి.

మరోవైపు డబ్బులు సంపాదించాక ఏంటి కొనాలో లిస్ట్ రాసుకుంటూ ఉంటాడు మధు. ముందు నాకు ఒక 50,000 ఇవ్వు ఉంటుంది అలేఖ్య. అంత బడ్జెట్ నా దగ్గర లేదు అంటాడు మధు. ఇప్పుడే అవి కొంటాను ఇవి కొంటాను అంటూ కోతలు కోసావు అంటూ వెటకారంగా మాట్లాడుతుంది మధు. 10000 ఇస్తాను సర్దుకోవే అంటూ భార్యని బుజ్జగిస్తాడు మధు.

మురారి లాగా ఆదర్ష్ లాగా నువ్వు కూడా ఈ ఇంటి వారసుడవే కదా వెళ్లి మీ నాన్నని అడిగి ఒక లక్ష తీసుకురా అని ఆర్డర్ వేస్తుంది అలేఖ్య. ఏం జరుగుతుందో ఏంటో అనుకుంటూ భయంగా తండ్రి దగ్గరికి వెళ్తాడు మధు. సీన్ కట్ చేస్తే మురారి కోసం వాకిట్లోనే వెయిట్ చేస్తూ ఉంటుంది ముకుంద. మురారి రాగానే నీకోసమే వెయిట్ చేస్తున్నాను నీతో మాట్లాడాలి అంటుంది.

నేను ఇప్పటికే ఆఫీసు తలనొప్పులతో ఉన్నాను నన్ను లోపలికి వెళ్ళనివ్వు అంటాడు మురారి. నేను చెప్పేది వింటే నీ మనసు అల్లకల్లోలం అయిపోతుంది అంటుంది ముకుంద. ఇప్పటికే నా మనసు అల్లకల్లోలంగా ఉంది ఇంతకన్నానా అంటాడు మురారి. పొద్దున్న రేవతి తో జరిగిన సంభాషణ అంతా చెప్తుంది ముకుంద.

ఒకసారి గా షాక్ అవుతాడు మురారి. ఎందుకు అలా చెప్పావు మన మధ్య ఏమీ లేదని చెప్పవచ్చు కదా ఇప్పుడు నిజం చెప్పడం వల్ల నీకు ఏంటి లాభం. ఆవిడ ముందు నేను ఎలా తలెత్తుకోవాలి అంటాడు మురారి. నన్ను అపార్థం చేసుకుంటున్నారు. ఈ ఇంట్లో ఎలాగూ మీకు విలువ ఉంటుంది కానీ నాకే విలువ లేకుండా పోతుంది అందుకే నిజం చెప్పేసాను అంటుంది ముకుంద.

నిజం తెలిస్తే ఆవిడ తట్టుకోగలగానే చెప్పావా అంటూ కోప్పడతాడు మురారి. మరి ప్రేమించిన నన్ను వదిలేసి మరొక అమ్మాయిని పెళ్లి చేసుకున్నావు నేను ఎలా తట్టుకుంటాను అనుకున్నావు అంటుంది ముకుంద. నువ్వు నాకు ఇంకేమీ చెప్పొద్దు నీతో ఎంత మాట్లాడినా వేస్ట్ అంటూ ముకుంద కి పెద్ద నమస్కారం పెట్టి లోపలికి వెళ్ళిపోతాడు మురారి.

బాధతో చూస్తూ ఉండిపోతుంది ముకుంద. మరోవైపు తండ్రి దగ్గరికి వచ్చి పది లక్షలు డబ్బు అడుగుతాడు. పది రూపాయలు కూడా లేవు అంటాడు ప్రసాద్. నేను కూడా మురారి వాళ్ళ లాగా ఈ ఇంటి వారసుడనే కదా అంటాడు మధు. వాళ్లతో మీకు పోలిక ఏంటి వాళ్ళు శుభ్రంగా చదువుకున్నారు నిన్ను చదువుకోమంటే గాలి తిరుగుళ్ళు తిరిగి ఇలా తయారయ్యావు అని మందలిస్తాడు ప్రసాద్.

అంతా తండ్రి పోలికే.. కనీసం ఐదు లక్షలైనా ఇవ్వు అని బ్రతిమాలతాడు మధు. 500 ఉన్నాయి తీసుకో అంటూ కొడుకు చేతిలో పెడతాడు ప్రసాద్. నేను కూడా ఫ్యూచర్ లో డబ్బులు సంపాదించి ఇలాగే నీ చేతిలో డబ్బులు పెడతాను అందాకా ఈ 500 ఉంచుకో నా డబ్బులతో ఎంజాయ్ చెయ్ అంటూ అక్కడి నుంచి వెళ్ళిపోతాడు మధు.

ఆ మాటలకి షాకైన ప్రసాద్ ఇలాంటి తింగరి వాడిని కన్నావేంటి అని భార్యని అడుగుతాడు. మీరేగా వాడివన్నీ నా పోలికలే అంటూ ఉంటారు అని మొగుడికి పంచ్ వేసి వెళ్ళిపోతుంది సుమ. మరోవైపు ఇంటికి వచ్చిన కృష్ణ అత్తగారు ముభావంగా ఉండడాన్ని చూసి ఎందుకలా ఉన్నారు అని అడుగుతుంది. ఏం లేదు అని చెప్పి అక్కడ నుంచి వెళ్ళిపోతుంది రేవతి. గడువు తీరిన తర్వాత భర్త తనని పంపించేస్తాడేమో అని మనసులోనే అనుమాన పడుతుంది కృష్ణ. భర్త దగ్గరికి వచ్చి అత్తయ్య ఎందుకలా ఉన్నారు అని అడుగుతుంది. 

ఏమో నాకేం తెలుసు. మనుషులు ఎప్పుడు ఎలా మారుతున్నారో అర్థం కావడం లేదు అంటాడు మురారి. పొద్దున్న నేను మాట్లాడిన దానిలో తప్పు ఏమైనా ఉందా అని మురారి కృష్ణ ని, కృష్ణ మురారిని అడుగుతారు. తరువాయి భాగంలో కృష్ణ తన బట్టలు సర్దుతూ ఉంటే డైరీ ఎక్కడ బయటపడిపోతుందో అని కంగారు పడిపోతూ ఉంటాడు మురారి.