Prema Entha Madhuram: మరదలి ఆట కట్టించిన ఆర్య.. మాన్సీ షాకయ్యేంతలా నోటీసులో ఏముంది?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ మంచి కంటెంట్ తో టాప్ సీరియల్స్ సరసన స్థానం సంపాదించుకుంది. అత్తింటిని సాధించాలనుకుని తన కాపురానికే చేటు తెచ్చుకున్న ఒక మూర్ఖురాలి కథ ఈ సీరియల్. ఇక ఈ రోజు మే 13 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో మన కోసం జీవితాన్ని త్యాగం చేసిన అంజలి అవమానంతో తలదించుకోవాల్సి వచ్చింది. ఇంతకుముందు ఏ ఆడదానికి ఇలాంటి అవమానం జరిగి ఉండదు మన వర్ధన్ గ్రూప్ తలదించుకోవాల్సిన పరిస్థితి అంటుంది శారదమ్మ. మాన్సీ అడుగడుగునా అడ్డు తగులుతుంది తనని మనం భరిస్తున్న కానీ స్టాఫ్ భరించట్లేదు.

మూకుమ్మడిగా రాజీనామా చేయడానికి సిద్ధపడ్డారు. ఇప్పుడు మిమ్మల్ని తప్పితే ఎంప్లాయిస్ ఎవరిని నమ్మేటట్లుగా లేరు దయచేసి వెనక్కి వచ్చేయండి అంటాడు నీరజ్. అలా రావడం కుదరదు అంటాడు  ఆర్య. ఎందుకు కుదరదు వెనక్కి రాలేనంత దూరం వెళ్ళిపోయావా.. నువ్వు లేకపోతే కంపెనీ మూతపడే స్టేజ్ కి వస్తుంది.

మన కంపెనీ సంగతి పక్కన పెట్టు కానీ ఆ కుటుంబాలన్నీ రోడ్డున పడిపోతాయి. ఇన్నాళ్లు నువ్వు పడిన శ్రమ అంతా వృధా అయిపోతుంది ఒకసారి ఆలోచించు అంటూ కొంగు పట్టి అడుగుతుంది శారదమ్మ. అలా అడిగేసరికి బాధపడతాడు ఆర్య. రాకూడదని కాదు రావాలని లేదమ్మా అంటాడు ఆర్య. ఇలా కొంగు పట్టి అడగడం నిన్ను ఇబ్బంది పెట్టడమే కానీ ఆరోజు కుంతీదేవి ఇలాగే అడిగింది.

కర్ణుడు కాదన్నాడు కానీ నువ్వు అలా అనొద్దు. పద్మవ్యూహంలో అభిమన్యుడిని పోగొట్టుకొని సుభద్రని కాలేను.. కర్ణుడిని పోగొట్టుకున్న కుంతిని కాలేను  దయచేసి ఇంటికి రా అంటుంది. నువ్వైనా నీ భర్తకి చెప్పు అను అంటూ అనుని అడుగుతుంది శారదమ్మ. సీన్ కట్ చేస్తే ఆర్య సూటు బూటుతో కంపెనీలో అడుగు పెడతాడు. జెండే తో సహా స్టాఫ్ అందరూ అతనికి వెల్కమ్ చెప్తారు.

కానీ ఆర్య మాత్రం వెల్కమ్ చెప్పవలసింది నాకు కాదు ముందు బోర్డు మీటింగ్ అరేంజ్ చెయ్యు అంటూ జెండె కి చెప్పి ఆఫీస్ రూమ్ లోకి వెళ్ళిపోతాడు. అక్కడ అంజలితో బోర్డ్ మీటింగ్ ఏర్పాటు చేశాను నాతోపాటు రా అంటాడు. అందరితో పాటు అంజలి కూడా మీటింగ్కి అటెండ్ అవుతుంది. మీటింగ్ లో  అంజలిని నందిని గ్రూప్ ఆఫ్ టెక్స్టైల్స్ కి ఎండీ ని చేస్తున్నాను.

మీలో ఎంతమంది యాక్సెప్ట్ చేస్తారు అంటాడు ఆర్య. ఒక్క మాన్సీ తప్ప అందరూ యాక్సెప్ట్ చేస్తారు. మెజారిటీ ఓటింగ్ ప్రకారం అంజలిని ఎండీ గా నియమిస్తున్నాను అంటాడు ఆర్య. నేను అపోజ్ చేస్తున్నాను మన కంపెనీ రూల్స్ ప్రకారం ఒక్క డైరెక్టర్ ఒప్పుకోకపోయినా ఆ నియామకం చెల్లదు అంటుంది మాన్సీ. పైగా తను ఎండీని చేయాలి అంటే బోర్డు మెంబర్ అయి ఉండాలి. అలాగని ఇప్పటికిప్పుడు తనని ఎండీ ని చేయడానికి కుదరదు ఎందుకంటే రూల్స్ ప్రకారం ఉండవలసిన తొమ్మిది మంది ఉన్నారు అందుకని మన కంపెనీకి ఏమీ కానీ ఆమెని ఎండీ ని చేయటానికి కుదరదు అంటుంది మాన్సీ.

అను.. అంటాడు ఆర్య. అర్థం చేసుకున్న అను తన డైరెక్టర్ పదవికి రాజీనామా చేస్తుంది. ఒక్కసారిగా షాక్ అయిపోతుంది మాన్సీ. సరైన కారణం లేకుండా రీజైన్ చేయటానికి కుదరదు. రిజైన్ చేయడానికి  కారణం చెప్పు అంటుంది. నేను ప్రెగ్నెంట్ ని 2,3 డేస్ లో నాకు డెలివరీ ఉంది నేను ఇకపై మీటింగ్స్ లో యాక్టివ్ గా ఉండలేను అందుకే రిజైన్ చేస్తున్నాను అంటుంది. ఇదంతా వద్దు నేను మీ మీద గ్రాటిట్యూడ్ చూపించాలనుకున్నాను చూపించాను అంతేకానీ నేను ఆశించలేదు అంటుంది అంజలి. రాజీనామా చెయ్యొద్దు అంటూ అను ని రిక్వెస్ట్ చేస్తుంది.

అయినా అను రాజీనామా చేయడంతో దానిని యాక్సెప్ట్ చేస్తూ సైన్ చేస్తాడు ఆర్య. ఇప్పుడు అంజలి బోర్డు మెంబర్ అంతే కాదు నందిని టెక్స్టైల్స్ కి ఎండీ కూడా ఈ క్షణం నుంచే తను చార్జెస్ తీసుకుంటుంది అంటాడు ఆర్య. అంతేకాకుండా మీ ముందు ఇంకొక ప్రపోజల్ పెడుతున్నాను అంటూ జెండేకి చెప్తాడు ఆర్య. ఒక ఫైల్ తీసుకువచ్చి డైరెక్టర్స్ ముందు పెడతాడు. ఒక్కొక్క డైరెక్టర్ ఏమీ చదవకుండానే దానిమీద సైన్ చేసుకుంటూ వెళ్తారు.

అదేంటో చదివి సంతకం పెట్టండి అని కంగారుపడుతూ చెప్తుంది మాన్సీ. కానీ ఎవరూ వినిపించుకోరు. చివర్లో ఆర్య కూడా సైన్ చేసి పేపర్ ని మాన్సీ కి ఇస్తాడు. అది చూసిన మాన్సీ ఒక్కసారిగా షాక్ అవుతుంది. కోపంతో అరుస్తుంది. తరువాత ఏం జరిగిందో రేపటి ఎపిసోడ్ లో చూద్దాం.