- Home
- Entertainment
- Balakrishna: బాలకృష్ణ సినిమా, నమ్మి మోసపోవడం నా తప్పే..పాన్ ఇండియా డైరెక్టర్ కి అన్యాయం జరిగిందా ?
Balakrishna: బాలకృష్ణ సినిమా, నమ్మి మోసపోవడం నా తప్పే..పాన్ ఇండియా డైరెక్టర్ కి అన్యాయం జరిగిందా ?
బోయపాటి శ్రీను దర్శకత్వంలో తెరకెక్కిన సింహా మూవీ ఘనవిజయం సాధించింది. ఈ సినిమా విషయంలో ఓ డైరెక్టర్ మనస్తాపానికి గురయ్యారు. ఆ సంఘటన ఏంటి ? ఆ దర్శకుడు ఎవరు ? అనేది ఈ కథనంలో తెలుసుకోండి.
Simha Movie
నందమూరి బాలకృష్ణ సినిమా వల్ల ఓ పాన్ ఇండియా డైరెక్టర్ కి అన్యాయం జరిగింది. బాలకృష్ణ వరుస పరాజయాల్లో ఉన్నప్పుడు తిరిగి సక్సెస్ ట్రాక్ ఎక్కించిన చిత్రం సింహా. బోయపాటి శ్రీను, బాలయ్య కాంబోలో వచ్చిన తొలి చిత్రం ఇదే. ఈ సినిమా విషయంలో హర్ట్ అయిన డైరెక్టర్ ఎవరో కాదు.. కొరటాల శివ.
రచయితగా కొరటాల రచయిత
కొరటాల శివ దర్శకుడు కాకముందు రచయితగా పనిచేశారు. బోయపాటి దర్శకత్వం వహించిన తొలి చిత్రం భద్రకి కూడా కొరటాల రచయిత. సింహా చిత్రానికి కూడా రచయితగా పనిచేశారట. కానీ రచయితగా కొరటాల శివకి క్రెడిట్స్ దక్కలేదట.
క్రెడిట్స్ విషయంలో చిన్న తప్పు
దీని గురించి కొరటాల శివ ఓ ఇంటర్వ్యూలో స్పందించారు. అసలు సింహా మూవీ విషయంలో మీకు జరిగిన అన్యాయం ఏంటి అని ప్రశ్నించగా కొరటాల బదులిచ్చారు. క్రెడిట్స్ విషయంలో చిన్న తప్పు జరిగింది. ఇలాంటివి ప్రతి ఒక్కరి లైఫ్ లో, అన్ని రంగాల్లో జరిగే సంఘటనలే. నేర్చుకుంటూ ముందుకు వెళ్ళాలి.
రెచ్చగొట్టాలని నాకు లేదు
నమ్మి మోసపోవడం మన తప్పు. లైఫ్ లో అప్స్ అండ్ డౌన్స్ సహజం. ఇప్పుడు అందరం బావున్నాం. వ్యక్తిగతంగా వెళ్లి రెచ్చగొట్టాలని నాకు లేదు. ఆ సంఘటన వల్ల మనస్తాపం చెందిన మాట వాస్తవమే అని కొరటాల అన్నారు. ఆ సంఘటన నుంచి తాను త్వరగానే బయటపడ్డట్లు కొరటాల తెలిపారు.
రొటీన్ కథే అయినప్పటికీ..
కొరటాల శివ మిర్చి చిత్రంతో దర్శకుడిగా పరిచయం అయ్యారు. రొటీన్ కథే అయినప్పటికీ కొరటాల శివ ప్రభాస్ ని ప్రజెంట్ చేసిన విధానం, యాక్షన్ సన్నివేశాలు చిత్రీకరించిన తీరు ప్రతి ఒక్కరినీ మెప్పించింది. ఆ తర్వాత శ్రీమంతుడు చిత్రంతో టాలీవుడ్ లో సెన్సేషనల్ డైరెక్టర్ గా మారిపోయారు. దేవర చిత్రంతో పాన్ ఇండియా డైరెక్టర్ గా ఎదిగారు.
